Worldlink ads

कृषकद्वारा क्षतिपूर्ति र दोषीलाई कारबाही माग

आदर्श समाज सम्वाददाता
असाेज २४, २०७५
Krishak news _Fotor

पोखरा, २३ असोज । पोखरा महानगरपालिका वडा १७, महतगौंडाका कृषकहरुको समूहले मंगलबार क्षतिपूर्ति र कारबाहीको माग गर्दै विभिन्न कार्यालयमा ज्ञापनपत्र बुझाएका छन् ।

कृषक समूहले भूमि व्यवस्था कृषि तथा सहकारी मन्त्रालय पोखरा, पोखरा महानगरपालिका कृषि शाखा र कृषि ज्ञान केन्द्र स्याङ्जामा ज्ञापनपत्र बुझाएका हुन् ।

पचास प्रतिशत अनुदानमा प्राप्त जेठो बूढा धानको बीउँ लगाउँदा बेजातको धान पसाएको भन्दै क्षतिपूर्ति सहित दोषीलाई कारबाहीको माग गरिएको छ ।

जेठो बूढा धानको बीउँ लगाउँदा ५० प्रतिशत जेठो बूढा र ५० प्रतिशत विभिन्न जातको धान पसाएको भन्दै धान खेतको निरीक्षण गर्न ध्यानाकर्षण गराइएको छ ।

चौबीस जना कृषकद्वारा हस्ताक्षर गरी बुझाइएको ज्ञापनपत्रमा धानको त्यस्तो अवस्थाले कृषक अन्यौलमा परेको उल्लेख छ ।

कृषकलाई क्षतिपूर्ति दिन र नराम्रो बीउँ वितरण गर्ने व्यक्तिमाथि छानविन गरी कारबाही गर्न माग गरिएको छ । साथै ज्ञापनपत्रमा माग पूरा नभए कडाभन्दा कडा आन्दोलनमा उत्रने चेतावनी समेत दिइएको छ ।

Related News

सम्बन्धित समाचार

    • पोखरा महानगरपालिकाको अत्यावश्यक बाहेकका सेवा स्थगित

      रासस माघ १३, २०७८
      पोखरा । भौगोलिक रूपमा देशकै सबैभन्दा ठूलो पोखरा महानगरपालिकाबाट प्रवाह हुँदै आएका अत्यावश्यक बाहेकका नियमित सेवाहरू आजदेखि स्थगित गरिएको छ…
    • निर्माणाधीन पुल चर्कियो

      आदर्श समाज सम्वाददाता माघ १३, २०७८
      गगनगौंडा । पोखरा वडा ३२ र ३३ गगनगौंडा र लामगादी जोड्ने सेती नदीमाथि निर्माणाधीन पक्की पुल चर्किएको छ । ६१…
    • टोल विकास संस्थास्तरीय वक्तृत्वकलामा पार्वती प्रथम

      आदर्श समाज सम्वाददाता माघ १३, २०७८
      पोखरा । पोखरा वडा १३ कार्यालयद्वारा आयोजित टोल विकास संस्थास्तरीय वक्तृत्वकला प्रतियोगितामा कुँडहर टोलअन्तर्गत बाल कल्याण आमा समूहकी पार्वती सिग्देल…
    • मिस तामाङ भर्चुअल हुने

      आदर्श समाज सम्वाददाता माघ ११, २०७८
      पोखरा । छैटौं मिस तामाङ पोखरा–२०२२ को ग्रान्ड फिनाले भर्चुअल हुने भएको छ । पछिल्लो समय कोभिड–१९ को नयाँ भेरियन्ट…
    • खास्टे र न्यूरेनी ताल सफाइ

      आदर्श समाज सम्वाददाता माघ ११, २०७८
      लेखनाथ । खास्टेताल मत्स्य तथा कृषि सहकारी संस्थाले आफ्नो छैटौं स्थापना दिवस अवसरमा ताल वरपर सरसफाइ गरेको छ । तालको…

    hero news full width