Worldlink ads

‘बितेका कुरा’ मञ्चन शुरु

आदर्श समाज सम्वाददाता
जेठ ४, २०७५
natak

पोखरा ३ जेठ । पोखरा थियटरमा बिहीबारदेखि ‘बितेका कुरा’ मञ्चन शुरु भएको छ।

नाटकमा मानिसको विगत र वर्तमानबीचको सम्बन्ध चित्रण गरिएको छ। कक्षा ११ को ऐच्छिक नेपाली पाठ्यक्रममा समेत समेटिएको सो नाटकले दर्शकलाई घरी हसाँउछ, घरी गम्भीर बनाउछ।

समाजमा घट्ने घटनालाई यथार्थचित्रण गरिएको यो नाटक सन्देशमूलक रहेको पोखरा थिएटरका अध्यक्ष समेत रहेका निर्देशक परिवर्तन कार्कीले जनाए ।

मञ्चन समारोहमा पुगेका संगीत नाट्य प्रज्ञा प्रतिष्ठानका कुलपति सरुभक्त, कवि तीर्थ श्रेष्ठ लगायतले नाटक हेरिसकेपछि प्रतिक्रिया दिँदै नाटकले दर्शक साथ पाउने विश्वास व्यक्त गरे। नाटक मार्फत दर्शकको ध्यान खिच्न कलाकारले गरेको मेहनतको उनीहरुले तारिफ गरे।

नाटकलाई उत्कृष्ट बनाउन पुराना रंगकर्मी प्रकट पंगेनी शिवदेखि दिलप्रसाद गुरुङ, ध्रुव पौडेल, वविता मल्ल ठकुरी, प्रसुना भण्डारी, सम्झना सिर्पाली, शरद भण्डारी, सूर्य सुवेदी, रोशन ज्ञवाली, सौरभ तिम्सिना, स्रि्रन पौडेलको अभिनय गरेका छन् । एक घण्टा लामो सो नाटक जेठ १९ गतेसम्म मञ्चन हुनेछ।

सोमबार बाहेक हरेक दिन साँझ ५ बजे नाटक मञ्चन हुनेछ। शनिबार दिउँसो १ बजे अतिरिक्त सो समेत हुनेछ।

रुपनारायण सिंहले लेखेको सो नाटक निर्देशन गर्दै परिवर्तनले निर्देशनमा डेब्यु गरेका हुन्। नाटकको परिकल्पना समेत उनैले गरेका हुन्। नाटक हेर्न सर्वसाधारणका लागि ३ सय तथा ५ सय रुपैयाँको टिकट काट्नुपर्ने हुन्छ। विद्यार्थीलाई मात्र १ सय रुपैयाँको टिकट लाग्नेछ।

नाटकघर सञ्चालनमा आएपछि नेपालका विभिन्न ठाउँका १४ वटा नाटक मञ्चन यहाँ भैसकेका छन्। बितेका कुरा पोखरा थिएटरमा मञ्चन हुने १५ औं नाटक हो ।

यसअघि पोखरा थिएटरको पहिलो प्रस्तुतिको रुपमा ‘सिरुमारानी’ मञ्चन भएको थियो। पहिलो दिनमा नाटक हेर्न पुगेका दर्शकले सकारात्मक प्रतिक्रियाले थिएटर टिम उत्साहित छ।

Related News

सम्बन्धित समाचार

    • आमाको स्मृतिमा बास्तोला परिवारको अक्षयकोष

      आदर्श समाज सम्वाददाता असाेज २५, २०७८
      पोखरा । पोखरा ११, फूलबारीका रामचन्द्र बास्तोला र कृष्णप्रसाद बास्तोला (राजु) ले आमाको स्मृतिमा अक्षयकोष स्थापना गरेका छन् । उनीहरुले…
    • विश्व हिन्दू महासंघको पोखरामा महायज्ञ तयारी

      आदर्श समाज सम्वाददाता असाेज २५, २०७८
      पोखरा । विश्व हिन्दू महासंघ राष्ट्रिय समिति कास्कीको आयोजनामा ॐकार सनातन वैदिक धर्म संकल्प महायज्ञ एवं श्रीमद्भागवत् धर्म जागरण विराट…
    • पोखरामा खसी बजारमा अनुगमन

      आदर्श समाज सम्वाददाता असाेज २५, २०७८
      पोखरा । चाडपर्वमा उपभोक्ता ठगिएको गुनासा आएपछि पोखरा महानगरले बजार अनुगमन सुरु गरेको छ । महानगर उपप्रमुख मञ्जुदेवी गुरुङको नेतृत्वमा…
    • पाल्पाली समाज पोखराको शुभकामना आदानप्रदान

      आदर्श समाज सम्वाददाता असाेज २५, २०७८
      पोखरा । पाल्पाली समाज पोखराले दसैं, तिहार, नेपाल संवत, छठ अवसरमा शुभकामना आदानप्रदान कार्यक्रम गरेको छ। कार्यक्रममा पोखरा विश्वविद्यालयका पूर्व…
    • मेयर मानबहादुर जिसी पोखरा फर्के

      आदर्श समाज सम्वाददाता असाेज २३, २०७८
      पोखरा, २३ असोज । पोखरा महानगरपालिकाका मेयर मानबहादुर जिसी झण्डै २ महिनाको उपचारपछि पोखरा फर्केका छन् । उनी शनिबार पोखरा…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग