दिगोको नेतृत्व विकास तालिम

आदर्श समाज सम्वाददाता
जेठ ८, २०७५
hemja photo

हेमजा, ७ जेठ । अन्नपूर्ण गाउँपालिका-२, ढिकुरपोखरीस्थित दिगो महिला विकास बचत तथा ऋण सहकारी संस्थाको आयोजनामा सञ्चालित दुर्इदिने नेतृत्व विकास अभिमुखीकरण तालिम सोमवार सम्पन्न भएको छ ।

समापन समारोहलाई सम्बोधन गर्दै संस्थाकी अध्यक्ष तथा गाउँपालिकाकी उपाध्यक्ष सगुन गुरुङले नेपालमा सहकारी र सामुदायिक वन सबैभन्दा सफल योजना रहेको सुनाउँदै समूहमा मिलेर काम गर्न सहभागीलाई आग्रह गरिन् ।उनले सिकेको सीप व्यवहारमा उतार्न सुझाव दिँदै पछाडि परेका महिलालाई तालिमले फाइदा दिएको बताइन् ।

सहकारी व्यवस्थापक अम्बिका कुँवरले आजका महिला आफ्नो घरको चुल्हो र चौकोमा मात्र सीमित नबसी घरबाट बाहिर निस्केर समूहमा कार्य गर्नुपर्ने औँल्याइन् ।

पत्रकार श्रीभद्र पौडेलले महिला सशक्तिकरणको पक्षलाई सिद्घान्तमा भन्दा व्यवहारमा लागू गर्न आवश्यक रहेकोमा जोड दिए।

नव सिर्द्घार्थ महिला सहकारी पोखराकी अध्यक्ष कल्पना श्रेष्ठले सहभागि महिलाहरुलाई बैंकमा नभई एउटै सहकारी संस्थाबाट मात्र कारोबार गर्न सुझाव दिइन् । उनले तालिमबाट प्राप्त सीप दैनिक जीवनमा प्रयोगमा ल्याउन आग्रह समेत गरिन् ।

सो अवसरमा सहभागीतर्फबाट कृष्णकुमारी सुवेदी, हरिमाया अधिकारी, बाटुली नेपाली र खिमा भण्डारीले आ-आफ्ना अनुभव सुनाएका थिए ।

उक्त तालिममा पोखरास्थित सिर्द्घार्थ क्लबका पूर्व अध्यक्ष राजेन्द्रकुमार श्रेष्ठले बैठक बस्ने प्रणाली, माइन्युट लेखन र प्रतिवेदन लेखनका सम्बन्धमा प्रशिक्षण दिएका थिए । तालिममा सहकारीका सञ्चालक समिति, लेखा समिति, ऋण उपसमिति र सहकारीका छिमेकी वडाका प्रतिनिधिको सहभागिता रहेको थियो। सहकारी अध्यक्ष गुरुङको अध्यक्षतामा सम्पन्न समापन समारोह कोषाध्यक्ष खीमा भण्डारीले सञ्चालन गरेकी थिइन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width