Worldlink ads

३२ औं अन्तर्राष्ट्रिय एसओएस दिवस

आदर्श समाज सम्वाददाता
असार १०, २०७५

पोखरा, ९ असार । एसओएस बालग्राम गण्डकीले विविध कार्यक्रम गरी ३२ औं अन्तर्राष्ट्रिय एसओएस दिवस मनाएको छ। बालग्रामलाई सहयोग गर्ने सहयोगदातालाई बालग्रामले सम्मान गर्‍यो।

बालग्राममा रहेर २५ वर्ष बढी सेवा गरेका कर्मचारी बुद्धिमान ठकुरी र काजिमान तामाङलाई दोसल्ला ओढाएर बालग्रामले सम्मान गरेको थियो। त्यसैगरी, बालग्राममा अध्ययनरत विद्यार्थीलाई शैक्षिक तथा अतिरिक्ति क्रियाकलापको पुरस्कार वितरण गरेको थियो।

प्रमुख अतिथि नेपाल उद्योग वाणिज्य महासंघका पूर्व अध्यक्ष आनन्दराज मुल्मीले उनीहरुलाई सम्मान र पुरस्कार वितरण गरेका हुन्। मुल्मीले एसओएस बालग्रामले मुलुकलाई ठूलो गुण लगाएको औंल्याए। उनले एसओएस विपन्न तथा बाबुआमा नभएका बालबालिकाका लागि सुनौलो भविष्य निर्माणमा जुटेको बताए। कार्यक्रममा लेखबहादुर थापा, सहयोगी इन्द्रबहादुर गुरुङ लगायत बोलेका थिए।

एसओएस बालग्राम गण्डकीका योजना निर्देशक भगतकुमार श्रेष्ठको अध्यक्षतामा भएको कार्यक्रममा एसओएस युवालय निर्देशक प्रदीपभक्त आचार्यले स्वागत र योजना उपनिर्देशक बाबुराम बरालले कार्यक्रम सञ्चालन गरेका थिए।

मानवतावादी संस्था एसओएस बालग्राम अन्तर्राष्ट्रियका संस्थापक प्राडा हर्मन माइनर हुन्। २३ जुन अर्थात डा हर्मन माइनरको जन्मदिनलाई एसओएस किन्डर डोर्र्फ इन्टरनेशनलको छातामुनि आबद्ध सयौं संस्थाहरु तथा संसारभरका हजारौं बालबालिकाले अन्तराष्ट्रिय एसओएस बालग्राम दिवस मनाउने गरेका छन्।

द्वितीय विश्वयुद्धमा बाबुआमा गुमाएका बालबालिकाको असहज स्थितिबाट प्रभावित भई उनीहरुले गुमाएको घर परिवार जस्तै पुनः उपलब्ध गराउने उद्देश्यले डा हरमन माइनरले पहिलो पटक एसओएस बालग्रामको स्थापना गरेका थिए।

डा हरमन माइनरले विश्वमै सन् १९४९ मा अस्िट्रयाको इम्स्टमा पहिलो एसओएस बालग्रामको स्थापना गरेका थिए। ‘संसारभरिका सबै बालबालिका हाम्रा आफ्नै बालबालिकाहरु हुन्’ भन्ने उद्देश्यले एसओएस बालग्रामहरु खोलिएको हुन्छ। नेपालमा भने पहिलो पटक सन् १९७१ मा भक्तपुरको सानोठिमीमा पहिलो पटक एसओएस बालग्रामको स्थापना भएको हो। हाल नेपालमा सानोठिमी लगायत जोरापटी, काभ्रे, पोखराको गण्डकी एसओएस रामबजार, छोरेपाटन, भरतपुर, इटहरी, लुम्बिनी, सुर्खेत र धनगढी गरी १० स्थानमा एसओएस बालग्राम संचालनमा छ।

रामबजारस्थित एसओएस बालग्राम गण्डकीमा असहाय बालबालिकाका लागि १५ वटा पारिवारिक घर छन्। ती घरमा हाल १ सय ४७ जना बालबालिका बस्दै आएका छन्। एउटा पारिवारिक घरमा १२ जनासम्म बालबालिका बस्ने व्यवस्था मिलाइएको योजना निर्देशक भगतकुमार श्रेष्ठले बताए। श्रेष्ठका अनुसार अप्ठ्यारोमा परेका बालबालिकालाई पूर्ण रुपमा एउटा घरको वातावरण दिइँदैआएको छ। अनाथ तथा असहाय बालबालिकाका लागि आमा, आन्टीको व्यवस्था गरिएको श्रेष्ठले बताए। बालबालिकाका लागि श्रेष्ठ स्वयं घरको ‘बा’ बन्दै आएका छन्।

एसओएस गण्डकीको विद्यालयमा नर्सरीदेखि १२ कक्षासम्म हाल ८ सय ८८ जना विद्यार्थी अध्ययनरत छन्। कक्षा ११ र १२ मा विज्ञान विषयमा अध्ययन अध्यापन गराउँदै आएको उपनिर्देशक बाबुराम बरालले बताए।

Related News

सम्बन्धित समाचार

    • गलकोटेलाई पोखराका अस्पतालमा छुट

      रासस कार्तिक ९, २०७८
      बागलुङ । जिल्लाको गलकोट भेगका सर्वसाधारणलाई पोखराका दुई अस्पतालले औषधि र उपचार सेवामा छुटको प्रबन्ध गरेका छन् । फेवासिटी र…
    • प्रतियोगिता पर्खिंदै युकेश

      धनबहादुर गुरुङ कार्तिक ९, २०७८
      पोखरा । पोखराका प्याराग्लाइडिङ पाइलट युकेश गुरुङलाई स्वेदश तथा विदेशको प्रतियोगितामाबाट निम्तो नआएको २ वर्ष बढी भयो । सन् २०१९…
    • त्रिनेत्रेश्वर शिव मन्दिरमा सम्मान

      आदर्श समाज सम्वाददाता कार्तिक ९, २०७८
      लेखनाथ । त्रिनेत्रेश्वर शिव मन्दिर पोखरा ३० शिशुवाले मन्दिरका विभिन्न गतिविधिहरुमा उल्लेखनीय योगदान पुर्‍याएको भन्दै शिशुवा सत्संग भजन भण्डलीलाई सम्मान…
    • ८० प्रतिशत फूल पोखरा आसपासमा नै उत्पादन

      रासस कार्तिक ८, २०७८
      गण्डकी । अधिकांश उत्पादनमा परनिर्भरता नै मौलिकता जस्तै बन्दै गएको वास्तविकतामा पोखरा फूलमा भने आत्मनिर्भर हुने क्रममा छ । तिहार…
    • पोखरा स्टिल फेब्रिकेटर्समा विश्व

      आदर्श समाज सम्वाददाता कार्तिक ८, २०७८
      पोखरा । पोखरा स्टिल फेब्रिकेटर्स एसोसिएसन कास्की अध्यक्षमा विश्वप्रसाद कर्माचार्य निर्वाचित भएका छन् । संस्थाको १४ औं अधिवेशन एवं २१…

    hero news full width

    Jewellery

    sanil ads

    wordlink ads