Worldlink ads

स्वतन्त्र पत्रकारको प्रशिक्षक प्रशिक्षण शुरू

बोलिएको भन्दा लेखिएकोमा विश्वास : मेयर जिसी

आदर्श समाज सम्वाददाता
असाेज ७, २०७५
ija

पोखरा, ६ असोज। स्वतन्त्र पत्रकार संघ नेपालद्वारा आयोजित त्रिदिवसीय पत्रकार प्रशिक्षक प्रशिक्षण सुरु भएको छ । पोखरा महानगरपालिकाका मेयर मानबहादुर जिसीले सो प्रशिक्षणको शनिबार उदघाटन गरे ।

उनले पत्रकारको वर्तमान पुस्ता मुलुकमा परिवर्तनका लागि महत्वपूर्ण भूमिका निभाउनुका साथै सबैभन्दा बढी उतारचढाव देख्ने, भोग्ने र लेख्ने गरेका कारण कहिलेकाही ज्यानै जोखिममा परेको स्थितिको सामना गर्नु परेको भएता पनि अघिल्लो र आउने पुस्ताभन्दा बढी भाग्यमानी भएको बताए । उनले वर्तमानमा पत्रकारितालाई व्यावसायिक बनाउने चुनौती रहेको उल्लेख गरे । १० पटक बोलिएको भन्दा एक पटक लेखिएकोमा बढी विश्वास गरिने भएको हुँदा समाजमा पत्रकारिताको महत्व छ, तर यो वा त्यो खेमामा विभाजित भएर पत्रकारिताको विकास सम्भव छैन उनले भने । उनले तालिम पत्रकारितालाई थप मर्यादित, सार्थक र सहभागीहरूलाई नमूना योग्य बन्न प्रेरणा देओस् भन्ने कामना गरे ।

सो अवसरमा वरिष्ठ पत्रकार रामकृष्ण रेग्मीले पत्रकारितालाई पुनः परिभाषित गर्नु पर्ने बेला आएको बताउँदै आज कस्ले पत्रकारिता गरेको छैन र ? भन्ने स्थिति छ, यसलाई चिर्न सक्नु पर्छ भने । समयक्रममा यो सग्लिदै पनि जान्छ र यो अलमलको स्थिति लामो रहनु हुँदैन भन्दै उनले समाचार सग्लिए पछि सञ्चारमाध्यमहरू पनि स्वतः संग्लिन्छन् भने । उनले समस्या नबुझ्दा विग्रिएको छ भन्दै पत्रकारिता समाज बदल्ने पेशा भएको हुँदा यसलाई हल्का रूपमा र जागिरेको रूपमा लिन नहुने बताए। नले भने- यो सेवाको कार्य र अभ्यास गर्दै जाने विषय हो ।

नेपाल पत्रकार महासंघ कास्की शाखाका अध्यक्ष दिपेन्द्र श्रेष्ठले वरिष्ठ पत्रकार रामकृष्ण रेग्मी पत्रकारहरूको अभिभावक हुनुका साथै पत्रकारिता जगतको इन्साइक्लोपेडिया भएको र यस्तो व्यक्तित्वलाई प्रशिक्षकको रूपमा पाउनु गौरवको विषय हो भने । उनले तालिम दक्षता अभिवृद्धि गर्ने महत्वपूर्ण कार्य हो, यसले पत्रकारलाई चलायमान बनाउन थप मद्दत गर्ने छ भन्ने विश्वास व्यक्ति गरे ।

त्यसैगरी, उदघाटन सत्रमा अध्यक्षीय मन्तव्य व्यक्त गर्दै स्वतन्त्र पत्रकार संघ नेपालका राष्ट्रिय अध्यक्ष कृष्णप्रसाद बास्तोलाले पत्रकारितामा राजनीतिक दलगत र त्यसमा पनि गुटगत आग्रह पूर्वाग्रहबाट टाढा रहन चाहनेहरूको पेशगत हक हितका लागि स्वतन्त्र पत्रकार संघ स्थापित भएको बताए । संघमा आवद्ध पदाधिकारीहरू तथा सदस्यहरूको क्षमता अभिबृद्धिका साथ संगठन विस्तारमा सहयोग पुगोस् भन्ने धेयले तालिमको आयोजना गरिएको बताए ।

स्वतन्त्र पत्रकार संघ नेपालका राष्ट्रिय वरिष्ठ उपाध्यक्ष उदयबहादुर अमात्यले स्वागत मन्तव्य रहेको  प्रशिक्षणको उद्घाटन कार्यक्रमको संघका महासचिव नवराज पहाडीले सञ्चालन गरेका थिए । प्रशिक्षणमा संघको शाखा रहेका विभिन्न १५ जिल्लाका अध्यक्षसहितका प्रतिनिधि, राष्ट्रिय पदाधिकारी, सदस्यसमेत ३० जनाले भाग लिएका छन् ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग