Worldlink ads

सिर्जना चौतारीको वृक्षरोपण

आदर्श समाज सम्वाददाता
श्रावण १, २०७५

पोखरा, ३२ असार ।लायन्स क्लब अफ पोखरा सिर्जना चौतारीको आयोजनामा शनिबार वृक्षारोपण गरिएको छ। पोखरा महानगरपालिका वडा नम्बर ७ शसस्त्र प्रहरी गुल्म तथा कारागार कार्यालय अगाडि वृक्षारोपण गरिएको कार्यक्रममा कपुर, धुपी, चाँप लगायतका ७० विरुवा रोपिएको थियो।

रोपिएका विरुवाको सुरक्षाका लागि ३५ वटा टि्रगार्डको व्यवस्थासमेत क्लबले गरेको छ। ३५ वटा टि्रगार्डका लागि झण्डै २ लाख २५ हजार खर्च भएको क्लबका अध्यक्ष जितबहादुर थापा गोपालले जनाए। आफ्नो कार्यकालको पहिलो कार्यक्रमलाई महत्वपूर्ण बनाउने भन्दै अध्यक्ष थापाले रोपिएका विरुवाको गोडमेल तथा संरक्षण गर्ने प्रतिवद्धता व्यक्त गरे। विरुवा हुर्किसकेपछि चौतारा निर्माण गर्ने आफ्नो योजना रहेको उनले सुनाए।

पूर्व मल्टिपल काउन्सील चियरपर्सन दीपक श्रेष्ठको प्रमुख आतिथ्यतामा भएको कार्यक्रममा बोल्दै उनले वृक्षरोपण गरेर मात्र जिम्मेवारी पूरा नहुने भन्दै त्यसको संरक्षण गुनपर्नेमा जोड दिए । पोखरा महानगरपालिका वडा ७ का वडाध्यक्ष रामचन्द्र बरालले वडाको अभियानमा साथ दिदै सिर्जना चौतारीले गरेको कार्यको प्रशंसा गरे। वडा नम्बर ७ लाई पोखराको नमुना वडा बनाउने अभियानमा आफू रहेको उनको भनाई थियो।

सिनियर डिस्ट्रिक एडभाइजर विशेश्वर आचार्यले वृक्षारोपण कार्यक्रमले वातावरण संरक्षणमा योगदान दिने बताए। कार्यक्रममा डेपुटि डिर्पाटमेन्ट चिफ बालकृष्ण बराल, वृक्षारोपण कमिटि चियरपर्सन सावित्री अर्याल, जोन चियर पर्सन सन्तोष घिमिरे र दुर्गाकुमारी आचार्य, कमिटि चियर पर्सन बसन्त गिरी, लायन्स क्लब अफ पोखरा फेवा वेगनास चौतारीका अध्यक्ष विधान गौतम, लायन्स क्लब अफ पोखरा सिर्जना चौतारीका प्रथम उपाध्यक्ष जीवन गोर्खाली, सचिव जनकबहादुर कार्की, कार्यक्रम संयोजक हेमराज पराजुली लगायतले लायन्स क्लबको महत्वपूर्ण कार्यक्रमबारे बोलेका थिए ।

कार्यक्रममा पत्रकारिताको माध्यमबाट क्लबका गतिविधि सञ्चार माध्यममा ल्याउन सहयोग गरेको भन्दै कान्तिपुर पब्लिकेसन प्रालि तथा रेडियो अन्नपूर्णमा कार्यरत पत्रकार राजाराम पौडेललाई सम्मान गरिएको थियो। पौडेललाई पीएमसीसी दीपक क्षेष्ठ, वडाध्यक्ष रामचन्द्र बराल, सिनिएर डिष्ट्रिक एडभाइजर विशेश्वर आचार्य, क्लब अध्यक्ष जितबहादुर थापा गोपाल, संस्थापक अक्ष्यक्ष बालकृष्ण बरालले सम्मान गरेका हुन्।

Related News

सम्बन्धित समाचार

    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…
    • पेन्सन वितरण कार्यालयमा रक्तदान

      आदर्श समाज सम्वाददाता पौष २७, २०७८
      पोखरा । भारतको ७५ औं स्वतन्त्रता दिवस सन्दर्भमा भारतीय राजदूतावास पेन्सन वितरण कार्यालय, पोखराले सोमबार रक्तदान एवं निशुल्क स्वास्थ्य शिविर…

    hero news full width