Worldlink ads

४७ वर्षपछि घर

आदर्श समाज सम्वाददाता
श्रावण १५, २०७५
Prem Khadka lammung

लमजुङ, १४ साउन । लमजुङका ७१ वर्षे एक वृद्ध बेपत्ता भएको ४७ वर्षपछि घर सम्झेर फर्केका छन् ।

वेशीशहर नगरपालिका-२, भकुण्डेमा स्थायी बसोबास भएका प्रेमबहादुर खड्का सर्म्पर्कविहीन भएको ४७ वर्षपछि घर फर्केका हुन्। खड्कालाई गाउँ आउँदा बुढापाकाले मात्र चिनेका र उनले पनि थोरैमात्र पाको उमेरकालाई चिनेका छन्। उनले भने, ‘बाचेर गाउ’ र्फकन्छु भन्ने सोचेको थिइन’, जन्मथलो आए’, सबैसँग भेटघाट भयो, खुशी लागेको छ’।

उनले भारतको मेघालयको एउटा गाउँ नजिकै रहेको जंगलमा गाई फाराममा काम गर्दै आएको जानकारी दिए। उमेर ७१ वर्ष नाघे पनि प्रेमबहादुरको अहिलेसम्म नेपाली नागरिकता छैन। उनले भने, ‘७० वर्ष पुगेपछि यहा’ वृद्ध भत्ता पाइँदो रहेछ, नागरिकता बनाउन पाए सजिलो हुने थियो। तर मेरो बुबाआमाले पनि नागरिकता बनाएको मलाई थाहा छैन।’

बाल्यकालदेखि नै काम सिलसिलामा भारतमा रहे पनि २०२८ सालमा बुबा चन्द्रबहादुर बित्दा मात्र १४ दिन काजकिरियाको लागि आएको र त्यसपछि भारत गएका प्रेमबहादुर बल्ल गाउँ सम्झेर फर्केका हुन्।

धेरै वर्षपछि घर र्फकने क्रममा भारतकै मेघालयमा कुटपिटका साथै लुटिएको दु:खेसो प्रेमबहादुरको छ। उनका अनुसार ७ जनाको समूहले आफ्नो साथमा रहेको २३ हजार भारतीय रुपैयाँ पनि लुटेको लगे। कुटपिट गरेर जंगलमा फालिएका प्रेमबहादुरलाई मेघालयकै स्थानीयले फेला पारेर बचाएको उनी सम्झन्छन् ।

आफू बेवारिसे स्थितिमा अलपत्र परेको बेला प्रेमबहादुरलाई लमजुङको धमिलिकुवाका एकजना गुरुङ थर भएका व्यक्तिले खर्च हालेर घर पठाएका हुन्। ती व्यक्तिले घर धमिलिकुवा भने पनि नाम याद नभएको प्रेमबहादुर बताउँछन्। आफू अहिलेसम्म अविवाहित नै रहेको बताउने उनले आफ्नो जन्ममिति २००४ साल वैशाख १४ गते भएको बताए।

उनका अनुसार बुबा बितेपछि आमा पनि अन्यत्र विवाह गरेर गएको बताउने खड्का अहिले सौतेनी आमापट्टकिा छोरा अर्थात् भाइ तिलकबहादुर खड्काको परिवारसँग बसेका छन्।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग