Worldlink ads

पोखरामा विश्व धुमपानरहित दिवस

आदर्श समाज सम्वाददाता
जेठ १८, २०७५
Arbudh Rog Sachetana

पोखरा, १७ जेठ। पोखरामा विहिबार विश्व धुम्रपानरहित दिवस मनाइएको छ। नेपाल अर्वुदरोग निवारण संस्था कास्की शाखाद्धारा धुम्रपानरहित दिवस मनाएको हो।

यस वर्षको नारा ‘सुर्तिजन्य पदार्थ र मुटु सम्बन्धी रोग’ को विषयलाई माविस्तरीय चित्रकला प्रतियोगिता गरिएको थियो।  दिवसको पूर्वसन्ध्यामा धुम्रपानसम्बन्धी आयोजना गरिएको चित्रकला प्रतियोगितामा बिजयी विद्यार्थीहरुलाई पुरस्कार प्रदान गर्‍यो।

चित्रकला प्रतियोगितामा सैनिक आवासिय माविका सचिन केसी प्रथम, अमरसिंह माविकी अञ्जली के.सी. द्धितिय, लोटस एकेडेमीकी यजस्वी थापामगर तृतीय, स्टेप बाई स्टेपकी क्रेशा खड्का र हिमालय बोर्र्डिङ स्कूलका पारस शाही ठकुरी शान्त्वना भएका थिए।

संस्थाले प्रकाशन गरेको ‘हाम्रो घरमा कसैले पनि ध्रुमपान गर्दनौ’ भन्ने सूचनामूलक स्टिकर प्लेटको लोकापर्ण्र्ाागरी सवैलाई आफ्नो घर, कार्यालय र सार्वजनिक संस्थाहरूमा देखिने ठाउँमा उक्त स्टीकरलाई राख्न अनुरोध गरेका थिए । वक्ताहरुले विशेषगरी सुर्ति र सुर्तिजन्य पदार्थको प्रयोगले मानव स्वास्थ्य र त्यसले मुटुमा पार्ने नकारात्मक प्रभावका साथै सुर्तिजन्य पदार्थको प्रयोगले क्यान्सर रोग लाग्न सक्ने भएको हुँदा त्यसबारे समुदायमा चेतनामूलक गतिविधिहरू गर्न गराउन समेत अनुरोध  गरेका थिए ।

प्रमुख अतिथि पोखरा लेखनाथ महानगरपालिका वडा नं ९ का वडा अध्यक्ष रामराज लामिछानेले वडा र संस्थाको समन्वयमा साझेदारी कार्यक्रम अगाड बढाउन प्रतिबद्धता जनाए। ९ नं वडाले ‘स्वस्थ जीवन, स्वस्थ घर, स्वस्थ राष्ट्र र स्वस्थ वडा’ को अभियानलाई अघि सारेको लामिछानेको भनाई थियो।

कार्यक्रममा संस्थाका पूर्व सभापतिहरु माधवप्रसाद सिग्देल, दिनेशशंकर पालिखे, हार्डवयर एशोसिएसनका पूर्व अध्यक्ष प्रेम पौडेल, पोखरा लेखनाथ महानगरापालिका वडा नं ३ का वडा अध्यक्ष रविन्सन प्रजु र वडा नं ९ का वडासचिव लोकदर्शन कोइरालाले मन्तव्य राखेका थिए।

संस्थाका सभापति रामचन्द्र थापाको अध्यक्षतामा भएको कार्यक्रममा उपसभापति विश्वमोहन अधिकारीले स्वागत, उपसभापति प्रेमबहादुर भुजेलले धन्यवाद ज्ञापन र सचिव नारायण पराजुलीले कार्यक्रम सञ्चालन गरेका थिए।

त्यसैगरी, विश्व धुम्रपानरहित दिवसको अवसर पारेर पोखरा लेखनाथ २६ को अघौर्चोकमा रहेको न्यू एरा एकेडेमीमा विहिवार सुर्तिजन्य पदार्यको सेवनले स्वास्थ्यमा पार्ने असरबारे जनचेतनामूलक सडक नाटक प्रदर्शन गरेका छन् ।

जुनियर रेडक्रस सर्कल न्यू एराको ब्यवस्थापनमा लक्ष्मीमावि चौतारा र अघौर्चोकमा धुम्रपानले मानव शरिरमा पार्ने असरबारे सचेतनामूलक नाटक र प्लेकार्डसहितको र्‍याली निकालिएको हो । कक्षा ६ देखि १० सम्मका विद्यार्थीहरुको सहभागिता रहेको र्‍याली विद्यालय परिसरबाट भित्री अघौ बजार हुँदै लक्ष्मी मावि, सुन्दरीवजार र अघौर्चोकमा पुगेको विद्यालयका शिक्षक खगराज धमलाले जानकारी दिएका छन् ।

Related News

सम्बन्धित समाचार

    • थमन परियार १७ औं स्मृति सभा

      आदर्श समाज सम्वाददाता कार्तिक ७, २०७८
      लेखनाथ । स्वर्गीय थमन परियारको १७ औं स्मृति सभा शनिबार लेखनाथमा भएको छ । थमन परियार स्मृति प्रतिष्ठानले आयोजना गरेको…
    • लेखनाथ निर्माण व्यवसायी समितिमा प्रेम

      आदर्श समाज सम्वाददाता कार्तिक ७, २०७८
      लेखनाथ । लेखनाथ निर्माण व्यवसायी समितिको अध्यक्षमा प्रेमबहादुर थापा निर्वाचित भएका छन् । शनिवार सम्पन्न संस्थाको चौथो वार्षिक साधारण सभा…
    • विश्व हिन्दु महासंघमा विवाद

      आदर्श समाज सम्वाददाता कार्तिक ७, २०७८
      पोखरा । विश्व हिन्दु महासंघ राष्ट्रिय समिति नेपाल आन्तरिक विवादमा फसेको छ । विश्व हिन्दु महासंघको नाममा अर्को संस्थाले महायज्ञ…
    • आन्तरिक पर्यटकले आशा जगाएको पोखराको पर्यटन

      रासस कार्तिक ६, २०७८
      पोखरा । कोभिड–१९ कारण लामो समयदेखि सुनसान रहेको पोखराको लेकसाइडमा यतिबेला भने आन्तरिक पर्यटकले चहलपहल बढेको छ । सरकारले निषेधाज्ञा…
    • ढिकुरपोखरी समाज पोखराको सभा

      आदर्श समाज सम्वाददाता कार्तिक ६, २०७८
      हेमजा । ढिकुरपोखरी समाज पोखराको १४ औं वार्षिक साधारणसभा भएको छ । शुक्रबार सभाको उद्घाटन गर्दै अन्नपूर्ण गाउँपालिका अध्यक्ष युवराज…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग