Worldlink ads

लेखनाथ जेसीजले सप्ताहन्त कार्यक्रम गर्ने

आदर्श समाज सम्वाददाता
श्रावण २४, २०७५
jci 23

लेखनाथ, २३ साउन। लेखनाथ जेसीजले विगतका वर्ष झै यस वर्ष पनि जेसीज सप्ताहन्त कार्यक्रम गर्ने भएको छ। ‘परिवर्तनका लागि युवा’ भन्ने प्रकरणका साथ साउन २४ देखि २६ गतेसम्म जेसीज सप्ताहन्त गर्ने वुधवार आयोजित पत्रकार सम्मेलनमा जानकारी दिइएको हो।

युवाहरुको नेतृत्व विकास, व्यक्तित्व विकास, उद्यमशिलताको विकाससँगै समाजमा सक्रिय नागरिकहरुको भूमिका निर्वाह गर्न जेसीआईको ध्येय र लक्ष्य प्राप्तिका लागि लेखनाथ जेसीजले आफ्ना सदस्यको विकास र सवल नेतृत्व प्रदान गर्नका लागि विभिन्न कार्यक्रम गर्दै आएको संस्थाका अध्यक्ष शालिकराम ओझाले बताए। पहिलो दिन श्रीकृष्ण प्रणामी बाल तथा वृद्धाआश्रम सहेलेपाखामा जेसिज सप्ताहन्तको उद्घाटन एवं वृद्धवृद्धा सम्मान तथा निःशुल्क स्वास्थ्य परिक्षण गरिनेछ।

दोस्रो दिन लेखनाथ पव्लिक एकेडेमीमा विद्यालयस्तरीय नेपाली हिज्जे प्रतियोगिता हुनेछ भने तेस्रो दिन  सेयरबजार आधारभूत तालिमसँगै सम्मान, पुरस्कार वितरण र समापन गरिने मूल संयोजक सन्तोष गुरुङले जानकारी दिए। कार्यक्रम सफल र सभ्य बनाउन सबैको सहभागिता अपरिहार्य रहेको मूल संयोजक कमल गौतमले बताए।

लेखनाथ जेसिजका अध्यक्ष शालिकराम ओझाको अध्यक्षतामा भएको कार्यक्रम संयोजक चिरञ्जीवी न्यौपानेले स्वागत मन्तव्य र निर्वतमान अध्यक्ष सन्दीप ढुंगानाले धन्यवाद ज्ञापन राखेका थिए भने कार्यक्रम संचालन महासचिव रोशन अधिकारीले गरेका थिए।

Related News

सम्बन्धित समाचार

    • सहारा एकेडेमीको अक्षयकोषमा १५ लाख सहयोग

      आदर्श समाज सम्वाददाता माघ ५, २०७८
      पोखरा । सहारा क्लब पोखराले सञ्चालन गर्दै आएको सहारा एकेडेमीको अक्षयकोषमा रकम संकलन भएको छ । अक्षयकोषका लागि क्लब र ओएभिएस…
    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…

    hero news full width