Worldlink ads

बिमा कम्पनीका सेयर : बजार घटे, शाख घटेन

आदर्श समाज सम्वाददाता
श्रावण २३, २०७५

काठमाडौँ, २२ साउन। धितोपत्र बजारमा केही कम्पनीका सेयर आधारभूत मूल्यको आसपासमा रहँदा जीवन बिमा कम्पनी र निर्जीवन बिमा कम्पनीका सेयर घटे पनि बजारको शाख राखिरहेको छ।

नेपाल स्टक एक्सचेञ्जमा सातवटा जीवन बिमा कम्पनी र १५ वटा निर्जीवन बिमा कम्पनी सूचीकृत रहेका छन्। ती कम्पनीका सेयर अघिल्लो वर्षको तुलनामा ठूलोमात्रामा घटे पनि जलविद्युत्, बैंक तथा वित्तीय संस्थाको तुलनामा भने कमै रहेको छ।

निर्जीवन बिमा र जीवन बिमा कम्पनीमा लगानी गर्ने लगानीकर्ताले विगतको तुलनामा केही घाटा व्योहोरेका छन्। अरु कम्पनीका तुलनामा भने उनीहरूको लगानी हालसम्म कम जोखिममा नै रहेको छ। दोस्रो बजारमा सेयर खरिद गर्नेले केही घाटा व्योहोरेको भए पनि साधारण सेयर खरिद गर्नेलाई भने बिमाको सेयरले केही फरक परेको छैन। नेपालमा बिमाको अझै ठूलो बजार रहेको र आमनागरिक सहभागी भइनसकेकाले लगानीको अवसर बढी छ।

स्टकका अनुसार जीवन बिमा गर्दै आएका एशियन लाइफ इस्योरेन्स कम्पनीको सेयर प्रतिकित्ता ६ सय ३० मा कारोवार भइरहेको छ। सो कम्पनीको सेयर गत वर्षको तुलनामा ९ सय ९८ मा घटेको छ। गत वर्ष सो कम्पनीको सेयर १ हजार ६ सय २८ मा कारोवार भएको थियो।

यस्तै जीवन बिमा गर्दै आएको गुराँस लाइफ इन्स्योरेन्स कम्पनीको सेयर प्रतिकित्ता ८ सय ३६ मा कारोवार भइरहेको छ। यो कम्पनीको पनि गत वर्षको तुलनामा ठूलो कमी आएको हो। यस्तै लाइफ इन्स्योरेन्स कम्पनीको सेयर प्रतिकित्ता १ हजार ६ सयमा कारोवार भइरहेको छ। गत वर्षको साउनमा सो कम्पनीको सेयर प्रतिकित्ता २ हजार ४ सय १६ मा खरिद बिक्री भएको थियो। यस्तै नेशनल लाइफ इन्स्योरेन्स कम्पनीको सेयर प्रतिकित्ता ७ सय ६२ मा कारोवार भइरहेको छ। गत वर्ष साउनमा सो कम्पनीको सेयर २ हजार ४० मा खरिद बिक्री भएको थियो।

स्टकका अनुसार नेपाल लाइफ इन्स्योरेन्स कम्पनीको सेयर प्रतिकित्ता १ हजार १२ मा खरिद बिक्री भइरहेको छ। गत वर्षको साउन २० मा सो कम्पनीको सेयर प्रतिकित्ता २ हजार २ सय ३६ मा खरिद बिक्री भएको थियो। प्राइम लाइफ इन्स्योरेन्स कम्पनीको सेयर भने केही कमजोर रहेको छ। सो कम्पनीको सेयर ५ सय १४ मा खरिद बिक्री भइरहेको छ। गत वर्षको साउन २० गते सो कम्पनीको सेयर प्रतिकित्ता २ हजार ७ सयमा कारोवार भएको थियो।

सूर्य लाइफ इन्स्योरेन्स कम्पनीको सेयर प्रतिकित्तिा ५ सय ५२ मा खरिद बिक्री भइरहेको छ। सो कम्पनीको गत वर्ष १ हजार १ सय ७० मा खरिद बिक्री भएको थियो। नेपाल लाइफ इन्स्योरेन्सका प्रमुख कार्यकारी अधिकृत विवेक झा विगतको तुलनामा बिमा क्षेत्रको सेयरमा कमी आए पनि लगानीकर्ताको विश्वास भने कायमै रहेको बताउँछन्। उनले भने, “बिमा क्षेत्रमा लगानीको अझै ठूलो अवसर छ। धेरै ठाउँमा बिमा पुग्न सकेको छैन। गत वर्षको तुलनामा बिमा कम्पनीका सेयर केही घटे पनि लगानीकर्ताको विश्वास भने उस्तै रहेको छ।” बिमा क्षेत्रलाई अझै व्यवस्थित गर्नसके लगानीका थप अवसर सिर्जना हुने उनको भनाइ छ।

निर्जीवन बिमातर्फ हिमालयन जनरल इस्योरेन्स कम्पनीको सेयर प्रतिकित्ता ४ सय २६ मा कारोवार भएको छ। गत वर्ष सो कम्पनीको सेयर ८ सय २० मा खरिद बिक्री भएको थियो। आइएमइ जनरल इन्स्योरेन्स कम्पनीको सेयर प्रतिकित्ता ८ सय ३ मा खरिद बिक्रीमा छ। गत वर्ष साउनमा सो कम्पनीको सेयर १ हजार २ सय ६० मा खरिद बिक्री भएको थियो।

लुम्बिनी जनरल इस्योरेन्सको सेयर ५ सय १६ मा कारोवार भएको छ। गत वर्ष सो कम्पनीको सेयर प्रतिकित्ता १ हजार १० मा खरिद बिक्री भएको थियो।

यस्तै नेको इन्स्योरेन्सको प्रतिकित्ता ५ सय २०, एनएलजीको ८ सय ४२, प्रभु इन्स्योरेन्सको ४ सय ९७, प्रिमियर इन्स्योरेन्सको १ हजार ४८ र प्रुडेन्टियल इन्स्योरेन्सको ७ सय ३३ मा कारोवार भइरहेको छ।

यस्तै राष्ट्रिय बिमा कम्पनीको सेयर प्रतिकित्ता १० हजार ३ सय ५६ मूल्यमा खरिद बिक्री भइरहेको छ। गत वर्ष सो कम्पनीको सेयर १७ हजार ८ सय मूल्यमा खरिद बिक्री भएको थियो। सगरमाथा इन्स्योरेन्स कम्पनीको सेयर १ हजार ३ सय २५ मा खरिद बिक्री भइरहेको छ।

शिखर इन्स्योरेन्स कम्पनीको सेयर ९ सय १७ मा खरिद बिक्री भइरहेको छ। सिर्द्धार्थ इन्स्योरेन्सको ६ सय ६० र युनाइटेड इन्स्योरेन्सको सेयर प्रतिकित्ता ८ सय १७ मा खरिद बिक्री भइरहेको छ।

Related News

सम्बन्धित समाचार

    • छोराछोरीका नाममा विद्यालयमा अक्षयकोष   

      आदर्श समाज सम्वाददाता असाेज ३०, २०७८
      रामपुर । रामतुलसी मावि रामपुरका पूर्व विद्यार्थी मञ्चका अध्यक्ष शालिकराम कँडेलले आफ्ना छोराछोरीका नाममा अक्षयकोष स्थापना गर्नुभएको छ । उहाँले…
    • मनकामना केबुलकार सञ्चालनमा   

      आदर्श समाज सम्वाददाता असाेज ३०, २०७८
      मुग्लिन । मनकामना केबुलकार आजदेखि नियमित सञ्चालनमा आएको छ । नेपालीको महान् चाड बडादसैँको महानवमी र विजयादशमीका दिन सेवा बन्द…
    • लामो झोलुङ्गे पुलले फेरिएको अदुवाबारी   

      आदर्श समाज सम्वाददाता असाेज ३०, २०७८
      गलकोट । अन्नबाली हुने स्थानमा बाँदरको बिगबिगीले बाँझो बनेको अदुवाबारी अहिले पर्यटकीय केन्द्र बनेको छ । केही वर्षअगाडिसम्म पर्वतको कुश्मा…
    • तनहुँ जलविद्युत् आयोजनाको काममा तिव्रता   

      आदर्श समाज सम्वाददाता असाेज २९, २०७८
      दमौली ।  एक सय ४० मेगावाट क्षमताको तनहुँ जलविद्युत् आयोजनाले दसैंमा पनि कामलाई निरन्तरता दिएको छ । आयोजनाको तीन वटै…
    • ‘सामूहिक लगानीमा व्यवसाय गर्नुस्’

      आदर्श समाज सम्वाददाता असाेज २५, २०७८
      पोखरा । दसैं र तिहारको उपलक्ष्यमा पोखरा चेम्बर अफ कमर्स कास्कीले शुभकामना आदानप्रदान कार्यक्रम गरेको छ । कार्यक्रममा पोखरा चेम्बरअन्तर्गत…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग