गण्डकीको रत्नचोक शाखा उद्घाटन

Avatar आदर्श समाज सम्वाददाता
जेठ १५, २०७५

पोखरा, १३ जेठ । प्रदेश ४ का मुख्यमन्त्री पृथ्वीसुब्बा गुरुङले अहिलेको यात्रा समृद्घकिो यात्रा रहेको बताएका छन्।

पोखराको रत्नचोकमा गण्डकी विकास बैंकको शाखा उद्घाटन गर्दै मुख्यमन्त्री गुरुङले सो कुरा बताएका हुन्। उनले आर्थिक समृद्धिको यात्रा पूरा गर्न बैंक तथा वित्तीय संस्थाहरुबीच सहकार्य गरेर अगाडि बढ्नु पर्ने बताए।

उनले अहिलेको प्राथमिकता पर्यटन, उर्जा कृषि र उद्योग व्यापार रहेको र वैकहरुले पनि यी क्षेत्रलाई प्राथमिकता दिएर अगाडि बढ्नु पर्ने भन्दै बैंकको निरन्तर सफलताको लागि शुभकामना दिए।

बैंकका प्रमुख कार्यकारी अधिकृत रेशमबहादुर थापाले बैंकले प्रदान गर्ने सेवा सुविधाबारे जानकारी दिए।

बैंक संचालक बासुदेव त्रिपाठीको अध्यक्षतामा भएको उक्त कार्यक्रममा पोखरा लेखनाथ महानगर वडा ७ का अध्यक्ष रुद्रनाथ बराल, नेपाल राष्ट्र बैंक पोखराका कामु निर्देशक अमर अधिकारी, बैंकका सहायक प्रमुख कार्यकारी अधिकृत तारानाथ लम्सालले लगायतले बोलेका थिए।

बैंकले चालु आव २०७४/७५ को तेश्रो त्रैयमासमा निक्षेप २० अर्ब ४३ करोड रुपैयाँ र कर्जातर्फ १८ अर्ब ३२ करोड रुपैयाँ पुर्‍याएको प्रमुख कार्यकारी अधिकृत रेशमबहादुर थापाले बताए।

बैंकले केन्द्रीय कार्यालयसहित देशका विभिन्न ठाउँमा गरी ५९ वटा शाखा कार्यालय मार्फत आकर्षक व्याजदरमा विभिन्न निक्षेप योजना, सहज र सरल रुपमा कर्जा प्रवाह गर्नुका साथै एबिबिएस, एटिएम, एसएमए, सि-आस्वा, आइपिएस, मोवाइल बैकिङ सेवा, लकर सेवा, सुनधितोमा कर्जा सुविधा, रेमिट्यान्स सेवा, केन्द्रीय कार्यालय लगायत केही शाखाबाट ३६५ दिने बैकिङ सेवा तथा सन्ध्याकालीन सेवासमेत प्रदान गर्दैआएको छ। यस्तै न्यून आय भएका व्यक्तिलाई विपन्नवर्ग कर्जा तथा समूहमा आवद्ध लघु वित्तकर्जा समेत प्रदान गर्दैआएको छ।

हाल बैंकका विभिन्न ठाउँमा १८ वटा शाखा निर्माणाधीन छन् । यसै आवमै सञ्चालनमा आउने ती शाखापछि सातै प्रदेशमा गरी ७७ वटा शाखा हुने सहायक प्रमुख कार्यकारी अधिकृत त्ाारानाथ लम्सालले जनाए।

प्रतिक्रिया

Comments on गण्डकीको रत्नचोक शाखा उद्घाटन

अन्य समाचार

पृथ्वी सहकारी अवलोकन भ्रमण

पोखरा,  १४ जेठ। पृथ्वी बहुउद्देश्यीय सहकारी संस्था लिमिटेडले सेयर सदस्य तथा कर्मचारीलाई सहकारी अध्ययन अवलोकन भ्रमण गराएको छ। जेठ ११ देखि १३ गतेसम्म भएको भ्रमणक्रममा बुद्धको जन्मस्थल लुम्बिनीका विभिन्न गुम्बा, सरोवर, मन्दिर लगायत ऐतिहासिक एवं पुरातात्विक स्थल भ्रमण गरिएको थियो।त्यस्तै, नवलपरासीस्थित शास्वतधाम हुँदै सौराहाका विभिन्न ठाउँको अवलोकन गरि चितवन, शारदानगरस्थित नेपालको पहिलो सहकारी बखान बहुउद्देश्यीय सहकारी संस्था लिमिटेडमा अन्तर्क्रिया गरिएको थियो। कार्यक्रममा बखान सहकारीका प्रबन्धक अर्जुन ढकालले नेपालमा सहकारीको उदयदेखी हालसम्मका गतिविधिबारे प्रष्ट पारेका थिए । पृथ्वी बहुउद्देश्यीय सहकारीका सचिव एवं कार्यक्रम संयोजक किरणप्रसाद बञ्जाराले नीति नियम र प्रविधिलाई आत्मसाथ गर्दै सहकारी सेवामुखी भएको उल्लेख गरे। पृथ्वी सहकारीका प्रबन्धक मोहनप्रसाद अधिकारीले…

सामाजिक अध्ययन मञ्चमा पौडेल

लेखनाथ, १४ जेठ । सामाजिक अध्ययन मञ्च कास्कीमा पुनः टेकनाथ पौडेल चयन भएका छन्। मञ्चको हालै सम्पन्न पाँचौं अधिबेशनले टेकनाथ पौडेलको अध्यक्षतामा नयाँ कार्यसमिति चयन गरेको हो। समितिको उपाध्यक्षमा बोधराज गौतम, सचिवमा गोबिन्द काफ्ले, सहसचिवमा सकुन्तला सोती, कोषाध्यक्षमा घनश्याम आचार्य चयन भएका छन् । यसैगरी, सदस्यहरुमा टिकाराम शर्मा, सन्दीप अधिकारी, तिलकप्रसाद काफ्ले, बिष्णुप्रसाद सुबेदी र डिलकुमारी पौडेल छन् । मञ्चको सल्लाहकारहरुमा दिनेश अर्याल, अम्बरबहादुर कुँवर र राजिब उपाध्याय छन्। पोखरा लेखनाथ महानगरपालिकाका शिक्षा प्रशासन महाशाखा प्रमुख केदार आचार्यले अधिवेशनको उद्घाटन गरेका हुन्। आचार्यले…