हेमजा, २ असोज। माछापुच्छे्र गाउँपालिका १ स्थित माछापुच्छे्र गुराँसे भूमेँ युवा क्लबले आफ्नो रजत जयन्ती अवसरमा असोज २४ देखि २८ गतेसम्म माछापुच्छ्रे महोत्सव आयोजना गर्ने भएको छ ।
‘मौलिक कला संस्कृति, खेलकुद तथा कृषि पर्यटनको लागि’ भन्ने नाराका साथ महोत्सव आयोजना लागिएको पोखरामा सोमबार आयोजित पत्रकार सम्मेलनमा जनाइएको हो ।
महोत्सव मुख्य आकर्षणमा लोकदोहोरी कलाकारको प्रस्तुति, गाउँस्तरीय पुरुष भलिबल प्रतियोगिता, क्लबस्तरीय महिला भलिबल प्रतियोगिता, थ्री ए साइड फुटबल प्रतियोगिता, खुल्ला नृत्य प्रतियोगिता, छेलो प्रतियोगिता, घरेलु हस्तकला तथा कृषि सामग्रीको प्रदर्शनी, सांस्कृतिक, सांगीतिक एवं हास्य ब्यङ्ग्यात्मक कार्यक्रम, मौलिक झाँकी एवम लापोन्मुख लाखे नाच, होमस्टे प्रवर्द्धन तथा तातोपानी कुण्डको प्रचारप्रसार रहेको क्लबका अध्यक्ष हुमबहादुर गुरुङले जानकारी दिए।
पुरुष भलिबल प्रतियोगितातर्फ प्रथम पुरस्कार ६० हजार तथा द्वितीय पुरस्कार ४० हजार साथमा ट्रफी र मेडल पुरस्कार रहेको छ । क्लबस्तरीय महिला भलिबलतर्फ प्रथम पुरस्कार २० हजार, द्वितीय पुरस्कार १२ हजार साथमा ट्रफी र मेडल तथा भेट्र्रान्स भलिबलतर्फ प्रथमलाई खसी र द्वितीयलाई जोडी भाले प्रदान गरिनेछ ।
थ्री ए साइड फुटबल प्रतियोगितातर्फ प्रथमले १५ हजार र दोस्रोले १० हजार साथमा ट्रफी र मेडल पाउने छन् । छेलो, पुरुष घैटो फुटाइ, महिला म्युजिकल चियर, बालबालिकाको भित्री बाहिरी प्रतियोगितातर्फ समेत आकर्षक पुरस्कारको व्यवस्था गरिएको आयोजकले जनाएको छ।
त्यस्तै खुला नृत्य प्रतियोगितामा प्रथमले १० हजार, द्वितीयले ७ हजार, तृतीयले हजार तथा सान्त्वनाले १ हजार पुरस्कार प्राप्त गर्नेछन्।
महोत्सवमा महादेवको तीनशिर देखिने ऐतिहासिकस्थल अवलोकन, सात प्रजातिका कालिजको अवलोकन, जडीबुटीहरुको प्रदशनी पनि रहेको बताइएको छ । सबै जातजातिको, भेषभूषा र समग्र माछापुच्छ्रे गाउँपालिकाको चिनारी एवं प्रचारप्रसारमा जोड दिइने उद्देश्यका साथ महोत्सव आयोजना गरिएको वडा १ का अध्यक्ष वीरेन्द्र गुरुङ जानकारी दिए।
महोत्सवमा १५ लाख १ हजार खर्च र १७ लाख ९७ हजार रकम संकलन गरिने अनुमान गरिएको आयोजकले जनाएको छ ।
Related News
सम्बन्धित समाचार
कथा सुन्न भक्तजनको आकर्षण
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१