Worldlink ads

१९ दिनपछि खुल्यो बेसीशहर-चामे सडक

आदर्श समाज सम्वाददाता
असाेज १५, २०७५

लमजुङ, १४ असोज । हिमालपारीको जिल्ला मनाङ जोड्ने एकमात्र बेसीशहर-चामे सडक १९ दिनपछि सुचारु भएको छ । यद्यपी, जोखिमपूर्ण यात्रा भने ज्यूँका त्यूँ छ । अविरल वर्षाका कारण सडकको विभिन्न स्थानमा पहिरो गएका कारण यातायात अवरुद्ध भएको थियो ।

गत भदौ २७ गतेदेखि अवरुद्ध सडक आइतबारबाट सुचारु भएको मस्र्याङ्दी गाउँपालिकाका अध्यक्ष अर्जुन गुरुङले बताए  । उनका अनुसार सडक सुचारु भएसँगै १९ दिनदेखि टुटेको दुबै जिल्लाको सडक सम्बन्ध पुनः सुचारु भएको छ । बेसीसहर-चामे सडक खुलाउन डिभिजन सडक कार्यालय दमौलीबाट पहल भएको र जनप्रतिनिधी र स्थानीयको सहयोगकै कारण समयमै सडक खुलाउन सकिएको लमजुङका प्रमुख जिल्ला अधिकारी झंकनाथ ढकालले बताए । उनका अनुसार लमजुङ र मनाङ जोड्ने एक मात्र बेसीसहर चामे सडक सुचारु भएसँगै पैदलयात्रु र पर्यटकलाई सहज भएको छ ।

अवरुद्ध सडकमा सेवा सञ्चालनका लागि लमजुङको उदीपुरमा रहेको श्रीजङ गणका नेपाली सेनाले विष्फोटक पदार्थ प्रयोग गरी पहिरो हटाउनुका साथै पहरो खोपेर पुनः सडक बनाएको प्रजिअ ढकालले बताए । उनका अनुसार सडकको पुनः निर्माण कार्यमा नेपाली सेनालाई नेपाल प्रहरी, सडक डिभिजन, सांसद, जनप्रतिनिधी, स्थानीय र आसपासका जलविद्युत आयोजनाका कर्मचारीले साथ दिएका थिए । सडक सुचारु भएसँगै आवतजावतमा सहज भएको मनाङ चामे गाउँपालिकाका अध्यक्ष लोकेन्द्र घलेले बताए । उनका अनुसार सडक खुल्ोसँगै पर्यटकीय सिजन शुरु भएकाले आन्तरिक तथा बाहृय पर्यटकलाई सहज हुने भएको छ । बेसीसहर-चामे सडक करिब ६५ किमिरहेको छ जसमध्ये लमजुङतर्फ ३५ र मनाङतर्फ ३० किमी पर्दछ ।

Related News

सम्बन्धित समाचार

    hero news full width

    Jewellery

    sanil ads

    wordlink ads