पोखरा, १५ असोज। लामो समयदेखि यातायात तथा पर्यटन व्यवसायमा क्रियाशील युवा व्यवसायी केशवप्रसाद अधिकारी सम्मानित भएका छन्।

यातायात व्यवसायका माध्यमबाट पर्यटन क्षेत्रमा महत्वपूर्ण योगदान पुर्‍याए बापत अधिकारीलाई राष्ट्र संरक्षण मिडियाले काठमाडौंमा आयोजित एक समारोहमा सम्मान गरेको हो।

कार्यक्रममा सामान्य प्रशासन मन्त्री लालबाबु पण्डितले अधिकारीलाई सम्मान गरे।

पोखरा-काठमाडौंमा एसियाकै स्तरीय पर्यटक बस सञ्चालन गर्न सफल अधिकारीकै अगुवाइमा नेपाल भारतमैत्री बस समेत सञ्चालन भइरहेको छ।

आन्तरिक पर्यटनको प्रवर्द्धनसँगै बाहृय पर्यटक भित्र्याउन समेत योगदान पुर्‍याएकाले अधिकारीलाई सम्मान गरिएको बताइएको छ।

सम्मानले आगामी दिनमा थप रचनात्मक काम गर्न आफूलाई प्रोत्साहन मिलेको अधिकारीले बताए।