Worldlink ads

गुणस्तरीय सेवा दिन मन्त्रीको आग्रह

आदर्श समाज सम्वाददाता
भाद्र ३, २०७५
Prithvi Hotel

पोखरा, २ भदौ । वन, वातावरण, उद्योग तथा पर्यटन मन्त्री विकास लम्सालले पर्यटकलाई गुणस्तरीय सेवा दिन होटल व्यवसायीलाई आग्रह गरेका छन् ।

पृथ्वी होटल व्यवसायी समितिको सातौ साधारणसभा तथा चौथो अधिवेशन शनिबार उद्घाटन गर्दै उनले सो कुरा बताएका हुन् । मन्त्री लम्सालले होटल व्यवसायीले पर्यटकमैत्री वातावरणमा होटल संचालन गर्नुपर्नेमा समेत जोड दिए।

प्रदेशको विकासका लागि पर्यटन क्षेत्रलाई प्रदेश सरकारले मुख्य आधार बनाएको मन्त्री लम्सालको कथन थियो । प्रदेश सरकारले यहाँस्थित होटलको वर्गीकरण थाल्ने जानकारी दिए । बढीभन्दा बढी पर्यटक भित्राउन होटल व्यवसायलाई मर्यादित र व्यवस्थित बनाउनुपर्नेमा मन्त्री लम्सालको जोड थियो ।

कार्यक्रममा पोखरा उद्योग वाणिज्य संघका महासचिव दामु अधिकारी, राष्ट्रिय घरभाडा व्यवसायी सरोकार समिति महासंघका अध्यक्ष यामबहादुर पौडेल, पत्रकार सन्देश श्रेष्ठ, कास्की प्रहरी प्रमुख ओमबहादुर रानामगर लगायतले शुभकामना मन्तव्य राखेका थिए।

समितिका महासचिव बालकृष्ण निउरेले महासचिवको प्रतिवेदन प्रस्तुत गरेका थिए। कार्यक्रममा समितिले पत्रकार सन्देश श्रेष्ठलाई नगद ५ हजार ५ सय ५५ रुपैयाँसहित दोसल्ला ओढाएर सम्मानपत्रद्धारा सम्मान गरेको छ ।

त्यसैगरी, उत्कृष्ट होटल व्यवसायीका रुपमा होटल गोर्खा होमकी संचालिका तारादेवी गुरुङ र दश जोड दुर्इ उत्तीर्ण होटल व्यवसायीका छोराछोरीमध्ये सम्झना होटलका संचालक छवि लामिछानेकी छोरी सम्झना लामिछाने समेतलाई सम्मान गरिएको थियो ।

त्यस्तै, पृथ्वी होटल व्यवसायी समितिका संस्थापक अध्यक्ष रिजन शेरचन, वरिष्ठ उपाध्यक्ष हरिप्रसाद पाण्डे, सदस्यहरु सूर्यप्रसाद थकाली, भुवानीप्रसाद अधिकारी, मोत्रि्रसाद श्रेष्ठ र अमृत घिमिरे लगायतलाई सम्मान गरेको थियो ।

समितिका अध्यक्ष कमलप्रसाद न्यौपानेको अध्यक्षतामा भएको कार्यक्रममा संस्थापक अध्यक्ष रिजन शेरचनले संस्थाबारे प्रकाश, वरिष्ठ उपाध्यक्ष हरिप्रसाद पाण्डेले स्वागत र महासचिव बालकृष्ण निउरेले संचालन गरेका थिए।

Related News

सम्बन्धित समाचार

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग