Worldlink ads

जीवनपानीलाई गजल प्रतिभा पुरस्कार

आदर्श समाज सम्वाददाता
भाद्र १३, २०७५

पोखरा, १२ भदौ ।गजलकार जीवनपानीलाई गजल प्रतिभा पुरस्कार-२०७५ प्रदान गरिने भएको छ।

गजल सन्ध्या पोखराले प्रदान गर्दै आएको सो पुरस्कार सन्ध्याका सल्लाहकार प्रकट पगेनी ‘शिव’को संयोजकत्वमा गठित प्रतिभा छनोट समितिले २ दशकदेखि नेपाली गजलको उन्नयन र विकासमा पुर्‍याएको योगदानको कदर गर्दै पुरस्कार प्रदान गर्ने निर्णय गरेको छ।

स्याङ्जामा जन्मेर गजलकर्ममा निरन्तर लागिरहेका जीवनपानीका ५ गजल संग्रह प्रकाशित छन्।

पश्चिमाञ्चल क्षेत्रमा जन्म वा कर्म गरिरहेका गजलकारलाई प्रदान गरिने पुरस्कारलाई देश संघीयतामा गएसँगै प्रादेशिक ढाँचामा ढालिएको छ।

पुरस्कार छनोट समिति सदस्यमा रुपिन्द्र प्रभावी कटु, मन क्षेत्री सदस्य तथा सन्ध्याका अध्यक्ष अमृत सुवेदी र सचिव वसन्त विनोद पदेनसदस्य थिए।

मोति जयन्तीका अवसरमा भदौ २३ गते १५ हजार रुपैयाँ र सम्मानपत्रले जीवनपानीलाई पुरस्कार अर्पण गरिने सन्ध्याले जनाएको छ।

कथा लेखनबाट साहित्य क्षेत्रमा प्रवेश गरेका जीवनपानी गजल, मुक्तक, कविता लेखनमा क्रियाशील छन्। एनआरएन युकेका युवा संयोजक लालबहादुर गुरुङले आफ्ना बुबाको स्मृतिमा सन्ध्याले प्रदान गर्ने पुरस्कारका लागि स्थापना गरेको १ लाख रुपैयाँको अक्षयकोषको ब्याजबाट यसपटक जीवनपानीलाई प्रतिभा सम्मान प्रदान गर्न लागिएको अध्यक्ष अमृत सुवेदीले जानकारी दिए।

यसअघि रुपक वनवासी, इन्द्रकुमार विकल्प, गोविन्दराज विनोदी, कमल पौडेल ‘अथक’, दीपक समीप, आरके अदीप्त गिरी र बाबु त्रिपाठी, कपिल शर्मा पुरस्कृत भइसकेका छन् ।

Related News

सम्बन्धित समाचार

    • राष्ट्रिय कविता प्रतियोगितामा स्याङ्जाका अस्मित प्रथम

      आदर्श समाज सम्वाददाता माघ १३, २०७८
      पोखरा । ‘लगइन बुक्स’ले हालै आयोजना गरेको राष्ट्रिय कविता प्रतियोगितामा स्याङ्जाका अस्मित भुसाल प्रथम भएका छन् । प्रतियोगितामा समावेश २…
    • दीपक समीपकाे मुक्तक संग्रह ‘अक्षर अक्षरमा देश’ लोकार्पण

      आदर्श समाज सम्वाददाता माघ २, २०७८
      पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा…
    • गण्डकीका लोकसंस्कृति अनुसन्धान पहल

      आदर्श समाज सम्वाददाता पौष ३०, २०७८
      पोखरा । गण्डकी प्रज्ञा प्रतिष्ठानले प्रदेशभित्रका विभिन्न १५ समुदायका लोकनृत्य र लोकबाजाबारे खोज–अनुसन्धान कार्य अगाडि बढाएको छ । प्रतिष्ठानले थकाली, थारु,…
    • लेखनाथ जन्मस्थलमा सम्मानै सम्मान

      आदर्श समाज सम्वाददाता पौष १५, २०७८
      पोखरा । कविशिरोमणि लेखनाथ पौडेलको जन्मजयन्ती उनकै जन्मस्थल अर्घाै अर्चलेमा विशेष समारोह गरी बिहीबार मनाइएको छ । समारोहमा कवि शिरोमणि…
    • एलबीका कवितामा रमे कविता पारखी

      आदर्श समाज सम्वाददाता पौष ११, २०७८
      पुस । कविताप्रेमी स्रष्टा अग्रज साहित्यकार एलबी क्षेत्रीका कवितावाचनमा कविता पारखी रमेका छन् । पुसको चिसो मौसममा पनि क्षेत्रीले मानवतावाद,…

    hero news full width