Worldlink ads

पालिखेचोक मुआब्जा विवाद टुंगियो

आदर्श समाज सम्वाददाता
श्रावण ११, २०७५

पोखरा, १० साउन। निरन्तर १३ महिनाको अभ्यासपछि पोखरा पालिखेचोकको मुआब्जा विवाद टुंगिएको छ । स्थानीय तहको चुनावपछि जनप्रतिनिधिले पदभार ग्रहण गरेसँगै पालिखेचोक फराकिलो पार्ने निर्णय गरिएकोमा मुआब्जामा कुरा नमिलेपछि समय लम्बिएको हो ।

जग्गाधनीमध्ये २ जनाले मुआब्जा बुझिसकेका छन् भने बाँकी २ जनाले पनि मुआब्जा बुझ्नका लागि निवेदन पेश गरेका छन् । प्रमुख जिल्ला अधिकारी तारानाथ अधिकारीको संयोजकत्वमा मुआब्जा निर्धारण समितिले असार ११ मा मुआब्जा टुंगाएको हो । मुआब्जा निर्धारण हुने वित्तिकै १५ दिने सूचना जारी गरी मुआब्जा बुझ्न बोलाइएको थियो । सूचनाको म्याद विहीवार सकिएको छ । सो मितिसम्म वसन्त उदास र प्रदीपशंकर पालिखेले मुआब्जा बुझेका हुन् । वसन्त उदासको नाममा सूचना जारी भए पनि सोही कित्तामा ३ जनाको संयुक्त लालपुर्जा रहेकोले उनीहरुको नाममा रकम निकासा गरिएको महानगरपालिकाले जनाएको छ । वसन्तसँगै दुधमान उदास, मिश्री उदासको नाममा मुआब्जा दिइएको महानगरका मेयर मानबहादुर जिसीले जानकारी दिए । उनका अनुसार किशोरादेवी श्रेष्ठ र कृष्णमान श्रेष्ठले मुआब्जाका लागि निवेदन दिएका छन् ।

समितिले मुआब्जा दिनुपर्ने जग्गाको मूल्य प्रतिवर्ग मिटर १ लाख २० हजार रुपैयाँका दरले तोकेको थियो । सोही अनुसार घरको मूल्य समेत थप गरी मुआब्जा वितरण गरिएको छ । जग्गामा मुआब्जा निर्धारण समितिले टुंगो लगाए पनि घरको हकमा चाहीँ शहरी विकास तथा भवन निर्माण डिभिजन कार्यालय पोखराले अध्ययन गरेर मुआब्जा टुंगाएको हो । जग्गाधनीमध्ये वसन्त उदासले घरजग्गा गरी कुल ७६ लाख ८३ हजार ५२ रुपैयाँ र प्रदीपशंकर पालिखेले ४५ लाख २४ हजार बुझेका छन् । किशोरादेवी श्रेष्ठको ७३ लाख १६ हजार र कृष्णमान श्रेष्ठको ६६ लाख ९६ हजार रुपैयाँ मुआब्जा छ । मुआब्जा बुझ्न बाँकी रहेकाको नयाँ खाता शुरु हुने वित्तिकै रकम उपलब्ध गराइने महानगरले जनाएको छ । वडा ३ मा रहेको वसन्तको ६०.६० वर्गमिटर, वडा ९ को किशोरीदेवीको ५४.१३ वर्गमिटर, कृष्णमानको ५०.४५ वर्गमिटर र प्रदीपको ३३.८० वर्गमिटर जग्गा अध्रि्रहण गरिएको हो ।

पालिखेचोकको १ सय ९९ वर्गमिटर जग्गा अध्रि्रहण गरिएको छ । मुआब्जाको सबै काम टुंगिएकोले जतिसक्दो छिटो बाटो चक्ल्याउने पोखरा ४ का अध्यक्ष शंकर बास्तोलाले बताए । ‘वडावासीको सहयोगबिना विकास सम्भव छैन । पालिखेचोकका नागरिक विकासप्रेमी छन् भन्ने प्रमाणित भएको छ,’ वडाध्यक्ष बास्तोलाले भने, ‘लामो समयदेखिको हाम्रो प्रयास सफल भयो । सहयोगी सबैलाई धन्यवाद ।’ मुआब्जा बुझिसकेकाको घर १० दिनभित्र हटाउने र बाँकी रहेकाको चाहीँ मुआब्जा बुझेको हप्तादिनभित्रै भत्काइने उनले जानकारी दिए । ‘विगत ४० वर्षदेखि पोखरेलीको भावनासँग जोडिएको काम सफल भएको छ । जनताले जनप्रतिनिधि आएको महसुस गरेका छन्,’ बास्तोलाले भने । मेयर मानबहादुर जिसीले पनि जतिसक्दो छिटो सडक फराकिलो बनाउने बताए । ४० वर्षदेखि पालिखेचोकमा मापदण्डले छुने संरचना हटाउने अभ्यास गरिए पनि सम्बन्धित निकाय पटक-पटक असफल भएको थियो । अहिले भने महानगरले मुआब्जा दिएरै मापदण्ड क्लीयर गर्ने काम गर्न लागेको हो । ‘पालिखेचोक हटाउने कुरा अहिलेको हैन । तर काम कसैले पनि आँट्न सकेनन्,’ मेयर जिसीले भने, ‘हामी निर्वाचित भएपछि पहिलो नजर नै पालिखेचोकमा थियो । धेरैको सहयोगपछि मुआब्जा टुंगिएर भत्काउने चरणमा पुगेका छौं ।’ सरकारले तोकेकै दररेटमा जग्गाधनीले मुआब्जा बुझेका हुन् । शुरुमा सही मूल्यांकन नभएको भन्दै मुआब्जा बुझ्न मानेका थिएनन् । तर पछि विकासका काममा अवरोध नगर्ने भन्दै सहज रुपमा मुआब्जा लिन तयार भएका हुन् । सडक फराकिलो बनाउन तत्कालै ४ वटा घर हटाउनुपर्छ । यसकै लागि गएको पुसमा युवा क्लबको भवन र चौतारो समेत भत्काइएको थियो ।

Related News

सम्बन्धित समाचार

    • महिलाहरुको लागि चप्पल बनाउने तालिम

      आदर्श समाज सम्वाददाता मंसिर १८, २०७८
      पोखरा । राष्ट्रिय नागरिक पार्टी कास्कीले महिलालाई व्यावसायिक सीप प्रदान गरी आत्मनिर्भर तथा स्वाबलम्बी बनाउन तालिम दिएको छ । पार्टीले…
    • पोखरा घुम्ने बहाना

      विजय नेपाल मंसिर १८, २०७८
      पोखरा । नेपालको प्रमुख पर्यटकीय पोखरा घुम्न यतिबेला बहाना छ । कोही लोक सेवा दिन आएका छन् त कांग्रेसको प्रदेशस्तरको…
    • एसियन फोरमको अन्तक्र्रिया

      आदर्श समाज सम्वाददाता मंसिर १७, २०७८
      पोखरा । वैदेशिक रोजगारीका कमीकमजोरी न्युनीकरणका लागि राज्यलाई नीतिगत पैरवी गर्दै आएको गैरसरकारी संस्था एशिया मानव अधिकार तथा सांस्कृतिक विकास…
    • रोस्टर प्रशिक्षक प्रशिक्षण

      आदर्श समाज सम्वाददाता मंसिर १७, २०७८
      पोखरा । शिक्षा तालिम केन्द्र गण्डकी प्रदेशले रोस्टर प्रशिक्षकका लागि प्रदेशस्तरीय प्रशिक्षक प्रशिक्षण कार्यक्रम गरेको छ । तालिम केन्द्र दमौलीको…
    • लागु औषधसहित २ पक्राउ

      आदर्श समाज सम्वाददाता मंसिर १७, २०७८
      पोखरा । लागु औषध कारोबारमा संलग्न रहेको अभियोगमा कास्की प्रहरीले २ जनालाई पक्राउ गरेको छ । उनीहरुलाई जिल्ला प्रहरी कार्यालय…

    hero news full width

    sanil ads

    wordlink ads

    trending post

    ट्रेन्डिङ्ग