हेमजा, २३ जेठ। नेपाल पत्रकार महासंघ कास्कीको आयोजनामा पोखरामा क्रियाशील पत्रकारका लागि दिइएको प्रस्तावना तथा प्रतिवेदन लेखन तालिम बुधवार सकिएको छ।
तालिम समापनमा बोल्दै पोखरा लेखनाथ महानगरपालिकाका प्रमुख मानबहादुर जिसीले पत्रकार महासंघ कास्कीलाई प्रविधिमैत्री बनाउनुपर्नेमा जोड दिए। उनले पत्रकारिता क्षेत्र व्यावसायिक बन्नुपर्ने तर्क गर्दै पोखरामा खोजी पत्रकारिताको आवश्यकता पनि औँल्याए।
जिसीले सार्वजनिक सम्पति खरिद ऐन तथा स्थानीय सरकार सञ्चालन कार्यविधिबारे जनता अझै पनि अनभिज्ञ रहेको चर्चा गर्दै त्यसतर्फ सचेत गराउन पत्रकारले भूमिका खेलिदिन आग्रह पनि गरे।तालिममा पुरानादेखि अनुज सबैखाले पत्रकार सहभागी भएको भन्दै उनले खुशी समेत प्रकट गरेका थिए।
पत्रकार महासंघका केन्द्रीय सदस्य रामकृष्ण ज्ञवालीले सिकेको सीप प्रयोग गर्न सुझाव दिए । उनले पत्रकारले समाजको वास्तविक वस्तुस्थिति उठान गर्न सक्नुपर्नेमा जोड दिए।प्रशिक्षक पहार ट्रस नेपालका प्रमुख कार्यकारी अधिकृत छवि गौडेलले सिकाइ निरन्तर चल्ने प्रक्रिया भएको भन्दै तालिमबाट सिकेको सीप व्यवहारत प्रयोगमा ल्याउन सुझाव दिए।
प्रशिक्षार्थीको तर्फबाट खीमा गुरुङ, भीमपाणी बराल र श्रीभद्र पौडेलले आ-आफ्ना अनुभव सुनाएका थिए। उनीहरुले पत्रकार महासंघ कास्कीले घोषणा गरेको तालिम वर्ष-२०७५ लाई सफल बनाई कास्कीमा क्रियाशील पत्रकारको क्षमता र दक्षता वृद्घि गर्नुपर्ने आवश्यकता औँल्याए।पोखरा लेखनाथ महानगरपालिकाको सहकार्यमा भएको सो तालिम २ दिनसम्म चलेको थियो ।
महासंघ कास्की अध्यक्ष दीपेन्द्र श्रेष्ठको अध्यक्षतामा सम्पन्न उक्त समापन कार्यक्रम महासंघ कास्कीका सचिव रामप्रसाद तिमिल्सिनाले सञ्चालन गरेका थिए।
Related News
सम्बन्धित समाचार
प्रदेश सरकार उलटपुलट
दृष्टिविहीनलाई बाटो देखाउँदै गुगल
रुपाको अस्पताल र स्वास्थ्य बिमा बोर्डबीच सम्झौता
युनाइटेडद्वारा शैक्षिक तथा खेल सामग्री वितरण
रुपाको अस्पताल र स्वास्थ्य बिमा बोर्डबीच सम्झौता
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१