Worldlink ads

‘बौद्धिक शोषणको अन्त्य गर’

आदर्श समाज सम्वाददाता
जेठ २७, २०७५
dev raj

पोखरा, २६ जेठ । नेपाल सामुदायिक उच्च माध्यमिक शिक्षक युनियन महानगर कमिटिले पोखरा लेखनाथ महानगरपालीकाका मेयर मानबहादुर जिसी  र शिक्षा महाशाखा प्रमुख केदार आचार्यलाई ज्ञापनपत्र बुझाएको छ।

शैक्षिक क्षेत्रबाट योग्य, क्षमतावान् र कुशल नागरिक उत्पादनहोस् भन्ने विषयमा ध्यानाकर्षा गराउँदै ज्ञापनपत्र बुझाइएको हो ।

सामुदायिक शिक्षक युनियन महानगरका अध्यक्ष देवराज शर्माले देशको लागि योग्य जनशक्ति उत्पादन गर्ने थलो नै शिक्षा भएको हुँदा यसलाई व्यवस्थित र वैज्ञानिक प्रणालीबाट व्यवस्थापन गर्न नसक्ने हो भने वर्तमान सरकारको समृद्ध नेपाल निर्माणको परिकल्पानाले सार्थकता पाउन नसक्ने बताए । उनले यस विषयमा योग्य शिक्षकको योग्यताअनुरुपको सम्मान, पेशागत सुनिश्चितता, शैक्षिक सुधार र शैक्षिक स्रोतको सही व्यवस्थापनसँगै समग्र शिक्षा नीतिलाई सबैको चासो र सरोकारको विषय बनाई शैक्षिक क्षेत्रको रोजगारीलाई पहिलो प्राथमिकतामा राख्नुपर्नेमा जोड दिँदै ज्ञापनपत्र बुझाइएको बताए ।

महानगर प्रमुख मानबहादुर जिसीले लामो समय राज्यलाई योगदान गर्ने साविक ११ र १२ मा अध्यापनरत शिक्षकलाई न्याय हुने गरी आफ्नो भूमिका रहनेमा आश्वस्त रहन आग्रह गरे । २०४८ सालदेखि हालसम्म कक्षा ११ र १२ मा अध्यापन गराउने देशभरिका सामुदायिक विद्यालयहरुमा हालसम्म एक जना पनि स्थायी शिक्षक नभएको तत्कालीन सरकार र राज्यले गरेको विभेदकारी कार्यबाट शिक्षक मारमा परेको भन्दै उनले यसको व्यवस्थापनमा महानगर सचेत रहेको बताए ।

स्थानीय निकायको अधिकार क्षेत्रमा रही आफ्नो विवेकले थेग्ने गरी युनियनले उठाएका मुद्दामा सम्बोधन गर्न आफ्नो योगदान रहने शिक्षा महाशाखा प्रमुख केदार आचार्यले बताए । उनले सामुदायिक शिक्षक युनियन महानगरसँग सहकार्य गरेर अगाडि बढ्ने प्रतिबद्धता समेत व्यक्त गरेका थिए।

Related News

सम्बन्धित समाचार

    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…
    • पेन्सन वितरण कार्यालयमा रक्तदान

      आदर्श समाज सम्वाददाता पौष २७, २०७८
      पोखरा । भारतको ७५ औं स्वतन्त्रता दिवस सन्दर्भमा भारतीय राजदूतावास पेन्सन वितरण कार्यालय, पोखराले सोमबार रक्तदान एवं निशुल्क स्वास्थ्य शिविर…

    hero news full width