Worldlink ads

‘अन्त्यहीन इच्छा’ माथि परिचर्चा

आदर्श समाज सम्वाददाता
असाेज १८, २०७५
Radio Janani Samman

पोखरा, १७ असोज। साहित्यकार गीता खत्रीको कथासंग्रह ‘अन्त्यहीन इच्छा’ परिचर्चा गरिएको छ। अन्तर्राष्ट्रिय नेपाली साहित्य समाजका पूर्व अध्यक्ष खत्रीले अमेरिका बसाइँमा लेखेको उक्त कथा संग्रहभित्र १७ वटा कथाहरु संग्रहित छन्।

प्रमुख अतिथि कवि तीर्थ श्रेष्ठले ‘बाघ’ शीर्षकको कविता वाचन गरेर कार्यक्रम उद्घाटन गरेका थिए। उनले राष्ट्रियता र नागरिकता फरक रहेको चर्चा गर्दै खत्री राष्ट्रवादी साहित्यकार रहेको बताए। उनले शुभकामना दिँद भने, ‘विदेशी समुद्र किनारमा फूलेको फूलभन्दा हाम्रो नेपालकै माटोमा फूलेको फूल बन्नुहोस्।’

प्राज्ञ हरिदेवी कोइरालाले साहित्यकी बहुआयामिक स्रष्टा खत्रीले साहित्यमार्फत देश र विदेशलाई जोड्ने सेतु बनेको चर्चा गरिन्।

पत्रकार वद्रीविनोद प्रतिकले कथाकार खत्रीले स्वदेशी र विदेशी समाज तथा जनजीवनमा अनुभवलाई कथा संग्रहमा समेटेको बताए।

संग्रहभित्रका कथाको भाषाशैली र लेख्ने कला सरल रहेको उनले बताए।

कार्यक्रममा अलि मियाँ लोकवाङ्मय प्रतिष्ठानका अध्यक्ष हनिफ मियाँ लगायतले शुभकामना मन्तव्य व्यक्त गरेका थिए ।

साहित्यकार खत्रीले २० वर्ष अघिदेखिका जीवनका भोगाइलाई कथाको रुप दिएको उल्लेख गरिन्। उनले सकारात्मक सोचबाट कथासंग्रहको थालनी र अन्त्य गरेको बताइन्।

सो अवसरमा रेडियो जननिले साहित्यकार खत्रीलाई सम्मान गर्‍यो। प्राज्ञ श्रेष्ठले ढाकाको पछ्यौरा ओढाउँदै खत्रीलाई सम्मानपत्र प्रदान गरे ।

उक्त अवसरमा अलि मियाँ लोकवाङ्मय प्रतिष्ठान र लेखनाथ साहित्य प्रतिष्ठान र नारी वाङ्मय प्रतिष्ठान समेतले खत्रीलाई सम्मान अर्पण गरेको थियो।

रेडियो जननी अध्यक्ष मिलन थापाको अध्यक्षतामा भएको कार्यक्रममा रेडियोकी पूर्व अध्यक्ष हिरा भट्टराईले रेडियोबारे प्रकाश पारेकी थिइन् ।

नारी प्रतिभा वाङ्मय प्रतिष्ठानकी उपाध्यक्ष अम्बिका भण्डारीले स्वागत र रेडियो जननिकी स्टेशन म्यानेजर बिमला भण्डारीले संचालन गरेकी थिइन्।

Related News

सम्बन्धित समाचार

    • ‘आकाशगंगाको किनार’ लोकार्पण

      आदर्श समाज सम्वाददाता मंसिर १३, २०७८
      पोखरा । कवि एवं लेखक अजित उत्सवको कविता संग्रह ‘आकाश गंगाको किनार’ पोखरामा लोकार्पण गरिएको छ । नेपाल संगीत तथा…
    • नीलकण्ठ घिमिरेको ‘शान्ति कामना’ लोकार्पण

      आदर्श समाज सम्वाददाता मंसिर १२, २०७८
      पोखरा । नीलकण्ठ घिमिरेका कविताको संग्रह ‘शान्ति कामना’ शनिबार लोकार्पण गरिएको छ । उनको तेस्रो स्मृति दिवस पारेर महाकाव्यकार जनार्दनशरण…
    • लोकनृत्य कलाकार संघबाट सम्मान

      आदर्श समाज सम्वाददाता मंसिर ७, २०७८
      पोखरा । लोकनृत्य कलाकार संघ कास्कीको प्रथम वार्षिकोत्सव कलाकार सम्मान तथा सांस्कृतिक कार्यक्रमसहित सम्पन्न भएको छ । संस्थाले गुरुङ चलचित्रका…
    • निबन्ध प्रतियोगितामा शीतलादेवीकी करिना प्रथम

      आदर्श समाज सम्वाददाता मंसिर ५, २०७८
      पोखरा । महाकवि लक्ष्मीप्रसाद देवकोटाको ११३ औं जन्म जयन्तीका अवसरमा पोखरा प्रज्ञा–प्रतिष्ठानद्वारा आयोजित पोखरा महानगरपालिकाका विद्यालयबीचमा बीचमा भएको निबन्ध प्रतियोगितामा…
    • समता काव्य सन्ध्याको ३४२ औं शृंखला

      आदर्श समाज सम्वाददाता मंसिर ५, २०७८
      पोखरा । पोखरेली युवा सांस्कृतिक परिवारले कविताको अघोषित पाठशालाका रुपमा सञ्चालन गर्दै आएको समता काव्य सन्ध्याको ३४२ औं शृंखला शनिबार…

    hero news full width

    sanil ads

    wordlink ads

    trending post

    ट्रेन्डिङ्ग