पोखरा, १५ असोज। पोखरामा टिभिएस व्राण्डको नयाँ स्कुटरको बिक्री शुरु भएको छ।

टिभिएसको गण्डकी धौलागिरी क्षेत्रको आधिकारिक बिक्रेता बतास व्रदर्श प्रालिले टिभिएसको नयाँ मोडल एन्ट्रोक (१२५ सिसी) को औपचारिक बिक्री गत शुक्रबारबाट शुरु गरेको हो।

नायिका स्वस्तिका खड्का र जगदम्भा मोर्र्टस प्रालिका भाइस प्रेसिडेन्ट दीपक अग्रवालले संयुक्त रुपमा  स्कुटर बिक्री शुरुवात भएको घोषणा गरे।

पछिल्लो पुस्ताको रुची र चाहनालाई लक्षित गरेर टिभिएले नयाँ नयाँ मोडलहरु बजारमा ल्याउने क्रममा उक्त स्कुटी बजारमा ल्याएको बतास ब्रदर्श प्रालिका कार्यकारी निर्देशक प्रमेश पराजुलीले जानकारी दिए। शुभारम्भका दिन १ सय वटा वुकिङ भइसकेको उनको भनाइ छ। अग्रवालले काठमाडौमा बिक्री शुभारम्भ भएको १० दिन अवधिमा १ हजारको संख्यामा स्कुटी बिक्री भएको जानकारी दिए।

एन्ट्रोक स्कुटीमा रेस मेसिन, भेहिकल लोकेशन इन्डीकेटर, व्लुटुथ, नेभिगेशन, पास लाईट र स्पोर्टी लुक्स लगायत विशेषता रहेको बिक्री प्रबन्धक सन्तोष पोखरेलले बताए। स्कुटरको मूल्य २ लाख २४ हजार ९ सय रुपैयाँ रहेको छ।

टिभिएसका अन्य मोडलहरु जस्तै सो स्कुटर पनि गण्डकी धौलागिरी क्षेत्रमा अधिकांशको रोजाइमा पर्ने कम्पनीको विश्वास छ।

टिभिएस अपाचे २२० सिसी, १८० सिसी, १६० सिसी, वेगो, जुपीटर, स्ट्राईकर मोडलहरु सर्वाधिक बिक्री हुने मोडलको रुपमा रहेको पोखरेल बताएँछन्। नेपालका लागि टिभिएस वाईक तथा स्कुटरहरुको आधिकारिक बिक्रेता जगदम्वा मोर्र्टस प्रालि हो।