पोखरा, ७ असोज।मन्त्री परिषद्को कार्यालय गण्डकी प्रदेशका प्रमुख सचिव लक्ष्मीराम पौडेलले पूर्व कर्मचारीमा रहेको ज्ञान, सीप र क्षमताको प्रयोग गर्न सरकार सदा तत्पर रहेको बताएका छन्।

पूर्व कर्मचारी सेवा परिषद् कास्कीको १४ औं वाषिर्क साधारण सभाको आइतवार उद्घाटन गर्दै मुख्य सचिव पौडेलले उक्त कुरा बताएका हुन्। प्रमुख जिल्ला अधिकारी चक्रबहादुर बुढाले पूर्व कर्मचारी सेवा परिषद्को योजना अनुसार निवृत्त कर्मचारीको सेवा राष्ट्रले प्राप्त गर्ने बताए।

कार्यक्रममा जिल्ला समन्वयका अधिकारी डिल्लीराम सिग्देल, संस्थाका प्रमुख सल्लाहकार कृष्णप्रसाद भण्डारी, निवर्तमान अध्यक्ष पिताम्बर बराल, पर्वत जिल्ला अध्यक्ष टंकप्रसाद सुवेदी, नेपाल राष्ट्रिय भूतपूर्व सैनिक संघ कास्कीका अध्यक्ष प्र.से. डिल्लीराम बास्तोला, पूर्व कर्मचारी बचतका अध्यक्ष विष्णुप्रसाद भण्डारीले शुभकामा मन्त्व्य राखेका थिए।

त्यस अवसरमा गोधूलिको सन्देश स्मारिका विमोचन, ८० वर्ष माथिका आजीवन सदस्यको सम्मान र नवनियुक्त अधिकृत लाईसम्मान गरिएको थियो।

पूर्व क्याम्पस प्रमुख गेहेन्देश्वर कोइरालाले गोधूलिको सन्देश चौथो अंकको समीक्षा गरेका थिए।

संस्थाका अध्यक्ष कृष्णकान्त सिग्देलको अध्यक्षतामा भएको कार्यक्रममा उपाध्यक्ष विष्णुप्रसाद भण्डारीले स्वागत र सचिव अनन्तराज लम्सालले सञ्चालन गरेका थिए।