Worldlink ads

पोखराका कर्मठ महिला तस्वीरमा

आदर्श समाज सम्वाददाता
भाद्र ६, २०७५

पोखरा, ५ भदौ । पोखरामा क्रियाशील कर्मठ महिलाहरु फोटोमा देखिने भएका छन् । सिर्जनशील कलाकार समूह कास्कीले उनीहरुको तस्वीरलाई महेन्द्रपुलस्थित आर्ट ग्यालरीमा केही दिनपछि प्रदर्शनी गर्ने तयारी गरेको छ ।

साहित्य, कला, शिक्षा, स्वास्थ्य, कानून, समाज सेवा, अधिकारकर्मी, पत्रकार एवं सञ्चारकर्मी, सरकारी सेवा, उद्योग, व्यवसाय, पर्यटन व्यवसाय, बैंकिङ, इञ्जिनियरिङ र सौन्दर्य लगायत क्षेत्रमा संलग्न सफल महिलाहरुको फोटोहरु प्रदर्शनीमा राखिने मंगलबार आयोजित पत्रकार सम्मेलनमा जानकारी दिइएको छ ।

तस्वीरको परिकल्पना कलाकार मिलन शेरचनले गरेकी हुन् । पोखरालाई कर्मथलो बनाएर सिर्जना, प्रतिभा र क्षमतालाई निखारेका महिलाहरुको तस्वीरलाई प्रदर्शनीमा राखिनेछ। सफल एवं कर्मठ महिलाहरुले पोखरालाई दिएको योगदानबारे सन्देश दिने उद्देश्यले फोटो प्रदर्शनी गर्न लागिएको मिलन बताउँछिन् । कार्यक्रम संयोजकसमेत रहेकी उनले भनिन ‘भदौ ८ देखि १० गतेसम्म सुन्दर पोखरामा रहेर आफ्नै कर्मद्वारा सफल महिलाहरुको तस्वीरलाई प्रदर्शनीमा राखिने छ ।’

पोखराको कर्मठशील महिलाहरुको तस्वीर प्रदर्शनी भने यो दोस्रो पटक हो। कलाकार मिलनकै परिकल्पनामा यसअघि २०६९ फागुनमा पहिलो पटक तस्वीर प्रदर्शनी गरिएको थियो।

‘समय गतिशील छ। समयको गतिसँगै हरेक क्षेत्रमा आजका नारीहरु समेत अगाडि बढिरहेको अवस्थामा नारीले गर्न नसक्ने काम केही छैन भन्ने बलियो प्रमाण पनि हो,’ हानानोओसिवाना वस्तुवादी कलाकार मिलनले बताइन्, ‘यस्तै प्रमाणहरुलाई उजागर गर्ने मेरो यो दोस्रो प्रयास हो।’

कलाकार मिलनले जुन क्षेत्रमा पनि नारीहरुले अब्बल र इमान्दारिताका साथ कर्म गरिरहेको बताइन्। ‘म स्वयं पत्रकार एवं फोटोग्राफर भने होइन,’ मिलन भन्छिन्, ‘हामी नारीहरु आ-आफ्नो क्षेत्रमा परिचत त त्यसै छँदैछौं । यद्यपि, हामी सबैलाई एकैसूत्रमा बाँध्ने काम फोटो प्रदर्शनीले गर्नेछ भन्ने मेरो विश्वास हो।’

एउटा नारीले अर्को नारीसँग परिचय गर्न पाउनु र कसले कुन विधामा के काम गरिरहेछन् भन्ने सन्देश फोटो प्रदर्शनीमार्फत मिल्ने मिलनले सुनाइन् । केही काम नगरी बसेका महिलाहरुका लागि फोटो प्रदर्शनी मार्गर्दर्शन बन्ने संयोजक मिलन आफ्नो धारणा सुनाउँछिन् । अनुकरणीय र उदाहरणीय महिलाहरुको फोटो मात्र प्रदर्शनीमा राखिने मिलनले बताइन् ।

सिर्जनशील कलाकार समूह कास्कीका सदस्य एवं कलाकार गोपाल श्रेष्ठले कर्मठ नारीहरुको फोटो प्रदर्शनीले उनीहरुलाई सिर्जना, उद्योग व्यवसाय र कलामा लाग्ने प्रेरणा मिल्ने बताए । कलाकार मिलन शेरचन सुकाइएका झारपात संयोजन गरेर चित्राकृति तयार पार्ने हानानोओसिबानाका सिद्धहस्त कलाकारका रुपमा परिचित छन् । उनले सो कला जापान बसाइँमा सिकेकी हुन् ।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads