Worldlink ads

काजीपोखरी क्षेत्रमा बृहत् सरसफाइ

आदर्श समाज सम्वाददाता
असार २४, २०७५
cleaning

पोखरा, २३ असार । पोखरामा जारी बृहत् सफाइ अभियान शनिबार काजीपोखरी क्षेत्रमा सम्पन्न भएको छ।

‘हप्तामा एक घण्टा, राष्ट्रका लागि समाजसेवा’ भन्ने नाराका साथ संचालित ११० हप्ताको कार्यक्रममा झण्डै ७ टन फोहरमैला संकलन गरिएको अभियन्ता रामजी जिसीले बताए। सरसफाइ वीरेन्द्रचोकदेखि काजीपोखरीसम्म गरिएको हो।

यसअघि भौतिक पूर्वाधार विकास मन्त्री रामशरण बस्नेतले अभियानप्रति शुभकामना व्यक्त गर्दै फोहरमैला उठाएर कार्यक्रमको शुभारम्भ गरेका थिए।

यस हप्ताको अभियानलाई नेपाल प्रहरी, ट्राफिक प्रहरी, मुक्तिनाथ विकास बैंक, ओभ डेभलपमेन्ट बैंक, एनआइसी एशिया बैंक, माछापुच्छे्र महिला क्लब, अभियान महिला समूह, ड्यामसाइड टोल विकास संस्था, मितेरी नारी समूह, मान्द्रेढुंगा युवा क्लब, जलेश्वर आमा समूह, मान्द्रेढुंगा आमा समूह, गोल्डेन फ्यूचर मावि रामबजार, कालिका बहुमुखी क्याम्पस, स्थानीय आमा समूह, टोल विकास संस्था लगायत टोलबासीहरुको उल्लेख्य सहभागिता रहेको अभियान संयोजक रामबहादुर पौडेलले जानकारी दिएका छन्।

कार्यक्रममा अभियानका लागि मन्त्री बस्नेतले १० प्याकेट डिस्पोजल ग्लोब, १० थान डोको र ५ थान हँसिया अभियन्ताहरु अञ्जु केसी, गीता पौडेल र राजकुमारी थापालाई हस्तान्तरण गरेका थिए।

कार्यक्रममा वडा १४ का वडा अध्यक्ष प्रेमबहादुर कार्कीले धन्यवाद ज्ञापन गरेका थिए। आगामी १११ हप्ताको सरसफाइ अभियान केदारेश्वर मन्दिर परिसर र कोमागाने पार्कमा हुने जनाइएको छ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग