Worldlink ads

हेमजाका तिमिल्सिना सर्वोत्कृष्ट कृषक

आदर्श समाज सम्वाददाता
श्रावण १, २०७५
37184664_1755259644529632_4201419772966993920_n

पोखरा, ३२ असार। पोखरा महानगरपालिका वडा २५, हेमजाका घनश्याम तिमिल्सिना गण्डकी प्रदेशको सर्वोत्कृष्ट कृषक बन्न सफल भएका छन्।

हेमजा गाई फार्म संचालन गर्दै आएका तिमिल्सिनालाई पोखरामा सोमबार ‘सर्वोत्कृष्ट कृषि उद्यमी’ बाट सम्मान गरिएको हो।

भूमि व्यवस्था, कृषि तथा सहकारी मन्त्रालय, गण्डकी प्रदेशले उनलाई नगद ५० हजार, सम्मानपत्र र दोसल्लाले सम्मान गरेको हो। गण्डकी प्रदेशका प्रमुख बाबुराम कुँवरले उनलाई सम्मान गरेका थिए।

त्यस्तै, पशुपालन र कृषि क्षेत्रबाट चार/चार जनालाई उत्कृष्ट कृषकका रुपमा सम्मान गरिएको पशु स्वास्थ्य प्राविधिक सुरेशकुमार श्रेष्ठले जानकारी दिए। पशुपालनतर्फबाट पोखरा-१४ स्थित जानकी एग्रो फार्मका दीपक तिमिल्सिना, माग्दीको अन्नपूर्ण गाउँपालिकास्थित पुनम भेडा फार्मका मनबहादुर पुजा, नवलपरासी गैडाकोटस्थित नमुना सुवेदी गाई फार्मका दधिराम सुवेदी र पोखरा महानगरपालिका वडा ७ स्थित भट्टराई पोल्ट्री फार्मका तेजबहादुर भट्टराई छन्। त्यस्तै, कृषितर्फ स्याङ्जा पुतलीबजार-११ स्थित शान्ति शान्ति कफी फार्मका बोधराज अर्याल, तनहुँको म्याग्दे गाउँपालिका वडा १ का सुन्तला कृषक सुकनारायण श्रेष्ठ, नवलपरासी हुक्सीकोटका तरकारी कृषक ज्ञानबहादुर रजाली मगर र रेम्बो ट्राउट माछा उत्पादन तथा अनुसन्धान केन्द्रका पोखरा-१६ का  इन्द्र गौचन छन्। उनीहरुलाई नगद २५/२५ हजार रुपैयाँ सहित सम्मानपत्र प्रदान गरिएको थियो। प्रदेशअन्तर्गत ११ जिल्लाका कृषि तथा पशु कार्यालयबाट सिफारिस भई आएका नामहरु तथा मन्त्रालयबाट गरिएको फार्म अनुगमन आधारमा सवोर्त्कृष्ट र उत्कृष्ट छनोट गरिएको हो। साथै स्थानीय कुखुराको जात प्रवर्द्वनमा योगदान पुर्‍याएको भन्दै पोखरा महानगरपालिका वडा २७ का राजेन्द्रप्रसाद अधिकारीलाई सम्मानपत्र प्रदान गरियो । देशका सातवटा प्रादेशिक सरकारहरुमध्ये गण्डकी प्रदेशले पहिलोपटक कृषक सम्मान कार्यक्रम गरेको र आगामी दिनहरुमा सहकारी लगायत अन्य विधा समेत थप गरेर सम्मानको कार्यक्रमलाई निरन्तरता दिने बताइएको छ।

गण्डकी प्रदेश प्रमुख बाबुराम कुँवरले कृषक सम्मान कार्यक्रम यस प्रदेशको उत्कृष्ट कार्यक्रम भएको बताए। उनले कृषकलाई प्रोत्साहन गरी कृषि क्षेत्रलाई सुदृढीकरण गर्नुपर्ने आवश्यकता औल्याए। त्यस अवसरमा सम्मानित कृषकहरु तेजबहादुर भट्टराई, बोधराज अर्याल र दीपक तिमिल्सिनाले पनि बोलेका थिए।

भूमि व्यवस्था कृषि तथा सहकारी मन्त्रालयका सचिव शरदचन्द्र श्रेष्ठको अध्यक्षतामा भएको कार्यक्रममा वरिष्ठ पशु विकास अधिकृत डा दीर्घनाथ ढुंगानाले स्वागत र पशु चिकित्सक डा प्रेरणा सेर्ढाई भट्टराईले संचालन गरेकी थिइन्।

मासिक ५ लाख कमाइ

हेमजाका पूर्णप्रसाद र मीठु तिमिल्सिनाका एकमात्र छोरा घनश्यामको जन्म २०४१ साल असार २५ मा हेमजामा भएको हो । एसएलसीसम्म अध्ययन गरेका उनको रुची विस्तारै गाईपालनतर्फ मोडियो । यतिबेला हेमजा गाई र्फम संचालन गरिरहेका उनले गाई तथा भैँसीको दूध तथा तरकारी बेची खर्च कटाएर मासिक ५ लाख रुपैयाँभन्दा बढी कमाउँछन् । उनले २०६८ सालदेखि हेमजास्थित साझाचोकमा गाईर्फम संचालनमा ल्याएका हुन्। फार्ममा ८० वटा गाई र ३० वटा भैंसी पाली दैनिक ७ सय लिटर दूध उत्पादन गर्ने गर्दछन्। त्यसका साथै ५ रोपनी जग्गामा उनले तरकारी खेती गरेका छन्। उक्त र्फममा १३ जनाले पूर्णकालीन तथा अन्य ७ जनाले दैनिक ज्यालादारीमा काम गर्दछन्। तिमिल्सिनासँग विदेशमा काम गर्दाको अनुभव पनि छ। उनले करिब ८ वर्ष कतार र साउदीमा पसिना बगाए। पछि आफ्नै देशमा केही गर्नुपर्दछ भन्ने भावना उनमा जागृत भयो र र्फम संचालन आयो । उनले पैसा कमाउनकै लागि अब विदेश नजाने प्रण गरेका छन्। आफ्नै देशमा थोरै लगानीमा पनि केही व्यवसाय गर्न सकिने उनको विश्वास छ।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads