Worldlink ads

मस्र्याङ्दी गाउँपालिकामा महोत्सवको तयारी

आदर्श समाज सम्वाददाता
असाेज २२, २०७५

लमजुङ, २१ असोज। लमजुङमा गाउँपालिकाले महोत्सव गर्ने तयारी गरेको छ । उत्तरी क्षेत्रमा रहेको मस्र्याङ्दी गाउँपालिकामा आगामी मंसिर पहिलो साता महोत्सव गर्ने तयारी गरेको हो ।

हरिबोधनी एकादशी अर्थात ठूलो एकादशी पर्वमा लाग्ने मेलाको अबसर पारेर मंसिर ३ देखी ५ गतेसम्म तीन दिन महोत्सव सञ्चालन गर्न लागिएको मस्र्याङ्दी गाउँपालिकामा अध्यक्ष अर्जुन गुरुङले बताए । त्यसका लागि गाउँपालिकाको अध्यक्षको संयोजकत्वमा १ सय १ सदस्यीय महोत्सव मूल समारोह समिति गठन गरेको छ ।

महोत्सवको व्यवास्थापनका लागि अध्यक्ष गुरुङकै संयोजकत्वमा १५ सदस्यीय सचिवालय समितिको साथमा विभिन्न १० वटा उपसमिति समेत गठन गरिएको मस्र्याङ्दी गाउँपालिका उपाध्यक्ष होम विकले बताए ।

उनका अनुसार हरेक वर्ष मस्र्याङ्दी गाउँपालिका-३ स्थित खुदीबजारमा सञ्चालन हुँदै आएको हरिबोधनी एकादशी मेलालाई थप आकर्षक बनाउन महोत्सव आयोजना गरिएको हो ।

महोत्सवमा धार्मिक मेलासहित कृषि तथा स्थानीय उत्पादन प्रदर्शनी, स्थानीय कला संस्कृतिको प्रदर्शन, होमस्टेसहितका विभिन्न पर्यटकीय स्थानको भ्रमण, आर्गानिक खाना, मनोरञ्जनात्मक कार्यत्रक्रम भलिबल, छेलोसहितको खेलकुद प्रतियोगिता गरिने मूल समितिका संयोजक अर्जन गुरुङले बताए ।

उनका अनुसार महोत्सवको प्रचारका लागि गाउँपालिकाका उपाध्यक्ष होमबहादुर विकको संयोजकत्वमा नौ सदस्यीय प्रचारप्रसार समिति गठन गरिएको छ । वडा नं. ३ का अध्यक्ष प्रेम बस्नेतको संयोजकत्वमा अतिथि सत्कार उपसमिति गठन गरिएको छ । लमजुङ उद्योग बाणिज्य संघ खुदी इकाईका अध्यक्ष वीरेन् भण्डारीको संयोजकत्वमा आर्थिक उपसमिति तथा वडा नं. ४ का अध्यक्ष सुमन गुरुङको संयोजकत्वमा गठित सांस्कृतिक उपसमिति, वडा नं. ७ का अध्यक्ष युवा घले संयोजकत्व चयन भए ।

त्यस्तै, लमजुङ उद्योग बाणिज्य संघ खुदी इकाईका पूर्व अध्यक्ष लेखमान कतिलाको संयोजकत्वमा स्टल, गेट तथा मञ्च व्यवस्थापन उपसमिति गठन गरिएको छ भने सोही इकाईका सचिव सूर्यप्रकाश कतिलाको संयोजकत्वमा आवास तथा खाजा व्यवस्थापन उपसमिति, रवि थापाको संयोजकत्वमा गठित खेलकुद व्यवस्थापन उपसमिति र वडा नं. ९ का अध्यक्ष नारायण थापाको संयोजकत्वमा झाँकी व्यवस्थापन तथा पर्यटन उपसमिति गठन गरिएको छ ।

सचिवालय र सम्पूर्ण उप-समितिहरुको संयुक्त बैठक असोज २८ गते बस्ने र सोभन्दा अगावै सबै उप-समितिहरूको बठैक बसी अवधारण तथा कार्ययोजना तयार पार्ने निर्णय भएको महोत्सवका संयोजक एवम् गाउँपालिकाका अध्यक्ष अध्यक्ष अर्जुन गुरुङले बताए ।

उनका अनुसार यहि असोज २३ गते महोत्सव आयोजक सचिवालयको बैठक बसेर उप-समितिहरूको काम कर्तव्य र कार्ययोजना, महोत्सवको कार्यक्रम र व्यवस्थापन लगायतका विषयहरूको अन्तिम टुंगो लाग्ने छ ।

Related News

सम्बन्धित समाचार

    • विवेकशील साझाका अध्यक्ष रवीन्द्र मिश्रलाई कोरोना

      आदर्श समाज सम्वाददाता माघ ३, २०७८
      पोखरा । विवेकशील साझा पार्टीका अध्यक्ष रवीन्द्र मिश्रलाई कोरोना संक्रमण भएको छ । मिश्रले आफूलाई पनि कोरोना संक्रमण भएको सामाजिक…
    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • पत्रकार नारदजस्तो तटस्थ र निर्भीक हुनुपर्छः बास्तोला

      आदर्श समाज सम्वाददाता माघ १, २०७८
      कपिलबस्तु । स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पत्रकार नारदजस्तो हुन सक्नु पर्ने बताएका छन् । उनले स्वतन्त्र…
    • नेपाली नर्स लैजान बेलायत तयार

      रासस माघ १, २०७८
      पोखरा । नेपाल र बेलायतबीच श्रम सम्बन्ध कायम गर्ने विषयमा दुई देशका अधिकारी सहमत भएका छन्। दुवै देशका अधिकारीबीच शुक्रबार…
    • नरभक्षी बाघ नियन्त्रणका लागि टोली परिचालन   

      आदर्श समाज सम्वाददाता पौष ३०, २०७८
      नवलपुर। नवलपरासी (बर्दघाट–सुस्तापूर्व)मा बाघको आक्रमण बढ्दै गएपछि सो बाघको अनुगमन र नियन्त्रणका लागि टोली खटिएको छ । जिल्लाको विनयी त्रिवेणी…

    hero news full width