Worldlink ads

‘तालबाराही पर्यटकीय आकर्षणको केन्द्र’

आदर्श समाज सम्वाददाता
असाेज ४, २०७५
tal

पोखरा, ३ असोज।फेवातालको बीचमा रहेको तालबाराही मन्दिर पर्यटकीय आकर्षणको केन्द्र भएकाले अझ बढी व्यवस्थित गर्नुपर्नेमा जोड दिइएको छ।

तालवाराही मन्दिर संरक्षण समिति पोखरा-६ को २२ औं साधारण सभाको उद्घाटन समारोहका वक्ताले उक्त कुरामा जोड दिएका हुन्।

समारोहका प्रमुख अतिथि पोखरा-६ का वडाध्यक्ष जगतबहादुर पहारीले तालवाराही मन्दिर फेवाताललगायत ऐतिहासिक तथा प्राकृतिक सम्पदा संरक्षणको लागि जनप्रतिनिधि सबैको जोड रहेको बताउँदै भने- फेवाताल हाम्रो जीवन हो। यसलाई जसरी पनि संरक्षण गर्नुपर्छ।

उनले मन्दिर र डुंगा व्यवसायी एक अर्काका पूरक भएकाले यी दुवै बीचको समन्वयकारी भूमिका हुनुपर्नेमा जोड दिए।

फेवालाई प्रदुषणमुक्त गर्न वाइपास डे्रम बन्दैछ उनले भने- फोहर गर्ने हामी नै हौ, हामी नै सचेत बन्नर्ुपर्छ।

साथै उनले तालवाराही मन्दिर वरपर सदा सफाइ भइरहनु पर्ने सुझाव राखेका थिए।

स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाले तालवाराही मन्दिरलाई विविध पक्षबाट भव्य बनाउन गुरुयोजना तयार गर्नुपर्नेमा जोड दिए।

सनातन धर्म सेवा समिति कास्कीका अध्यक्ष रविन्द्र माकाजुले हाम्रो धर्म संस्कृतिमाथि विभिन्न रुपबाट आक्रमण भइरहेकोमा सचेत हुनुपर्नेमा जोड दिँदै संस्कृति संरक्षणमा युवापुस्तालाई सहभागी गराउनुपर्ने बताए।

समाजसेवी होमबहादुर लामिछानेले मन्दिरको सम्पत्तिमा कसैले लोभ गर्न नहुने बताउँदै भने-फेवाताल किनारका वासिन्दाहरु मिलेर काम गरे मात्र ताल संरक्षण हुन्छ।

पूर्व सल्लाहकार चूडामणि पहारीले २१ वर्ष अघिको दूरावस्था स्मरण गर्दै समिति गठन भएपछि मन्दिर संरक्षणमा धेरै कार्य भएको बताए।

क्षेत्रीय होटल संघ पोखराका पूर्व अध्यक्ष गोविन्दराज पहारीले तालवाराही मन्दिरको आकर्षणकै कारण पोखराको पर्यटन वृद्धि भएको बताए।

कार्यक्रममा वडा सदस्य राममाया विक, डुंगा व्यवसायी संघका उपाध्यक्ष मंगल नेपाली, प्रगति दिदीबहिनी समूहकी अध्यक्ष विष्णु केसीलगायतले शुभकामना मन्तव्य राखेका थिए।

समितिका अध्यक्ष हिक्मतबहादुर कुँवरको अध्यक्षतामा भएको सो कार्यक्रममा  उपाध्यक्ष तुलसीमोहन गिरीले स्वागत, उपाध्यक्ष कमला भुजेलले धन्यवाद तथा सचिव शिवजी कुँवरले सञ्चालन गरेका थिए।

साधारणसभाले सचिव शिव कुँवरद्वारा प्रस्तुत प्रगति प्रतिवेदन र कोषाध्यक्ष प्रेमराज पहारीबाट प्रस्तुत आर्थिक प्रतिवेदन पारित गरेको थियो।

Related News

सम्बन्धित समाचार

    • शवदाह गृहको शिलालेख अनावरण

      आदर्श समाज सम्वाददाता असाेज ११, २०७८
      गगनगौंडा । पोखरा ३० गगनगौंडास्थित सतीघाटमा रहेको शवदाह गृहको आइतबार शिलालेख अनावरण गरिएको छ । स्थानीय चन्दादाता र सामुदायिक वनको…
    • सुइँखेतवासी ४० वर्षदेखि पानीको प्रतीक्षामा

      श्रीभद्र पौडेल असाेज ११, २०७८
      हेमजा । पोखरा–२५, सुइँखेतकी भगवती अधिकारी आइतबार बिहान निकै प्रशन्न देखिइन् । उनले गाउँको १ कार्यक्रममा सहभागी २० बढी अतिथिलाई…
    • सोलारको प्रसारण लाइन बिस्तारमा स्थानीयको अवरोध

      आदर्श समाज सम्वाददाता असाेज ११, २०७८
      लेखनाथ । कास्कीको रुपा गाउँपालिकास्थित नेपाल सोलार फार्म आयोजनाबाट उत्पादित ३३ केभी विद्युत प्रसारण लाइन बिस्तारमा पोखरा ३० र ३१…
    • पोखराको पर्यटनमा ग्रीन सिग्नल !

      प्रकाश ढकाल असाेज ११, २०७८
      पोखरा । असोज १ गतेदेखि गण्डकीका सबै गन्तव्य खुला भएका छन् । अन्नपूर्ण संरक्षण क्षेत्र आयोजना र मनास्लु संरक्षण क्षेत्र…
    • १० देशका राजदूत एकै पटक पोखरामा

      विजय नेपाल असाेज १०, २०७८
      पोखरा, १० असाेज । ४१ औं विश्व पर्यटन दिवसको पूर्वसन्ध्यामा पर्यटकीय नगरी पोखरामा एकै पटक १० देशका राजदूत ओर्लिएका छन्…

    hero news full width

    Jewellery

    sanil ads

    wordlink ads