पोखरा, १ जेठ । मुक्तिनाथ विकास बैंकको प्रमुख कार्यकारी अधिकृत -सिइओ) मा नियुक्त प्रद्युमन पोखरेलको पदस्थापन भएको छ । बैंकको नायव प्रमुख कार्यकारी अधिकृतमा कार्यरत पोखरेललाई बैंकल सञ्चालक समितिले यसअघि सिइओमा नियुक्ति गर्ने निर्ण गरेको थियो । बैंकि· क्षेत्रमा करिब २८ वर्ष लामो अनुभव संगालेका पोखरेलले संस्थापक प्रमुख कार्यकारी अधिकृत भरत राज ढकालको कार्यकाल समाप्त भएपश्चात बैंकको दोस्रो प्रमुख कार्यकारी अधिकृतका रुपमा पदभार ग्रहण गरेका हुन् ।

सञ्चालक समिति अध्यक्ष खिमप्रकाश मल्लले नवनियुक्त प्रमुख कार्यकारी अधिकृत पोखरेललाई पद तथा गोपनियताको शपथ ग्रहण गराए ।वाणिज्य शास्त्रमा स्नातकोत्तर पोखरेलले नबिल बैंकबाट आफ्नो बैंकि· सेवा शुरु गरी करिब १९ वर्ष उक्त बैकको विभिन्न विभागहरुको जिम्मेवारी वहन गरेका थिए ।पछि उनी ६ वर्ष मेघा बैंक नेपाल लिमिटेडमा सहायक महाप्रबन्धकको रुपमा कार्यरत रही २०७३ मंसिर १९ गतेदेखि मुक्तिनाथ बैंकको नायव प्रमुख कार्यकारी अधिकृतको रुपमा कार्यरत रहेका थिए। बैंकले नवनियुक्त प्रमुख कार्यकारी अधिकृतको पदस्थापन कार्यक्रमको अवसरमा सामाजिक उत्तरदायित्व अन्तर्गत वीर अस्पतालको सरसफाइको लागि १ लाख आर्थिक सहयोग गरेको छ।  उक्त सहयोग रकम धुर्मुस सुन्तली फाउन्डेशन मार्फत फाउन्डेशनका अध्यक्ष सीताराम कट्टेल (धुर्मुश) लाई बैंकका सञ्चालक समितिका अध्यक्ष मल्लले प्रदान गरेको बैंकका प्रवक्ता/ सहायक प्रमुख कार्यकारी अधिकृत तिलबहादुर गुरुङले जानकारी दिए ।