गल्याङ, १९ जेठ। तानसेन नगरपालिकाका प्रमुख अशोककुमार शाहीले निर्धक्क रुपमा कलम चलाउन पत्रकारलाई सुझाव दिएका छन्।
स्वतन्त्र पत्रकार संघ नेपालको सातौं केन्द्रीय वाषिर्क साधारण सभा तानसेनमा शनिबार उद्घाटन गर्दै उनले सो सुझाव दिएका हुन्। वस्तुनिष्ठ र यथार्थ पत्रकारिता स्वतन्त्र पत्रकारिता भएकाले त्यस अभियानमा लाग्नुपर्नेमा उनको जोड छ । उनले देखिने आन्दोलनभन्दा पनि नदेखिने रुपबाट पत्रकारले आन्दोलन चलाउनु पर्ने बताए ।
नगर प्रमुख शाहीले राज्यले सिंहदरबारको अधिकार स्थानीय तहमा भने पनि विभिन्न बहानामा अधिकार कटौंती गरेको बताए । अहिले हरेक स्थानीय तहमा बजेट घटेर आयो भने पनि केन्द्रले स्थानीय तहलाई दिएको अधिकार पनि कटौती गरेका कारण बजेट घटेको उनले बताए।
उनले पत्रकारले विभिन्न रंगीन चस्मा लगाएर समाचार लेख्दा वास्तविक विषयवस्तु बाहिर नआउने भएकाले सबैको विश्वास गर्ने बनेर आफ्नो पेशामा लाग्न आग्रह गरेका थिए।
कार्यक्रममा स्वतन्त्र पत्रकार संघ नेपालका सल्लाहकार नारायण कार्की, नेपाल पत्रकार महासंघ पाल्पाका अध्यक्ष राजेशकुमार अर्याल लगायतले आफ्नो पेशामा निर्धक्क भएर समाजका हरेक कुरालाई आमजनसमुदायमा पुर्याउनु पर्नेमा जोड दिए ।
‘पत्रकार बन्नु त स्वतन्त्र बन्नु, स्वतन्त्र नै पत्रकार भन्नु भन्ने मूलनाराका साथ स्वतन्त्र पत्रकार संघ नेपाल केन्द्रको आयोजना र स्वतन्त्र पत्रकार संघ नेपाल पाल्पाको व्यवस्थापनमा श्रीनगरमा साधारणसभा भएको हो । कार्यक्रममा संघद्वारा प्रकाशित ‘स्वतन्त्र सन्देश’ मुखपत्र विमोचन गरिएको थियो।
कार्यक्रममा संघका विभिन्न जिल्ला अध्यक्षहरुले सम्बन्धित जिल्लाको प्रगति प्रतिवेदन प्रस्तुत गरेका थिए। साधारण सभाले आठबुँदे घोषणापत्र जारी गरेको छ । स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाको अध्यक्षतामा भएको कार्यक्रममा स्वागत मन्तव्य संघ कास्कीका अध्यक्ष कृष्ण थापा र सञ्चालन केन्द्रीय महासचिव नवराज पहाडीले गरेका थिए।
Related News
सम्बन्धित समाचार
प्रदेश सरकार उलटपुलट
दृष्टिविहीनलाई बाटो देखाउँदै गुगल
रुपाको अस्पताल र स्वास्थ्य बिमा बोर्डबीच सम्झौता
युनाइटेडद्वारा शैक्षिक तथा खेल सामग्री वितरण
रुपाको अस्पताल र स्वास्थ्य बिमा बोर्डबीच सम्झौता
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१