Worldlink ads

प्रदेशमा पहिलो पटक तेक्वान्दो ग्रेडिङ

आदर्श समाज सम्वाददाता
असार २६, २०७५

पोखरा, २५ असार । नेपाल तेक्वान्दो संघले गण्डकी प्रदेशमा तेक्वान्दो बेल्ट टेष्ट तथा ग्रेडिङ सम्पन्न गरेको छ । नेपाल तेक्वान्दो संघ गण्डकी प्रदेशद्वारा आयोजित उक्त बेल्ट टेष्ट तथा ग्रेडिङमा २४ जना तेक्वान्दो खेलाडीको सहभागिता थियो। तीमध्ये २ महिला थिए ।

थर्ड डानमा १५, फोर्थमा ६ र फिफ्थमा गरि २४ जना खेलाडी उत्तीर्ण भएको गण्डकी प्रदेशका सचिव रमेश पौडेलले बताए। तीनदिने प्रशिक्षणमा कास्की, पर्वत, बाग्ालुङ र म्याग्दीका खेलाडीको सहभागिता थियो।

पहिलो पटक फिफ्थ डनमा सहभागी कास्कीका अरुण माझी, रेखमाया गुरुङ र पर्वतका भरत श्रेष्ठ उत्तीर्ण भए।

फोर्थ डानमा कास्कीका मइनबहादुर गर्वुजा, राखी शर्मा, विष्णु लामा, सूर्यबहादुर राना, म्याग्दीका रामकुमार चौधरी र पर्वतका गंगाबहादुर गुरुङले उत्तीर्ण भए । उत्तीर्णलाई आर्थिक मामिला तथा योजना मन्त्री किरण गुरुङले प्रमाणपत्र वितरण गर्दै सिकेको सीप व्यवहारमा उतार्न आग्रह गरे। मन्त्री गुरुङले हरेक खेलका कुनै न कुनै देशको र समाजको आफ्नै पहिचान र मौलिकता झल्किने भएकाले पनि प्रदेशले पनि त्यस्ता खेलको खोजी गर्दै संरक्षण र सर्म्वर्द्धन गर्नुपर्ने बताए। उनले प्रदेश सरकार खेलकुद विकासका लागि प्रतिबद्ध रहेको भन्दै छिट्टै प्रदेशस्तरीय खेलकुद एकेडेमी स्थापना गर्नेतर्फ अगाडि बढेको बताए।

तेक्वान्दो संघका केन्द्रिय उपाध्यक्ष हरिश्वर पोख्रेलले संघले आफ्ना कार्यक्रमहरुलाई विकेन्द्रित गरेर लैजाने नीतिअनुरुप गण्डकीमा सो कार्यक्रम भएकोमा खुशी व्यक्त गरे । पश्चिमाञ्चल क्षेत्रीय खेलकुद विकास समितिका कावा अध्यक्ष सम्पन्न श्रेष्ठले खेलाडीका लागि आइपर्ने समस्या आफूले गहिरो गरी बुझेको हुनाले सोही अनुरुप खेलाडीको हित र भावना माथि उठाउन प्रतिबद्ध रहेको जनाए। तेक्वान्दो संघ गण्डकी अध्यक्ष जगनबहादुर गुरुङले तेक्वान्दो खेलले सधँै देशको प्रतिष्ठा माथि उठाउने काम गरेको बताए ।

कार्यक्रममा संघका केन्द्रिय सदस्य मदन केसी, प्रदेश कोषाध्यक्ष माइकल कर्माचार्य, नेपाल खेलकुद पत्रकार मञ्च कास्कीका अध्यक्ष केशव पाठक लगायतले धारणा राखेका थिए।

Related News

सम्बन्धित समाचार

    hero news full width

    Jewellery

    sanil ads

    wordlink ads