Worldlink ads

केदारेश्वरमा भक्तजनको घुइँचो

आदर्श समाज सम्वाददाता
श्रावण २२, २०७५
bolbom

पोखरा, २१ साउन । केदारेश्वर मन्दिरमा भक्तजनको घुइँचो लाग्ने गरेको छ । शिवलिङ्गमा पवित्र जल, दूध चढाउँदै भगवान् शिवको पूजा आराधना गर्न साउने सोमबार भक्तजनको घुइँचो लाग्ने गरेको हो ।

विगत १५ वर्षेखि निरन्तर चल्दैआएको बोलबम जलयात्रामा पनि भक्तजनको भीड बाक्लो छ । गाउँ गाउँबाट भक्तजन बोलबम जलयात्रामा सहभागी हुँदै केदारेश्वर मन्दिर दर्शनार्थ आउने गरेको बोलबम संयोजक शंकर खरालले बताए ।

साउनको तेस्रो सोमबार मन्दिर परिसरमा भक्तजनको घुइँचोले आयोजकलाई व्यवस्थापनमा हम्मे-हम्मे परेको थियो। केटाकेटी, युवायुती र वृद्धवृद्धा भगवान् शिवको दर्शनका लागि हातमा जल बोकेर धैयपूर्वक  पालो कुरेर बसेका थिए। पूजाआजामा सहजताका लागि आयोजक केदारेश्वर महादेवमणि सेवाश्रम समितिले मन्दिरका चारैदिशाका ढोका बिहानैदेखि खुलाएको मन्दिरका पीठाधीश डा. लेखनाथ आचार्यले जानकारी दिए।

बोलबममा आउने भक्तजनलाई भजनकीर्तनले समेत उत्तिकै मोहित पार्ने गरेको छ। यस श्रृंखलामा पनि बोलबम भजन समूह, अन्नपूर्ण भजन समूह, दैवीशक्ति खोज तथा अनुसन्धान केन्द्रसहित हेमजाको देवीस्थान भजन समूह, हरिकीर्तन भजन समूह, घाचोक, आर्वा, घार्मीको भजन समूहले भजन कीर्तन गाएको थियो।  यसैगरी, शिव-पार्वती भेषमा ११ जोडी पनि बोलबममा संलग्न रहेको बोलबम संयोजक खरालले जानकारी दिए।

बोलबम र्‍यालीमा सहभागीलाई सहजताका लागि नगरका विभिन्न ठाउँमा पानी, सर्वत, दही, जुस दिएर सहयोग गर्नेहरु पनि उत्तिकै भेटिन्थे। मन्दिर परिसरमा बलदेव दाहालको समूह, तेसापट्टीमा राजभण्डारी ट्रान्सर्फमर, पालिखेचोकमा रोटरी क्लब, सिर्जनाचोकमा सिर्जनाचोक व्यवसायी समिति लगायतले सर्वत पानी तथा दही खुवाएका थिए। मन्दिरमा सदाझै भक्तजनलाई प्रसाद व्यवस्था थियो। यसपालि मारबाडी समाजले निःशुल्क रुपमा प्रसाद व्यवस्था गरेको होे।

यस्तै, अघिल्ला सोमबारमा झैं यसपालि पनि सामाजिक जागरणका लागि नारी समूहले मन्दिर परिसरमा रहेका दीनदुःखीलाई भोजन ग्रहण गराएको अभियन्ता सुष्मा पौडेलले जानकारी दिइन् । अब साउनको चौथो तथा अन्तिम सोमबार २८ गते परेको छ। साउन महिना भगवान् शिवको पूजाआराधना गरे मनले चिताएको पूरा हुने धार्मिक विश्वास छ।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads