Worldlink ads

विन्ध्यवासिनीमा नवदुर्गा महोत्सव

आदर्श समाज सम्वाददाता
असाेज २३, २०७५
bindhyabasini temple-075 (1)_Fotor

पोखरा, २२ असोज। विजयादशमी अवसरमा विन्ध्यवासिनी धार्मिक क्षेत्र विकास समितिले नवदुर्गा महोत्सव-२०७५ आयोजना गर्ने भएको छ। समितिले सोमबार पत्रकार सम्मेलन गरी सो जानकारी दिएको हो।

समितिले २०६४ सालेदेखि नियमित रुपमा नवदुर्गा महोत्सव गर्दै आएको छ। यसपालि महोत्सवअन्तर्गत घटस्थापनामा नवदुर्गा शोभायात्रा गरिने छ। शोभायात्रामा विन्ध्यवासिनी देवीका नौ रुपको स्वरुप नवकन्याका नौ रथ, विन्ध्यवासिनी मन्दिरको झाँकी मुख्य आकर्षणका रुपमा रहने समितिका अध्यक्ष गणेशबहादुर श्रेष्ठले जानकारी दिए।

उनका अनुसार शोभायात्रामा नेपाली सेना, नेपाल प्रहरी, शसस्त्र प्रहरी, आमा समूह, भजन समूह, भक्तजन लगायतको सहभागिता रहने छ। मन्दिर परिसरबाट शुरु हुने शोभायात्रा पोखराका विभिन्न स्थान परिक्रमा गर्नेछ। घटस्थापनादेखि नवमीसम्म श्रीमद्भागवत् ज्ञानमहायज्ञ हुने र महायज्ञमा पण्डित निजानन्द पौडेलले संगीतमय झाँकी सहितको प्रवचन गर्ने छन्।

र्ँपर्व विशेषका गतिविधिमध्ये दसैंमा नवदुर्गा महोत्सव गर्दै आइरहेका छौं, समिति अध्यक्ष श्रेष्ठले भने, र्ँपर्व विशेषका पूजनोत्सव, धार्मिक गतिविधि र आध्यात्मिक प्रवचनको माध्यमबाट धर्म र संस्कृतिको संरक्षणमा क्रियाशील छौं।’

उनले महोत्सव सम्पन्न गर्न विभिन्न २८ वटा उपसमिति र सल्लाहकार समिति गठन गरिएको बताए। यस्तै, समिति सचिव तीथ श्रेष्ठले दसैं-तिहारबीचमा मठमन्दिरको सम्मेलन गर्ने तयारी गरिएको जानकारी दिए। गण्डकी प्रदेशमा धार्मिक पर्यटनको प्रचूर सम्भावना रहेकाले धार्मिक संघसंस्थाबीच छलफल गर्न सम्मेलन गर्न लागिएको उनको भनाइ छ। सम्मेलनले धार्मिक पर्यटनको विकासका लागि राज्यको ध्यान खिच्न सक्ने बताइएको छ।

मठमन्दिरबीच समन्वय, अन्तरसम्बन्ध र मन्दिर संचालनको अनुभव आदानप्रदान गर्न लागि सम्मेलन महत्वपूर्ण हुने विश्वास लिइएको छ।

Related News

सम्बन्धित समाचार

    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…
    • पेन्सन वितरण कार्यालयमा रक्तदान

      आदर्श समाज सम्वाददाता पौष २७, २०७८
      पोखरा । भारतको ७५ औं स्वतन्त्रता दिवस सन्दर्भमा भारतीय राजदूतावास पेन्सन वितरण कार्यालय, पोखराले सोमबार रक्तदान एवं निशुल्क स्वास्थ्य शिविर…

    hero news full width