Worldlink ads

मुग्लिन सडकखण्ड छानविनको दायरामा : गृहमन्त्री

आदर्श समाज सम्वाददाता
जेठ ९, २०७५

चितवन, ८ जेठ। गृहमन्त्री रामबहादुर थापाले नारायणगढ मुग्लिन सडक खण्ड निर्माणको प्रक्रिया छानविनको दायरामा ल्याइएको बताएका छन्।

जिल्लाका सुरक्षा निकायका प्रमुखहरुलाई मंगलबार भरतपुरमा निर्देशन दिँदै थापाले समयमा काम सम्पन्न नभएकाले छानविन गर्न निर्देशन दिएको बताए।

उक्त सडक खण्डको निर्माण सम्पन्न गर्नुपर्ने समय थप गर्ने वा जरिवाना लगाएर काम गर्ने भन्ने विषयमा छानबिनपछि मात्र निर्णय गरिने उनको भनाइ छ। थापाले जिल्लामा समयमा काम नगर्ने ठेकेदारको अवस्थाबारे जिल्लास्थित सुरक्षा निकायसँग जानकारी लिएका थिए।

नारायणगढ-मुग्लिन सडक खण्ड हालसम्म ८८ प्रतिशत काम सम्पन्न भएको छ। तीन खण्डमा विभाजन गरेर ठेक्का दिइएको सो सडक खण्डका दुर्इ वटा खण्डको चौथो पटक थपिएको समय सकिएको छ भने एउटा खण्डको जेठ १६ मा सकिँंदै छ।

राजधानी काठमाडौं, पोखरा लगायत मुख्य शहरलाई तराईसँग जोड्ने प्रमुख मार्गका रुपमा रहेको उक्त सडक खण्ड निर्माण ढिलाइको चौतर्फी विरोध भइरहेका समयमा गृहमन्त्री थापाको यस्तो भनाइ आएको हो।

सो अवसरमा गृहमन्त्री थापाले जिल्लाको शान्तिसुरक्षा मजबुत राख्न निर्देशन दिए। हालै हावाहुरी र असिना पानीबाट क्षति भएको केरा, मकै, तरकारी र बर्ड्फ्ल्लुबाट पोल्ट्री क्षेत्रमा भएको प्रभावका बारेमा थापाले जानकारी लिएका थिए। गृहमन्त्री थापा विप्लव समूहले आफ्नो गतिविधि देखाइरहेको भन्दै रोक्नका लागि के कस्ता काम गरिरहेको छ भन्ने विषयमा जानकारी लिएका थिए।

चितवनका प्रमुख जिल्ला अधिकारी जीतेन्द्र बस्नेत र प्रहरी प्रमुख एसपी सुशीलसिंह राठौंरले जिल्लामा हावाहुरी र असिनाबाट भएको क्षति, बर्ड्फ्ल्लुबाट परेको प्रभाव, विप्लव निकट नेकपाको गतिविधि, आपराधिक गतिविधि, सडक सुरक्षा लगायत विषयमा जानकारी गराएका थिए।

सो अवसरमा गृहसचिव प्रेमकुमार राई, प्रहरी महानिरीक्षक सर्वेन्द्र खनाल, सशस्त्र प्रहरीका महानिरीक्षक सैलेन्द्र खनाल, राष्ट्रिय अनुसन्धान विभागका प्रमुख दिलीप रेग्मी, गृहप्रवक्ता रामकृष्ण सुवेदी लगायतको उपस्थिति थियो।

हेलिकप्टरमार्फत् सुर्खेतमा हुन लागेको कर्णाली प्रदेशको सुरक्षा गोष्ठीमा जाँदै गर्दा मौसम प्रतिकूल भएपछि गृहमन्त्री सहितको टोली चितवनमा अवतरण गरेको थियो।

Related News

सम्बन्धित समाचार

    • विवेकशील साझाका अध्यक्ष रवीन्द्र मिश्रलाई कोरोना

      आदर्श समाज सम्वाददाता माघ ३, २०७८
      पोखरा । विवेकशील साझा पार्टीका अध्यक्ष रवीन्द्र मिश्रलाई कोरोना संक्रमण भएको छ । मिश्रले आफूलाई पनि कोरोना संक्रमण भएको सामाजिक…
    • एक्यापसँग निरीह तल्ला सरकार

      आदर्श समाज सम्वाददाता माघ ३, २०७८
      पोखरा। कास्कीको मादी गाउँपालिकाले आफ्नो क्षेत्रबाट अन्नपूर्ण संरक्षण क्षेत्र आयोजना (एक्याप) हटाइदिन संघ सरकारसँग आग्रह गरेको छ । विकासमा साझेदारी…
    • पत्रकार नारदजस्तो तटस्थ र निर्भीक हुनुपर्छः बास्तोला

      आदर्श समाज सम्वाददाता माघ १, २०७८
      कपिलबस्तु । स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले पत्रकार नारदजस्तो हुन सक्नु पर्ने बताएका छन् । उनले स्वतन्त्र…
    • नेपाली नर्स लैजान बेलायत तयार

      रासस माघ १, २०७८
      पोखरा । नेपाल र बेलायतबीच श्रम सम्बन्ध कायम गर्ने विषयमा दुई देशका अधिकारी सहमत भएका छन्। दुवै देशका अधिकारीबीच शुक्रबार…
    • नरभक्षी बाघ नियन्त्रणका लागि टोली परिचालन   

      आदर्श समाज सम्वाददाता पौष ३०, २०७८
      नवलपुर। नवलपरासी (बर्दघाट–सुस्तापूर्व)मा बाघको आक्रमण बढ्दै गएपछि सो बाघको अनुगमन र नियन्त्रणका लागि टोली खटिएको छ । जिल्लाको विनयी त्रिवेणी…

    hero news full width