Worldlink ads

खानेपानीको सही व्यवस्थापनबाट नै राष्ट्र निर्माण गर्न सकिन्छ : मन्त्री बिना मगर

आदर्श समाज सम्वाददाता
श्रावण २८, २०७५
Khane Pani Bina Magar

पोखरा, २७ साउन । खानेपानी तथा सरसफाई मन्त्री विना मगरले जनतालाई खानेपानीको सही पहुँचको सुनिश्चितता गरेर त्यसबाट हुने आयले राष्ट्र निर्माण गर्न सकिने वताएकी छिन् ।

लेखनाथ साना सहरी खानेपानी तथा सरसफाई उपभोक्ता संस्थाले आइतबार आयोजना गरेको सम्मान कार्यक्रममा बोल्दै मन्त्री मगरले हिमालबाट बग्ने हिमनदिहरुको पानी (ग्लेसियर वाटर) विश्वमै उच्च गुणस्तरको पानी भएको र नेपालका हिमालबाट निस्कने ग्लेसियरको पानीलाई अन्तराष्ट्रिय वजारमा पुर्‍याउन सके प्रसस्त आयश्रोतको माध्यम बन्न सक्ने बताएकी हुन् ।

सरकारले खानेपानी जनताको मौलीक अधिकारको रुपमा व्यवस्था गरेको भएपनि खानेपानीको महशुल निर्धारण या छुटमा ध्यान पुर्‍याउन नसकेको तर सिंचाईमा सरकारले छुट दिने गरेको कारण एकरुपता नभएकोतर्फ आफ्नो ध्यानाकर्षण भएको बताइन् । मन्त्री मगरले आफूले यस विषयलाई छलफल गर्ने तयारीमा लागेको वताएकी थिइन् ।

कार्यक्रम गण्डकी प्रदेशका सांसद दिपक कोइरालाले खानेपानीसँग सम्बन्धित समस्याहरु हल गर्ने सम्बन्धमा प्रदेशको तर्फबाट सक्दो पहल गर्ने प्रतिबद्धता व्यक्त गरे ।

कार्यक्रममा कार्यालय प्रमुख इञ्जिनियर शिवप्रसाद अमात्यले संस्थाका गतिविधिहरुबारे जानकारी गराए । कार्यक्रममा सांसद गायत्री गुरुङ, पूर्व सांसद तेजकुमारी पौडेल, खानेपानी सुपरीवेक्षण कार्यालयका क्षेत्रीय निर्देशक रमाकान्त दवाडी, पोखरा ३० का वडाध्यक्ष श्रीराम पोख्रेललगायतले बोलेका थिए ।

उनीहरुले लेखनाथ साना सहरी अन्तरगत संचालित योजनालाई व्यवस्थित र प्रभावकारी तरिकाले संचालन गर्नका लागि सवैको साथ र सहयोग अपरिहार्य भएको सुझाव राखेका थिए । संस्थाका अध्यक्ष विष्णुप्रसाद बरालको अध्यक्षतामा भएको कार्यक्रममा उपाध्यक्ष हरि लामिछानेले धन्यवाद र सचिव मुरारी शर्माले कार्यक्रम संचालन गरेका थिए।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads