Worldlink ads

भलिबलमा आर्मी र न्यू डायमन्डबीच उद्घाटन खेल

आदर्श समाज सम्वाददाता
भाद्र २२, २०७५

पोखरा, २१ भदौ। लामाचौरमा हुने महिला भलिबल प्रतियोगिताको उद्घाटन खेलमा चिरपरिचित प्रतिद्वन्द्वी त्रिभुवन आर्मी र शिवम् सिमेन्ट न्यू डायमन्ड भिड्ने भएका छन्।

भदौ २५ देखि २७ गतेसम्म संचालन हुने प्रतियोगितामा डिफेन्डिङ च्याम्पियन सशस्त्र प्रहरी बल, शिवम् सिमेन्ट न्यू डायमण्ड एकेडेमी, नेपाल पुलिस क्लब, नेपाल आर्मी, जाउलाखेल भलिबल प्रशिक्षण केन्द्र, चितवन टार्इगर्स र टप्स मावि पोखरा गरी ७ टिमल सहभागिता जनाउने छन्।

प्रतियोगिताअन्तर्गत समूह ‘ए’ मा सशस्त्र प्रहरी बल, नेपाल पुलिस क्लब, जाउलाखेल भलिबल प्रशिक्षण केन्द्र र चितवन टार्इगर्स रहेका छन् ‘बी’ मा डायमण्ड, टप्स मावि पोखरा र नेपाल आर्मीको त्रिभुवन क्लब रहेको नेपाल भलिबल संघका वरिष्ठ उपाध्यक्ष याम गुरुङले बताए।

प्रतियोगिताअन्तर्गत २५ गते बिहान ७ बजे शुरु हुने खेलमा पहिलो खेल टप्स र न्यू डायमन्डबीच हुनेछ ।

विजेताले १ लाख र उपविजेताले ६५ हजार, तेस्रोले २५ हजार र चौथोले १५ हजार साथमा ट्रफी, मेडल र प्रमाणपत्र प्राप्त गर्ने छन्।

महोत्सवमा भलिबलसँगै तीजगीत प्रतियोगिता एवं विविध प्रतियोगिता समावेश गरिएको छ। महोत्सवको सबै तयारी पूरा भएको आयोजक नवआदर्श सामुदायिक विकासका अध्यक्ष बमबहादुर गुरुङले बताए ।

प्रचारप्रसार उपसमिति संयोजक धर्ममानसिंह भण्डारीले महोत्सवबाट बचत हुने रकम समाजले संचालन गर्दै आएको एम्बुलेन्स तथा शववाहन सेवामा खर्च गर्दै आएको बताए।

महोत्सवमा कलाकार सम्झना भण्डारी, काजल गुरुङ, नेत्रपाणि बास्तोला, बबिता बानियाँ ‘जेरी’, प्रीति आले, मञ्जु पौडेल, खुमन अधिकारी, दीपक खड्का, रामजी पौडेल, चोलेन्द्र पौडेल, बसन्त थापा, ज्योति लोहनी, चन्द्र शर्मा, शंकरविरही गुरुङ, प्रदीप त्रिपाठी, कृष्ण भण्डारीलगायतको प्रस्तुति रहनेछ । यस्तै हास्यव्यङ्ग्य प्रहसनसमेत हुने आयोजकले जनाएको छ।

Related News

सम्बन्धित समाचार

    • चेन्नई सुपर किंग्सलाई चौथो पटक आइपिएल  उपाधि

      आदर्श समाज सम्वाददाता असाेज ३०, २०७८
      पोखरा । इन्डियन प्रिमियर लिग (आइपिएल) को उपाधि चेन्नई सुपरकिंग्सले जितेको छ। यूएईमा सम्पन्न खेलमा कोलकाता नाइट राइडर्सलाई २७ रनले…
    • मर्दी हिमाल फुटसललाई उपाधि

      आदर्श समाज सम्वाददाता असाेज २३, २०७८
      लेखनाथ । लेखनाथ जेसीजले दसैं अवसरमा आयोजना गरेको जेसीज फुटसल कप–२०७८ उपाधि मर्दी हिमाल फुटसल क्लबले हात पारेको छ ।…
    • राष्ट्रिय ए डिभिजन फुटसल लिगको उपाधि क्यासललाई

      आदर्श समाज सम्वाददाता असाेज २२, २०७८
      पोखरा, २२ असोज । राष्ट्रिय ए डिभिजन फुटसल लिगको उपाधि स्पोट्र्स क्यासलले जितेको छ । पोखरा रंगशाला बहुउद्देश्यीय कभर्डहलमा भएको…
    • तेक्वान्दो संघको शुभकामना तथा सम्मान

      आदर्श समाज सम्वाददाता असाेज २२, २०७८
      पोखरा । नेपाल तेक्वान्दो संघ गण्डकी प्रदेश र कास्की जिल्ला समितिले दसैंतिहार, नेपाल संवत्, छठ लगायत पर्वको अवसरमा बिहीबार शुभकामना…
    • दौडमा सेनाको वर्चश्व

      आदर्श समाज सम्वाददाता असाेज २२, २०७८
      पोखरा । विभागीय नेपाली सेनाले १० किलोमिटर खुला महिलापुरुष दौड प्रतियोगितामा वर्चश्व जमाएको छ । पोखरा महानगरपालिका खेलकुद विकास समितिले…

    hero news full width

    Jewellery

    sanil ads

    wordlink ads