Worldlink ads

एपीएफ र न्यू डायमण्ड फाइनलमा

आदर्श समाज सम्वाददाता
भाद्र २७, २०७५

पोखरा, २६ भदौ । पोखरामा जारी राष्ट्रिय भलिबल प्रतियोगितामा साविक विजेता सशस्त्र प्रहरी बल -एपीएफ) र उपविजेता न्यू डायमण्ड एकेडेमी यस वर्ष पनि फाइनलमा आमनेसामने हुने भएका छन्।

नवआदर्श सामुदायिक विकास समाजको आयोजनामा लामाचौरमा मंगलबार भएको पहिलो सेमिफाइनलमा न्यू डायमण्डले चितवन र्टाईगरलाई र दोस्रो सेमिफाइनलमा एपिएफले त्रिभुवन आर्मीलाई सोझो सेटमा पराजित गर्दै उपाधि भिडन्त पक्का गरेका हुन्।

न्यू डायमण्डले चितवन टाइगरलाई २५-१७, २५-२३ र २५-१८ को सोझो सेटमा पराजित गर्दा एपिएफले त्रिभुवन आर्मीलाई २५-२२, २५-२० र २५-२१ मा पन्छाएको हो।

फाइनल बुधबार हुनेछ। त्यसअघि तेश्रो स्थानको लागि नै चितवन र्टाईगर र आर्मीबीच खेल हुनेछ। मंगलबार नै भएको लिग चरणका २ खेलमध्ये न्यू डायमण्डले आर्मीलाई २५-१४, २५-१९ र २५-१९ को सेटमा र आर्मीले पोखराको टप्स माविलाई २५-२१, २५-१९ र २५-१० को सोझो सेटमा पराजित गरेका थिए।

विजेता टिमले एक लाख र उपविजेताले ६५ हजार सहित ट्रफि मेडल प्रमाणपत्र प्राप्त गर्ने खेल संयोजक सुशीलकुमार श्रेष्ठले जानकारी दिए।

इन्द्रराज्यलक्ष्मी मावि परिसरमा भएको तीज महोत्सवअन्तर्गत बुधबार दीपक खड्का, मन्जु पौडेल, चन्द्र शर्मा लगायत कलाकारको प्रस्तुति हुने सांस्कृतिक संयोजक दिलबहादुर थापाले बताए। अन्तरमावि लोक नृत्य प्रतियोगितामा सरस्वती आदर्श विद्याआश्रम प्रथम भयो । १९ समूहलाई पछि पार्दै सरस्वतीले २५ हजार पुरस्कार प्राप्त गर्‍यो। प्रतियोगितामा मेरी गोल्ड दोश्रो, सूर्योदय तेश्रो हुँदा कुमुदिनी होम्स, कास्की मोडनाइज्ड र प्रगति बोर्डिङ सान्त्वना भए ।

बुधबार महोत्सवमा साहित्यतर्फ तीर्थ गुरुङ, उद्योग व्यवसायीतर्फ धर्मराज थापा, शिक्षातर्फ विन्ध्यवासिनी मावि र खेलकुदतर्फ व्याडमिन्टनका विशाल खड्कालाई सम्मान गरिने आयोजकले जनाएको छ ।

Related News

सम्बन्धित समाचार

    • मादीको ‘ड्रिम प्रोजेक्ट’ खेलग्राम

      सुनील सापकोटा मंसिर १६, २०७८
      पोखरा । कास्कीको मादी गाउँपालिका ४, बेतेनीमा गाउँपालिकाले निर्माण गरेको खेलग्राम बुधबार उद्घाटन गरिएको छ । गाउँपालिका अध्यक्ष वेदबहादुर गुरुङले…
    • खेलकुद परिषद सदस्य सचिवमा टंकलाल नियुक्त

      आदर्श समाज सम्वाददाता मंसिर १४, २०७८
      पोखरा । सरकारले राष्ट्रिय खेलकुद परिषद् सदस्य सचिवमा टंकलाल घिसिङलाई नियुक्त गरेको छ । मन्त्रिपरिषदको सोमवारको बैठकले नेपाल रग्बी संघका…
    • सहारा क्लब हङकङमा दीपक

      आदर्श समाज सम्वाददाता मंसिर १३, २०७८
      पोखरा । सहारा क्लब हङकङको अध्यक्षमा दीपक गुरुङ सर्वसम्मत चयन भएका छन् । आइतबार सम्पनन तेस्रो अधिवेशनले दीपकको अध्यक्षतामा २०…
    • पोखरा आदर्श सेकेण्डरीमा खेलकुद

      आदर्श समाज सम्वाददाता मंसिर ११, २०७८
      पोखरा । पोखरा आदर्श सेकेण्डरी स्कुल, बगरले अन्तरसदनात्मक खेलकुद कार्यक्रम–२०७८ गरेको छ । २ दिनसम्म चलेको खेलकुद कार्यक्रमको उद्घाटन विद्यालय…
    • महिला क्रिकेट : नेपालद्वारा मलेसिया पराजित   

      आदर्श समाज सम्वाददाता मंसिर १०, २०७८
      महिला क्रिकेट : नेपालद्वारा मलेसिया पराजित काठमाडौँ १० मङ्सिर (रासस) : संयुक्त अरब इमिरेट्स (युएई) मा जारी आइसिसी महिला टी–ट्वान्टी…

    hero news full width

    sanil ads

    wordlink ads

    trending post

    ट्रेन्डिङ्ग