विद्युतीय तार अण्डरग्राउण्ड गरिने

आदर्श समाज सम्वाददाता
असार ७, २०७५
tar

पोखरा, ६ असार । पोखरा लेखनाथ महानगरपालिकाका विद्युतीय तार अन्डरग्राउण्ड गरिने भएको छ । वडा ४ ले आफ्नो वडाभित्र रहेका तार अण्डरग्राउण्ड गर्ने योजना अघि सारेको हो । वडा तहका योजना छनौट गर्ने क्रममा विद्युतीय तार अन्डरग्राउण्ड गर्ने योजना प्रश्ताव गरिएको वडाध्यक्ष शंकर बास्तोलाले जानकारी दिए ।

‘जथाभावी तार टाँग्दा शहर नै कुरुप भैसक्यो । यसलाई व्यवस्थापन गर्ने तयारी हाम्रो वडाले गरेको छ,’ उनले भने, ‘आगामी वर्षका लागि काम गर्न तीन करोड माग गरेका छौं । बजेट आउने वित्तिकै अण्डरग्राउण्डको काम शुरु हुन्छ ।’ पहिलो चरणमा ३ किलोमिटर क्षेत्रभित्रका तारलाई अण्डरग्राउण्ड गर्ने र त्यसपछि अन्य क्षेत्रमा पनि विस्तार गर्दै लैजाने बास्तोलाले बताए ।

योजना छनौट भैसकेकोले प्राथमिकताका साथ महानगरबाट कार्यान्वयन हुने गरी अण्डरग्राउण्ड गर्ने बजेट माग गरिएको उनको भनाइ छ । तार व्यवस्थित गर्नका लागि यसअघि नै वडा कार्यालयले सम्बन्धित निकायसँग बैठक बसेर निर्णय पनि गरिसकेको छ । पोखरामा विद्युतीय तारकै कारण पटक-पटक मान्छेको ज्यान समेत जाने गरेको छ । पोखरालाई स्मार्ट सिटी बनाउने अवधारणा अनुसार विद्युतीय तार अण्डरग्राउण्ड पहिलो कार्यक्रम हुने वडाध्यक्ष बास्तोला बताउँछन् । ‘गफ गरेर स्मार्ट सिटी बन्दैन । त्यसका लागि काम गर्नुपर्छ,’ उनले भने, ‘त्यसको शुरुवात वडा ४ ले गर्छ । तार लुकाएर स्मार्ट सिटी अभियानको थालनी हुन्छ ।’

विद्युतीय तार अण्डरग्राउण्ड गर्ने विषय धेरै पटक चर्चामा आए पनि अहिलेसम्म कसैले योजना बनाउन सकेका थिएनन् । वडा ४ ले पहिलो पटक महानगरसँग तारलाई भूमिगत गर्नका लागि बजेट माग गरेको हो । प्रतिकिलोमिटर तार भूमिगत गर्न करिब १ करोड हाराहारीमा खर्च लाग्ने अनुमान गरिएको वडाध्यक्ष बास्तोलाले जानकारी दिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width