Worldlink ads

ट्रकको ठक्करबाट मृत्यु

आदर्श समाज सम्वाददाता
असाेज १९, २०७५

चितवन, १८ असोज  । पूर्वी चितवनको खैरहनीमा विहीवार ट्रक ठक्करबाट एक जनाको मृत्यु भएको छ । दुर्घटनामा अर्का एक घाइते छन्।

जिल्ला प्रहरी कार्यालय चितवनले दिएको जानकारी अनुसार पूर्वीबाट नारायणगढतर्फ आउँदै गरेको ना ५ ख ९८६१ नम्बरको ट्रकले पूर्व-पश्चिम राजमार्गको खैरहनीस्थित चौबीसकोठी चोकमा नम्बर नखुलेको मोटरसाईकललाई बाटो काट्दै गर्दा ठक्कर दिएको थियो।

घटनामा परी मोटरसाईकल चालक खैरहनी नगरपालिका वडा २, चैनपुरका अन्दाजी ४५ वर्षीय सोना महतोको घटनास्थलमै मृत्यु भएको हो।

मोटरसाईकल पछाडि सवार महतोकी श्रीमती जेनी घाइते भएकी छन्। उनको भरतपुरस्थित एलाईभ हस्पिटल एण्ड ट्रमा सेन्टरमा उपचार भईरहेको छ।

घटना लगत्तै आक्रोशित स्थानीयले ट्रकमा आगजनी गरेका छन्। आगजनीबाट ट्रकको अगाडिको भाग जलेको छ। ट्रकचालक प्रहरी नियन्त्रणमा छन्।

Related News

सम्बन्धित समाचार

    hero news full width

    Jewellery

    sanil ads

    wordlink ads