पार्टीबलियो बनाउँदै काँग्रेस

आदर्श समाज सम्वाददाता
असार २६, २०७५

काठमाडौँ, २५ असार । नेपाली काँग्रेसका सभापति शेरबहादुर देउवाले आगामी दिनमा पार्टीलाई बलियो बनाउन सबै नेता कार्यकर्तालाई एक हुन आहृवान गरेका छन्।काँग्रेसका पुराना नेताहरूसँग सोमबार भएको अन्तक्रिर्या कार्यक्रममा उनले पार्टीलाई अन्तर्घातमुक्त र अनुशासित बनाई पुरानै अवस्थामा पुर्‍याउने दृढता व्यक्त गरे। सभापति देउवाले पार्टीलाई सुदृढ गर्न आरोप प्रत्यारोपभन्दा माथि उठेर छलफल गर्नुपर्ने बताए।

वाम गठबन्धन र पार्टीभत्रको अन्तर्घात निर्वाचनमा पार्टीपराजयको प्रमुख कारण रहेको उल्लेख गर्दै सभापति देउवाले भने, “निर्वाचनमा टिकट एक व्यक्तिले पाउने हो, नपाउनेले हराउन लाग्नु त भएन नि।” टिकट वितरणमा केही कमजोरी भएको स्वीकार्दै उनले आफ्नै साथीलाई दुश्मन देखेर अन्तर्घात गर्ने प्रवृत्तिलाई रोक्ने बताए।

निर्वाचनमा पराजयको कारण प्रधानन्यायाधीशमाथिको महाअभियोग पनि हो भन्ने भनाइको खण्डन गर्दै सभापति देउवाले भने-“नेपाल प्रहरीको प्रमुख सरकारले नै बनाउने हो। प्रहरीको कार्यसम्पादन मूल्यांकनका आधारमै उक्त काम तत्कालीन सरकारले गरेको हो।”

कार्यक्रममा काँग्रेसका वरिष्ठ नेता रामचन्द्र पौडेलले मुलुकमा अहिलेसम्म काँग्रेसको विकल्प नभएको र आगामी दिनमा आउन सक्नेतर्फ सचेत रहन नेता कार्यकर्तालाई आग्रह गरे। काँग्रेसमा स्थापनाकालदेखि नै गुट रहेको प्रसंग उल्लेख गर्दै उनले भने, “गुटलाई व्यवस्थापन गर्नुपर्छ।” पार्टीका निष्पक्ष न्याय र मूल्यांकनको व्यवस्था गर्न आवश्यक रहेको बताउँदै उनले पार्टीका सुधारका लागि आत्मचिन्तन गर्नुपर्ने बताए।

Related News

सम्बन्धित समाचार

hero news full width