नेपालमै पहिलो सोलार कम्पनी

आदर्श समाज सम्वाददाता
भाद्र १४, २०७५

खैरेनीटार, १३ भदौ। सोलार र्फम प्रालिलेे शुक्लागण्डकी-५, बेलचौताराबाट नेपालमा पहिलो पटक ५ मेगावाटको सौर्य उर्जा उत्पादन गर्ने भएको छ।

सोलार प्लान्टबारे जानकारी दिँदै कम्पनी अध्यक्ष मोहन गुरुङले २३ हजार प्यानल राखेर ५ मेगावाटको सौर्य उर्जा उत्पादन गराउने बताए ।

उनले नेपाल विद्युत् प्राधिकरणबाट कनेक्सन सम्झौता र टेरिफ दर निर्धारण गरि एनर्जी टेवल सदर गराइ पीपीए -विद्युत् खरिद सम्झौता) समेत गरिसकिएको बताए।

डाइरेक्टर एलएन पाण्डेले सोलार र्फममा ५० करोडको लगानी हुने र भानुभक्त बहुमुखी क्याम्पससँग १ सय रोपनी जग्गा २५ वर्षको लागि लिजमा लिइसकेको बताए । विद्युत् प्राधिकरणसँग पनि २५ वर्षको लागि सम्झौता गरिएको बताए। उनले उत्पादन भएको सौर्य उर्जालाई नेपाल सरकारको राष्ट्रिय ग्रिडमा सिधैँ पठाइने जनाए।

यस्तै, पाण्डेले कम्पनीमा १ सय वटा इर्न्भर्टर प्रयोग गरिने, रेमोटबाट अनुगमन गर्न सकिने, वाषिर्क करिब ६ करोड ४५ लाख नाफा गर्न सकिने पनि बताए ।

कार्यक्रममा प्रबन्धक तिलबहादुर आलेले नेपालमा पहिलो पिपिए गर्ने यस सोलार कम्पनीमा एनआरएन र स्थानियको सेयर रहने बताए।

कार्यक्रममा नारायण तिम्सिनाले सोलार कम्पनीबाट हुने नाफा सामाजिक क्षेत्रमा पनि लगानी गरिने बताए।

उनले सरकारलाई रोयल्टी तिर्नु नपर्ने यस आयोजना समय पुगेपछि पनि सरकारलाई बुझाउन नपर्ने जनाए।

नागरिक समाजका अध्यक्ष खेमराज खनाल, कमलमोहन घिमिरे, राजन उपाध्याय, सुन्दर बस्याल लगायतले जिज्ञासा राखेको अन्तक्रिर्यामा धन्यवाद व्यवस्थापक हरिकुमार श्रेष्ठले दिएका थिए।

अध्यक्ष मोहन गुरुङको अध्यक्षता रहेको कार्यक्रममा स्वागत प्रबन्धक तिलबहादुर आले र सञ्चालन नारायण तिम्सिनाले गरेका थिए।

नेपाल कम्पनी रजिष्टारको कार्यालयमा २०७३ सालमा दर्ता भई उर्जा मन्त्रालयबाट यसै वर्ष सो कम्पनीले अनुमति प्राप्त गरिसकेको जनाइएको छ ।

Related News

सम्बन्धित समाचार

  • फेदीखोलाको सर्केटारीमा प्रथम आलु प्रदर्शनी

    आदर्श समाज सम्वाददाता चैत्र ११, २०८०
    स्याङ्जा । फेदीखोला गाउँपालिका १ सर्केटारीमा २ दिनेसम्म चलेको प्रथम फेदीखोला आलु प्रदर्शनी सकिएको छ । आलु पकेट विस्तारसँगै प्रवद्र्धनमा…
  • सर्वेश्वरका पसल शनिबार पनि खुल्ने

    आदर्श समाज सम्वाददाता चैत्र ९, २०८०
    पोखरा । पोखराको अति व्यस्त बजार मानिने सर्वेश्वर मार्गका व्यवसाय शनिबार पनि खुल्ने भएका छन् । चिप्लेढुंगादेखि गैह्रापाटनसम्म फैलिएको सर्वेश्वर…
  • इन्फोम्याक्स कलेजमा वित्तीय साक्षरता

    आदर्श समाज सम्वाददाता चैत्र ९, २०८०
    पोखरा । ग्लोबल आइएमई बैंक लिमिटेडको पोखरा सभागृह शाखाले ग्लोबल मनी दिवसका अवसरमा इन्फोम्याक्स कलेजमा शुक्रबार वित्तीय साक्षरता कार्यक्रम गरेको…
  • नौपचारिक क्षेत्रका श्रमिकलाई वित्तीय साक्षरता

    आदर्श समाज सम्वाददाता चैत्र ९, २०८०
    पोखरा । नेपाल वित्तीय संस्था कर्मचारी संघ (फियुन) जिल्ला समिति कास्कीको आयोजना अनौपचारिक क्षेत्रका श्रमिकलाई वित्तीय साक्षरता कार्यक्रम शुक्रबार भएको…
  • गोरखामा ९ महिनामा ११३ घरेलु उद्योग बन्द   

    आदर्श समाज सम्वाददाता चैत्र ९, २०८०
    गोरखा ।  विगत नौ महिनाको अवधिमा गोरखा जिल्ला भित्र सञ्चालित साना तथा घरेलु उद्योग बन्द हुने क्रम बढदै गएको छ…

hero news full width