Worldlink ads

मापदण्डविपरीतका संरचना हटाइँदै

आदर्श समाज सम्वाददाता
जेठ ८, २०७५

पोखरा, ७ जेठ । पोखरा लेखनाथ महानगरपालिकाले पृथ्वीचोकदेखि तालचोकसम्म राजमार्गको दायाँबायाँ मापदण्डविपरीत निर्माण गरिएका संरचना हटाउने भएको छ।

महानगरपालिकाका ट्राफिक व्यवस्थापन समितिका अध्यक्ष एवं प्रमुख मानबहादुर जिसीको अध्यक्षतामा बसेको बैठकले घर, टहरा र ग्यारेजका सामान हटाउने निर्णय गरेको हो।

जसअनुसार विजयपुरदेखि जिरो किमीसम्म बीच सडकमा रहेका बिजुलीका पोल पनि सडक छेउमा सार्ने निर्णय महानगरपाकिाले गरेको छ।

सडक बीचमा रहेका १७ पोललाई एक हप्ताभित्र सडक छेउमा सारिने ट्राफिक व्यवस्थापन समितिका फोकलपर्सन सुरेन्द्र पौडेलले जानकारी दिए। बिजुलीको पोल सडकमा हुँदा दुर्घटना हुनका साथै ट्राफिक व्यवस्थापनमा समेत असर परेको उनले बताए।

मापदण्डविपरीत निर्माण गरिएको भौतिक संरचना ७ दिनभित्र हटाउन सूचना जारी गर्ने र नहटाएमा कारबाही गरिने पौडेलले जानकारी दिए।

उनका अनुसार सडकको आसपासमा स्थायी संरचना, वर्कसप तथा जथाभावी निर्माणका सामग्री राख्दा ट्राफिक व्यवस्थापनमा समस्या सिर्जना भएको कारण हटाउन लागिएको हो।

हटाउन तोकिएको सूचनालाई बेवास्ता गरेमा ५ हजार रुपैयाँ जरिवाना गरिने छ।

महानगरले पोखराका मुख्यबजार क्षेत्रका सडकमा गरिने पार्किङको विकल्प खोज्ने निर्णय गरेको छ। महानगरपालिकाले व्यक्तिको जग्गा भाडामा लिएर ट्राफिक व्यवस्थापन गर्न सूचना जारी गरिसकेको छ।

संघसंस्थाले आफ्ना सवारीसाधन पार्किङको व्यवस्थान आफैले गर्नुपर्ने र सडक जाम हुने गरी नगर्न संघसंस्थालाई सूचना जारी गर्ने निर्णय महानगरपालिकाले गरेको छ।

विशेष गरी पार्टीप्यालेस छेउका सडकमा लामो समयसम्म सवारीसाधन पार्किङ गर्दा ट्राफिक जाम हुने गरेकोले पार्टीप्यालेस आफैले पार्किङ व्यवस्थापन गर्नुपर्ने पौडेलले बताए। बजारका विभिन्न चोकका टयाक्सी पार्किङलाई पनि व्यवस्थित गर्ने योजना महानगरपालिकाले बनाएको छ। पृथ्वीचोकको बसपार्कमा लामो समय पार्किङ गर्ने बस पनि हटाउने निर्णय नगरपालिकाले गरेको छ।

Related News

सम्बन्धित समाचार

    • थमन परियार १७ औं स्मृति सभा

      आदर्श समाज सम्वाददाता कार्तिक ७, २०७८
      लेखनाथ । स्वर्गीय थमन परियारको १७ औं स्मृति सभा शनिबार लेखनाथमा भएको छ । थमन परियार स्मृति प्रतिष्ठानले आयोजना गरेको…
    • लेखनाथ निर्माण व्यवसायी समितिमा प्रेम

      आदर्श समाज सम्वाददाता कार्तिक ७, २०७८
      लेखनाथ । लेखनाथ निर्माण व्यवसायी समितिको अध्यक्षमा प्रेमबहादुर थापा निर्वाचित भएका छन् । शनिवार सम्पन्न संस्थाको चौथो वार्षिक साधारण सभा…
    • विश्व हिन्दु महासंघमा विवाद

      आदर्श समाज सम्वाददाता कार्तिक ७, २०७८
      पोखरा । विश्व हिन्दु महासंघ राष्ट्रिय समिति नेपाल आन्तरिक विवादमा फसेको छ । विश्व हिन्दु महासंघको नाममा अर्को संस्थाले महायज्ञ…
    • आन्तरिक पर्यटकले आशा जगाएको पोखराको पर्यटन

      रासस कार्तिक ६, २०७८
      पोखरा । कोभिड–१९ कारण लामो समयदेखि सुनसान रहेको पोखराको लेकसाइडमा यतिबेला भने आन्तरिक पर्यटकले चहलपहल बढेको छ । सरकारले निषेधाज्ञा…
    • ढिकुरपोखरी समाज पोखराको सभा

      आदर्श समाज सम्वाददाता कार्तिक ६, २०७८
      हेमजा । ढिकुरपोखरी समाज पोखराको १४ औं वार्षिक साधारणसभा भएको छ । शुक्रबार सभाको उद्घाटन गर्दै अन्नपूर्ण गाउँपालिका अध्यक्ष युवराज…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग