Worldlink ads

लायन्सको अवार्ड वितरण

आदर्श समाज सम्वाददाता
जेठ २९, २०७५
lions

पोखरा, २८ जेठ । लायन्स क्लब इन्टरनेशनल डिष्ट्रिक्ट ३२५ बि १ नेपालअन्तर्गत क्लस्टर १ को अवार्ड वितरण समारोह सम्पन्न भएको छ। क्लस्टर १ मा ३७ वटा क्लब आवद्ध छन्।

क्लब अध्यक्ष, जोन चियरपर्सन तथा रिजन चियरपर्सन सहित एकवर्षे कार्यकाल सफल बनाउन सहयोग गर्नेलाई वर्षभरि गरेका कार्यको उच्च सम्मान स्वरुप अवार्ड प्रदान गरिएको क्लस्टर प्रमुख दुर्गाप्रसाद हुमागाईंले जानकारी दिए।

डिष्ट्रिक्ट गभर्नर धनराज आचार्यले दिएका सबै जिम्मेवारीलाई कुशलतापूर्वक सम्पन्न गर्दै सबैको सहयोग बाट समूहगत रुपमा सामाजिक सेवाका कार्य गरि जिम्मेवारी पूरा गरेको क्लस्टर प्रमुख तथा डिष्ट्रिक्ट ३२५ बि १ नेपालका सिनियर एम्बेसडर अफ गभर्नर दुर्गाप्रसाद हुमागाईंले बताए।

समारोह अवसरमा पोखरा लेखनाथ महानगरपालिका राजाको चौतारा निवासी दुवै मृगौला फेल भएका पुष्प तिमिल्सिनालाई मृगौला प्रत्यारोपण र उपचारार्थ नगद सहयोग प्रदान गरिएको थियो।

रिजन चियरपर्सन लायन बिना गुरुङको पहलमा ४ लाखभन्दा बढी र क्लस्टर १ बाट  गरी ४ लाख ५० हजार बराबरको नगद रकम सहयोग गरिएको हो।

प्रमुख अतिथि लायन्स मल्टिपल ३२५ नेपालका मल्टिपल काउन्सिल चियरपर्सन बालकृष्ण बुलाकोटीले लायन्समा लागेर समाज सेवा गर्नेलाई सधैँ प्रोत्साहन गर्नुपर्ने बताए ।

डिष्ट्रिक्ट गभर्नर धनराज आचार्यले डिष्ट्रिक्टलाई सफल बनाउन क्लस्टर १ को योगदान महत्वपूर्ण रहेको बताए।

क्लस्टर प्रमुख दुर्गाप्रसाद हुमागाईंको अध्यक्षतामा आयोजित कार्यक्रममा इलेक्ट डिष्ट्रिक्ट गभर्नर अशोककुमार श्रेष्ठ, इलेक्ट फस्ट भाइस गभर्नर इन्दु लम्साल, पूर्व मल्टिपल काउन्सिल चियरपर्सन दीपक श्रेष्ठ, प्रेमबहादुर श्रेष्ठ, पूर्व डिष्ट्रिक्ट गभर्नर योगेन्द्र प्रधान, कोचिफ एडभाइजर विशेश्वर आचार्य, क्लस्टर उपप्रमुख पदमबन्दु पोखरेल, रिजन चियरपर्सन विनोद ढुंगाना, बिना गुरुङ, जोन चियरपर्सन कृष्णप्रसाद श्रेष्ठ, शारदा शर्मा, लायन्स क्लब अफ पोखरा लेकसिटिका अध्यक्ष मिनराज काफ्ले लगायत बोलेका थिए।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads