Worldlink ads

फेवा किनारमा माछापुच्छ्रे प्रतिविम्ब पार्क

आदर्श समाज सम्वाददाता
असाेज ८, २०७५

पोखरा, ७ असोज । पोखरा ड्यामसाइडस्थित फेवा किनारमा माछापुच्छ्रे प्रतिविम्ब पार्क (झण्डा पार्क) निर्माणका लागि सरकारले प्रक्रिया थालेको छ ।

प्रदेश सरकार र पोखरा महानगरपालिकाको ५०/५० लाख रुपैयाँ लगानीमा पार्क निर्माण गर्न लागिएको हो ।

यसका लागि समिति गठन भएको छ । प्रमुख सचिव लक्ष्मीराम पौडेलको संयोजकत्वमा अर्थ सचिव मुक्तिराम पाण्डे, भौतिक पूर्वाधार सचिव इश्वरचन्द्र मरहट्टा, महानगरपालिकाका प्रमुख प्रशासकीय अधिकृत शेषनारायण पौडेल र महानगरकै सिनियर डिभिजन इ. शोभियत खड्का सदस्य रहेको समिति गठन भएको हो । समितिले पार्कसँगै महानगर र प्रदेश सरकारको समन्वयमा गरिने कामबारे पनि अध्ययन गर्नेछ ।

पार्कका लागि समितिले एकसाताभित्र आवश्यक काम सकेर एमओयु गर्ने प्रक्रियामा लैजानेछ । ‘एक करोडको लगानीमा काम हुन लागेको हो ।

त्यसकै लागि समिति गठन भएको छ,’ महानगरका प्रशासकीय अधिकृत पौडेलले भने, ‘एकसाताभित्र एउटा खाका तयार हुन्छ । त्यसपछि एमओयु गरेर काम शुरु गछौर्ं’ पार्क निर्माणका लागि टेण्डर गर्ने मेयर मानबहादुर जिसी बताउँछन् ।

ड्यामसाइडको ४ रोपनी क्षेत्रफलमा माछापुच्छ्रेको शिर देखिने गरी पार्कको परिकल्पना गरिएको छ । जहाँ माछापुच्छ्रेको शिरमा नेपालको झण्डा रहनेछ ।

इ. किसान गुरुङले पार्क निर्माणका लागि डिजाइन तयार गरेका थिए । सोही डिजाइनमा महानगरपालिकाले लगानी गरेर काम गर्न लागेको थियो । यद्यपि प्रदेश सरकारले पनि चासो देखाएकोले सहकार्य गर्न लागिएको मेयर जिसी बताउँछन् । ‘महानगरले पहिले नै कामको तयारी गरिसकेको थियो ।

पछि प्रदेश सरकारले पनि नेपालको झण्डा बनाउने भनेर छलफल हुँदा सहकार्य गरौं भनेका हौं,’ उनले भने, ‘पोखरामा एउटा भए पनि हेर्नलायक ठाउँ बनाऔं भनेर पार्कको कन्सेप्ट आएको हो । पर्यटकका लागि पनि यो महत्वपूर्ण हुन सक्छ ।’

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग