Worldlink ads

मेगा एजुकेशन फेयरमा उत्साहजनक सहभागिता

आदर्श समाज सम्वाददाता
जेठ २७, २०७५

पोखरा, २६ जेठ। विद्यार्थीको उत्साहजनक सहभागिताका साथ पोखरामा आयोजित तेस्रो ‘मेगा एजुकेशन फेयर’ शनिबार सकिएको छ।

न्यूरोडको सिटी स्क्वायरमा शुक्रबार र शनिबार चलेको फेयरमा विद्यार्थी र अभिभावकको उत्साहजनक सहभागिता रहेको थियो।

वैदेशिक अध्ययनमा जान चाहने विद्यार्थी लक्षित गर्दै इभेन्ट कम्पनी ‘वान अप’ ले पोखरामा वर्षोनी आयोजना गर्दैआएको मेलाको यो तेस्रो संस्करण हो।

वान अपका प्रमुख कार्यकारी अधिकृत रविशंकर झाका अनुसार फेयर सोचेअनुरुप सफल भएको छ। ‘फेयरमा विद्यार्थी समूहगत रुपमा आए। शुक्रबार उपस्थिति उल्लेख्य रह्यो। आगामी मेलामा झनै धेरै सहभागिताको आशा राखेका छौं।’ फेयरमा विद्यार्थी तथा अभिभावकलाई निःशुल्क प्रवेशको व्यवस्था थियो।

अध्ययनका लागि रोजाइका मुलुक अष्ट्रेलिया, अमेरिका, न्यूजिल्याण्ड, जापान लगायतका अन्य देशको शिक्षा प्रणाली, भिसा प्रक्रिया र छात्रवृत्ति विषयमा पर्याप्त सूचना प्रवाह गर्ने उदेश्यले शैक्षिक मेलाको आयोजना गरिएको उनले बताए।

फेयरमा उत्कृष्ट कलेज र युनिभर्सिटी तथा कन्सल्टेन्सी गरी २० वटा भन्दा बढी संस्था सहभागी थिए। मेलामा शिक्षा मन्त्रालयबाट जारी परामर्श सेवा तथा भाषा शिक्षणसम्बन्धी निर्देशिका, २०७३ वमोजिम शैक्षिक परामर्श तथा प्रमाणीकरण शाखा शिक्षा मन्त्रालयबाट स्वीकृति प्राप्त संस्थाले परामर्श दिएका थिए।

मेलामा विभिन्न कलेज तथा युनिभर्सिटीका प्रतिनिधिबाट छात्रवृत्तिसम्बन्धी जानकारी, आइएलटिएसमा  उच्च अंक प्राप्त गर्ने तरिका तथा करियर काउन्सिलिङलाई प्रमुखताका साथ जानकारी गराइएको थियो।

क्वीन्सफोर्ड कलेज प्रस्तुतकर्ता रहेको मेलामा विद्यार्थीले अस्ट्रेलिया, अमेरिका, न्यूजील्याण्ड, जापान लगायत देशका उत्कृष्ट कलेज तथा त्यहाँको शैक्षिक, आर्थिक प्रणालीबारेमा विस्तृत रुपमा जानकारी पाउने व्यवस्था थियो। फेयरमा आउने विद्यार्थीलाई विभिन्न छात्रवृत्ति अवसर तथा दक्ष तथा मान्यता प्राप्त शैक्षिक परामर्शदाताहरुबाट परामर्शको सुविधा थियो।

इम्पल्स इन्टरनेशनलको सहयोगमा भएको फेयरका मुख्य प्रायोजक इप्लानेट, एक्सेस एजुकेशन, इनर्सच एजुकेशन, थर्ड आई एजुकेशन, नेप्कम्स युनिस्टार, कंगारु, न नेक्स्ट, मेट्स इन्टरनेशनल, प्याकेशिया, बुमर्‍याङ इन्टरनेशनल, प्रोफेशनल एजुकेशनल, काठमाण्डु इन्फोसिस, अष्ट्रेलियन टेक्निकल कलेज, ओम्स अब्रोड, मिराकल इन्स्टिच्युट, अस् स्टडिज, डेल्टा, र्एइ ग्लोबल लगायत थिए।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads