Worldlink ads

अस्पताललाई सवा करोडको स्वास्थ्य उपकरण

आदर्श समाज सम्वाददाता
श्रावण ६, २०७५

पोखरा, ५ साउन। इटालीको डे वान हेल्थ र एमटिटिएसको आर्थिक सहयोगमा लायन्स क्लबले विभिन्न अस्पताललाई नवजात शिशुको लागि आवश्यक विभिन्न अत्याधुनिक स्वास्थ्य सामग्री हस्तान्तरण गरेका छन्।

लायन्स क्लब अफ बागलुङले धौलागिरी अञ्चल अस्पताल, लायन्स क्लब अफ बुटवलले लुम्बिनी अञ्चल अस्पताल, लायन्स क्लब अफ काठमाडौं सामाखुसीले सिद्धी मेमोरियल अस्पताल भक्तपुरमा, लायन्स क्लब अफ न्युरोड चौतारीले पोखरा स्वास्थ्य विज्ञान प्रतिष्ठानलाई उपकरण हस्तान्तरण गरेका हुन्।

पहिलो चरणमा कोशी अञ्चल अस्पताल, र्सुखेत, दमौलीमा करिब १ करोड २८ लाख रुपैयाँ बराबरको उपकरण अस्पताललाई सहयोग गरिएको लायन्स क्लब इन्टरनेशनल डिष्ट्रिक्ट ३२५ बि १ नेपालका सेकेन्ड भाइस गभर्नर मनबहादुर रोकाले जानकारी दिए।

दोस्रो चरणमा धादिङ, गुल्मी अर्घखाँची, लमजुङ अस्पतालमा विभिन्न लायन्स क्लबहरु मार्फत नै १५ लाख रुपैयाँ बराबरको सामग्री छिट्टै हस्तान्तरण गरिने रोकाले बताए।

मनबहादुर रोकालाई संस्थाले नेपालमा लोकल पार्टर्नर बनाएको छ। ‘संस्थालाई नै परिचालित गर्ने हेतुले लायन्स क्लब इन्टरनेशनल डिस्ट्रिक्ट ३२५ बि १ को द्वितीय भाइस गभर्नरको नाताले लायन्स क्लबका आफ्नै सर्भिस प्रोजेक्ट बनुन् र क्लबहरु पनि परिचालित हुन्छन् भन्ने उद्देश्यले लायन्स क्लबहरुलाई कार्यक्रमको जिम्मा दिइएको छ,’ रोकाले भने।

तेस्रो चरणमा लायन्स क्लबहरु मार्फत नै अन्य अस्पतालहरूलाई समेत ठूलो परिमाणमा शिशु उपचारका उपकरणहरु वितरण गरिने योजना रहेको रोकाले जानकारी दिए। सहयोगी संस्थाले दक्षिण पूर्वीीएसिया तथा दक्षिण एसियाका २० भन्दा धेरै देशमा काम गरिरहेको छ। करिब ३ हजार भन्दा धेरै स्टाफलाई मेडिकलका साथै नवजात शिशुको हेरचाहका वारेमा पनि तालिम प्रदान गर्दै आइरहेको छ।

करिब १ मिलियनभन्दा धेरै नवजात शिशुको लागि यस प्रविधिको प्रयोग भइसकेको बताइएको छ। डे वान हेल्थका एडभाइजर नरेन्द्र श्रेष्ठ र एमटिटिएसका नेपाल कन्ट्री डाइरेक्टर कुशल थापाको सहयोग कार्यक्रमलाई सहजीकरण गरेका छन्। स्वास्थ्य उपकरण सहयोग गरिसकेपछि आवश्यक प्राविधिक सहयोग पनि संस्थाले नै गर्ने रोकाले जानकारी दिए।

Related News

सम्बन्धित समाचार

    • पोखरा न्युरोडमा टेक् स्टुडियो

      आदर्श समाज सम्वाददाता माघ ९, २०७८
      पोखरा । पोखरा न्युरोडमा इलेक्ट्रोनिक्स सामानको खुद्रा स्टोर टेक् स्टुडियो खुलेको छ । विद्युतीय र जीवनशैली उत्पादनमा आधारित फ्रेन्चाइज कम्पनी…
    • रेडक्रस पोखरा ९ को पदस्थापन

      आदर्श समाज सम्वाददाता माघ ९, २०७८
      पोखरा । नेपाल रेडक्रस सोसाइटी पोखरा ९ उपशाखाको पदस्थापन तथा पहिलो बैठक शान्तिदर्शन पार्कमा शनिबार भएको छ । नेपाल रेडक्रस…
    • मिस तामाङ पोखरामा ट्यालेन्ट राउन्ड

      आदर्श समाज सम्वाददाता माघ ९, २०७८
      पोखरा । छैटौं मिस तामाङ पोखरा–२०२२ को ट्यालेन्ट राउन्ड शनिबार भएको छ । बैदाम तामाङ सेवा समाजद्वारा आयोजित प्रतियोगिताको ट्यालेन्ट…
    • पोखरा जेसिजमा तालिम

      आदर्श समाज सम्वाददाता माघ ९, २०७८
      पोखरा । पोखरा जेसिजको वर्ष २०२२ का पदाधिकारीलाई जिम्मेवारीबोध गराउने उद्देश्यले शाखा पदाधिकारी तालिम सञ्चालन गरिएको छ । पोखरा जेसिजका…
    • ट्युव टायर मर्मत व्यवसायी एसोसिएसनमा चन्द्रेश्वर

      आदर्श समाज सम्वाददाता माघ ९, २०७८
      पोखरा । ट्युव टायर मर्मत व्यवसायी एसोसिएसन कास्कीको १५ औं साधारण सभा तथा आठौं अधिवेशनबाट चन्द्रेश्वर बस्ताकोटीको नेतृत्वमा ११ सदस्यीय…

    hero news full width