चितवन, १० जेठ । जिल्लाका खैरहनीमा एक हप्ताअघि देखिएको बर्डफ्लू नारायणगढ बजार र पश्चिम चितवन क्षेत्रमा पनि देखिएको छ।
नारायणगढ र देवनगर गरी छुट्टाछुट्टै २ ठाउँमा स्थानीय जातका कुखुरामा बर्डफ्लू देखिएको हो।
जिल्ला पशु सेवा कार्यालय चितवनका प्रमुख डा चेतनारायण खरेलका अनुसार नारायणगढ बजारको बालकुमारी तरकारीमण्डीमा बिक्रीका लागि राखिएको स्थानीय जातका कुखुरा र भरतपुर महानगरपालिका वडा ६ देवनगर नजिकै मयुर कटेज एण्ड रेण्टुरेण्टमा पालिएका कुखुरामा बर्डफ्लू देखिएको हो।
ती कुखुराको नमूना परीक्षणका लागि केन्द्रीय प्रयोगशाला काठमाडौं पठाइएकोमा बर्डफ्लू प्रमाणित भई आएपछि बर्डफ्लू देखिएका क्षेत्रमा रहेका पक्षी मार्नु कार्य शुरु गरिएको छ। रेष्टुरेण्टमा रहेका २६ वटा हाँस र कुखुरा नष्ट गरिएको खरेलले बताए। उक्त रेष्टुरेण्टमा खोरमा राखेर स्थानीय जातका कुखुरा र हाँस पालिएको थियो।
त्यस्तै तरकारीमण्डीमा १० वटा पसलमा स्थानीय जातका कुखुरा, ब्रोर्इलर कुखुरा र हाँस रहेकोमा तिनीहरुलाई नष्ट गर्ने काम शुरु भएको छ।
बालकुमारी तरकारीमण्डी क्षेत्रमा के कति पक्षीहरु छन् तिनीहरुको अवस्था बुझ्ने काम भइरहेको पनि खरेलले बताए। दुवै ठाउँको नमूना दुर्इ दिन अघि पठाइएकोमा बुधबार राति नतिजा आएसँगै नष्ट गर्ने प्रक्रिया अघि बढाइएको हो।
यसै महिनाको जेठ ३ मा पूर्वी चितवनको खैरहनी नगरपालिका वडा ९ र्सुतनीमा दुर्इ र्फममा बर्डफ्लू देखा परेपछि त्यस क्षेत्रलाई संकटग्रस्त क्षेत्र घोषणा गरी त्यहाँ रहेका घरपालुवा पक्षी नष्ट गरिएको थियो।
जिल्लामा ठाउँठाउँमा बर्डफ्लू देखा परेपछि बर्डफ्लूको खतरा उच्च हुँदै गएको छ।
Related News
सम्बन्धित समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
गैंडाकोट नगरपालिकाले थाल्यो अनलाइनबाटै नागरिकता सिफारिस
प्रधानमन्त्रीसँग गोरखा नगरपालिकाले माग्यो साढे ३ अर्ब बजेट
अन्नपूर्णमा अख्तियारको अन्तरक्रिया
hero news full width
मुख्य समाचार
किरिया बसेका दाजुभाइ परीक्षामा
सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०