Worldlink ads

पीपललाई राष्ट्रिय वृक्ष घोषणाको माग

आदर्श समाज सम्वाददाता
श्रावण २०, २०७५
pipal

पोखरा, १९ साउन । पोखरा महानगरले निरन्तर चौतारी फडानी गर्न थालेपछि पोखराका अगुवाहरु यसलाई रोक्न एकजुट भएका छन्।

पछिल्लो समय महानगरले सडक विस्तार र विभिन्न आयोजनाका नाममा रुख काटिरहेको छ। पोखरामा शनिबार अन्तरक्रिया गर्दै उनीहरुले महानगरले नियतवश रुख काट्ने काम गरेको आरोप लगाए।

अगुवा विश्व सिग्देलले विकासको बाहनामा निर्ममतापूर्वक रुख ढालिएको भन्दै यसलाई रोक्नुपर्ने बताए। ‘प्रकृतिको मापदण्ड मिचेर बाटो र अरु संरचना बनाइन्छ। पछि चौतारीले मापदण्ड मिच्यो भनेर ढाल्न मिल्दैन,’ उनले भने, ‘मापदण्ड मिचेको चौतारीले हैन, मान्छेले हो। विकासमा अप्ठ्यारो परेको हो भने घर र बाटोको विकल्प खोजियोस्।’

पृथ्वीनारायण क्याम्पसका प्रमुख चन्द्रबहादुर थापाले पुराना रुख संरक्षण गर्नुपर्नेमा उल्टै फँडानी गर्नु प्रकृतिमाथिको आक्रमण भएको बताए। मानव र बनस्पतिसँग घनिष्ट सम्बन्ध रहेको भन्दै उनले मान्छेको अस्तित्व जोगाउन पनि बनस्पतिको संरक्षण हुनुपर्ने धारणा राखे। ‘हामीले लाउने खानेदेखि दैनिकी चलाउन पूरै बनस्पतिमा आश्रति छौं तर तिनै बनस्पतिको महत्व भुलेर धमाधम रुख ढाल्नु क्षम्य कुरा हैन,’ उनले भने, ‘यो काम तत्काल रोकिनुपर्छ।’

नागरिक समाज पोखराले आयोजना गरेको पोखराको ऐतिहासिक बृक्षको वर्तमान अवस्था र संरक्षण विषयक अन्तक्रिर्यामा समाजसेवी कृष्णप्रसाद बरालले पीपललाई राष्ट्रिय रुख घोषणा गर्न माग गरेका छन्। ‘राष्ट्रिय जनावर तोकिएकोले गाई जोगियो। राष्ट्रियतासँग जोडिएपछि अलि माया लाग्छ,’ उनले भने, ‘पीपललाई राष्ट्रिय बृक्ष घोषणा गरौं। यसले पनि संरक्षणमा सहयोग हुन्छ।’ राजनीतिसँग जोडेर प्रकृति विनास गर्न लागेको आरोप लगाएका थिए।

नागरिक समाजका अध्यक्ष विष्णुहरि अधिकारीको अध्यक्षतामा भएको कार्यक्रमको सञ्चालन कार्यक्रम संयोजक कल्याण पन्तले गरेका थिए।

डा कुलराज चालिसेले पोखरा र अन्तर्राष्ट्रिय रुपमा पीपल र ऐतिहासिक बृक्षहरुको वर्तमान अवस्थाबारे कार्यपत्र प्रस्तुत गरेका थिए।

Related News

सम्बन्धित समाचार

    • महिलाहरुको लागि चप्पल बनाउने तालिम

      आदर्श समाज सम्वाददाता मंसिर १८, २०७८
      पोखरा । राष्ट्रिय नागरिक पार्टी कास्कीले महिलालाई व्यावसायिक सीप प्रदान गरी आत्मनिर्भर तथा स्वाबलम्बी बनाउन तालिम दिएको छ । पार्टीले…
    • पोखरा घुम्ने बहाना

      विजय नेपाल मंसिर १८, २०७८
      पोखरा । नेपालको प्रमुख पर्यटकीय पोखरा घुम्न यतिबेला बहाना छ । कोही लोक सेवा दिन आएका छन् त कांग्रेसको प्रदेशस्तरको…
    • एसियन फोरमको अन्तक्र्रिया

      आदर्श समाज सम्वाददाता मंसिर १७, २०७८
      पोखरा । वैदेशिक रोजगारीका कमीकमजोरी न्युनीकरणका लागि राज्यलाई नीतिगत पैरवी गर्दै आएको गैरसरकारी संस्था एशिया मानव अधिकार तथा सांस्कृतिक विकास…
    • रोस्टर प्रशिक्षक प्रशिक्षण

      आदर्श समाज सम्वाददाता मंसिर १७, २०७८
      पोखरा । शिक्षा तालिम केन्द्र गण्डकी प्रदेशले रोस्टर प्रशिक्षकका लागि प्रदेशस्तरीय प्रशिक्षक प्रशिक्षण कार्यक्रम गरेको छ । तालिम केन्द्र दमौलीको…
    • लागु औषधसहित २ पक्राउ

      आदर्श समाज सम्वाददाता मंसिर १७, २०७८
      पोखरा । लागु औषध कारोबारमा संलग्न रहेको अभियोगमा कास्की प्रहरीले २ जनालाई पक्राउ गरेको छ । उनीहरुलाई जिल्ला प्रहरी कार्यालय…

    hero news full width

    sanil ads

    wordlink ads

    trending post

    ट्रेन्डिङ्ग