Worldlink ads

‘पत्रकारिता गर्नेलाई कसैले रोक्न सक्दैन’

आदर्श समाज सम्वाददाता
असाेज १६, २०७५
IMG_1123

पोखरा, १५ असोज।आचारसंहिताभित्र रहेर आम जनताका हितमा काम गर्ने पत्रकारलाई कसैले रोक्न नसक्ने धारणा यहाँ एक कार्यक्रममा वक्ताले राखेका छन्।

क्रान्तिकारी पत्रकार संगठन नेपाल केन्द्रीय समितिद्वारा पोखरामा सोमवार आयोजित मानवअधिकार, प्रेस तथा अभिव्यक्ति स्वतन्त्रता विषयक अन्तरक्रिया कार्यक्रममा उक्त धारणा व्यक्त भएको हो।

कार्यक्रमका प्रमुख अतिथि रातो खबर प्रकाशन गृहका निर्देशक गुणराज लोहनीले आम जनतालाई सचेत गराउनु पत्रकारको कर्तव्य भएको बताए।

उनले भने- ‘राजनीतिक आन्दोलन टुङ्गोमा नपुगेको र शासनसत्ता सही रुपमा अघि नबढेका कारण देशमा हत्या, बलत्कारलगायत अनेक विकृति देखापरेको छ।’ पत्रकारले जनताको अधिकारको कुरा गर्नुपर्नेमा उनको जोड थियो।नेकपा माओवादी क्रान्तिकारीका नेता श्रीनाथ अधिकारीले मानवअधिकार सबैको परिभाषा एउटै भए पनि व्यवहार फरक भएको भन्दै श्रमजीविको अधिकारको कुरा उठाउनुपर्ने बताए।

स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाले मानअधिकार, प्रेस तथा अभिव्यक्ति स्वतन्त्रता सबैको साझा मुद्दा भएकाले यसमा सबै एक हुनपर्नेमा जोड दिए।

इन्सेक क्षेत्रीय प्रमुख शिव खकुरेलले मानवअधिकार उल्लंघन घटना सञ्चार माध्यममार्फत सार्वजनिक हुँदा दोषी उम्कन नपाउने र सजायँको भागिदार बन्ने बताए। पोखरा उच्च अदालत बार एशोसिएशनका अध्यक्ष रोहितराज बास्तोलाले भने – ‘मानवअधिकार र प्रेस स्वतन्त्रततालाई कुनै सीमामा बाँध्न सकिँदैन।’

नेपाल पत्रकार महासंघ प्रदेश समितिका सचिव रुद्रश्रीसले फौजदारी संहिताबाट प्रेस जगत त्रसित रहेको उल्लेख गर्दै सञ्चार अझै आवाजविहिनहरुको आवाज बन्न नसकेको बताए। नेपाल पत्रकार महासंघ कास्कीका अध्यक्ष दीपेन्द्र श्रेष्ठले मावनअधिकारका सम्बन्धमा कसैसँग पनि विमति नरहेको बताउँदै भने-’खोज पत्रकारिता पनि जनताकै लागि गरिने कुरा हो।’

जिल्ला अदालत बार एशोसिएसन कास्कीका अध्यक्ष मुक्ति सापकोटाले कानूनमा लेखिए पनि नलेखिए पनि मानवअधिकार मानव भएका नाताले भोग्न पाउने अधिकार भएको बताए।

शान्तिका लागि नागरिक सञ्जाल कास्कीका अध्यक्ष विष्णु बरालले गलत गर्नेले राजनीतिक संरक्षण पाएका कारण देशमा अपराध बढेको बताए।

राष्ट्रिय मानवअधिकार आयोग गण्डकीका सूचना प्रविधि सहायक सन्तोष बरालले देशमा आर्थिक तथा कानूनी अधिकार कमजोर भएको बताए।

क्रान्तिकारी पत्रकार संगठनका केन्द्रीय अध्यक्ष प्रकाश डुम्रेको अध्यक्षतामा भएको कार्यक्रममा केन्द्रीय सदस्य ओम हमालले स्वागत मन्तव्य राखेका थिए। कार्यक्रमको सञ्चालन महासचिव हिम विष्टले गरेका थिए।

Related News

सम्बन्धित समाचार

    • त्रिशूलीमा कार खस्दा पोखराका ३ जना बेपत्ता

      आदर्श समाज सम्वाददाता असाेज ८, २०७८
      पोखरा, ८ असोज । त्रिशूली नदीमा कार खस्दा पोखराका ३ जना बेपत्ता भएका छन् । काठमाडौंबाट पोखरा आउँदै गरेको कार…
    • कांग्रेस जिल्ला उपसभापतिमा ढुंगानाकाे उम्मेदवारी

      आदर्श समाज सम्वाददाता असाेज ८, २०७८
      लेखनाथ । नेपाली कांग्रेसको १४ औं महाधिवेशनमा कास्की जिल्लाको उपसभापतिमा पोखरा–३१ का कृष्णप्रसाद ढुंगानाले उम्मेदवारी घोषणा गरेका छन् । वेगनासतालमा…
    • शुभ अवसर ग्रामको तालिम सम्पन्न

      आदर्श समाज सम्वाददाता असाेज ८, २०७८
      पोखरा । शुभ अवसर ग्राम नेपालको आयोजनामा उद्यमशीलता विकास तथा व्यवसाय व्यवस्थापन तालिम सम्पन्न भएको छ । ४ दिनसम्म चलेको…
    • उत्तरदायी पत्रकारितामा जोड

      आदर्श समाज सम्वाददाता असाेज ८, २०७८
      पोखरा  । नेपाल पत्रकार महासंघ केन्द्रीय समिति र कास्की शाखाको संयुक्त आयोजनामा उत्तरदायी पत्रकारिता विषयक अभिमुखीकरण कार्यक्रम भएको छ । कार्यक्रममा…
    • बिरौटा सहकारीको रक्तदान

      आदर्श समाज सम्वाददाता असाेज ७, २०७८
      पोखरा । बिरौटा बचत तथा ऋण सहकारीले १२ औं वार्षिकोत्सवको अवसरमा आयोजना गरेको रक्तदानमा ३३ युनिट रगत संकलन भएको छ…

    hero news full width

    Jewellery

    sanil ads

    wordlink ads