Worldlink ads

विमानस्थल विस्तार हुन नसक्दा ठूला विमान आएनन्

आदर्श समाज सम्वाददाता
वैशाख २५, २०७५
Bharatpur Airport (2)

चितवन, २४ वैशाख । भरतपुर विमानस्थलको धावनमार्ग विस्तार हुन नसक्दा ठूला विमानले यहाँबाट सेवा दिन सकेका छैनन्। यात्रुको चाप दिनानुदिन बढ्दै गए पनि विमान कम्पनीहरुले थोरै सिट क्षमताका विमानबाटै सेवा दिनुपर्ने बाध्यता रहेको छ। साना विमानले पनि पूरै सिट क्षमतामा यात्रु बोक्न पाएका छैनन्।

भरतपुर नागरिक उड्डयन कार्यालयका प्रमुख पवनकुमार गौतमका अनुसार २०१८ सालबाट सञ्चालनमा आएको विमानस्थल सोही समयको आवश्यकतालाई मध्यनजर गरी निर्माण गरिएको भए पनि विस्तार हुन नसक्दा समस्या भएको हो। उनका अनुसार ६२ विगाहा क्षेत्रफलमा फैलिएको विमानस्थलको धावनमार्ग १ हजार २ सय मिटर लामो छ। विमानस्थल वरपर मापदण्डविपरीत घर निर्माण भएका कारण पूरै धावनमार्ग पनि विमानले प्रयोग गर्न सक्दैनन्। जसका कारण साना विमान समेत उडान अवतरणमा समस्या हुने गरेको गौतमले बताए।

यती एयरलाइन्स भरतपुरका प्रबन्धक राजेशसिंह कम्पनीको ३० सिट क्षमताको जेटस्टिम विमानले धावनमार्ग पर्याप्त नहुँदा २०/२२ जनासम्म मात्रै यात्रु बोक्दै आएको बताउँछन्। अहिले भइरहेको धावनमार्गको अवतरण क्षेत्र -दक्षिण-पूर्व) मा बनाइएका मापदण्डविपरीत निजी संरचनाका कारण पूरै धावनमार्ग प्रयोग गर्न कठिन हुने सिंहले बताए।

बुद्ध एयर भरतपुरका प्रबन्धक भक्त बस्नेत धावनमार्ग छोटो हुनु र विमान अवतरण क्षेत्रमा मापदण्डविपरित संरचनाका कारण साना विमानले पनि क्षमता अनुसारको यात्रु बोक्न नसकेको बताउँछन्। उच्च तापक्रम र पर्याप्त धावनमार्गको अभावमा विमानले क्षमता अनुसारको यात्रु बोक्न कठिन भएको उनले बताए। बुद्धले ४७ सिट क्षमताको एटिआर ४२ मार्फत् उडान भर्दै आएको छ। ठूला जहाज अवतरण नहुँदा एक दिनमा ११ वटासम्म उडान भर्नुपर्ने बाध्यता रहेको बस्नेतले बताए। धेरै सिट क्षमताका विमानबाट सेवा दिन सकिए थोरै उडानले सस्तो भाडादरमा सेवा दिन सकिने उनको भनाइ छ।

विमानस्थलको क्षेत्र विस्तारका लागि नजिकै रहेको सेनाको घोडा प्रजनन् केन्द्र रहेको व्यारेक नै उपयुक्त मानिँदैआएको छ। तर, सेनाले मुख्य शहरको नजिक विमानस्थल हुनुभन्दा शहरबाट टाढा विमानस्थल राख्न सके राम्रो हुने तर्क राख्दै आफुले प्रयोग गर्दै आएको जमिन दिन नसक्ने जवाफ दिएको गौतमले बताए।

नागरिक उड्ड्यन कार्यालय भरतपुरले २०७२ माघ १८ गते सेनालाई पत्र पर्ठाई जग्गा माग गरेको थियो। माघ २१ गते नै सेनाले जग्गा दिन नसकिने जवाफ दिएको थियो।

दुर्इ कार्यालयबीच जग्गाको विषयमा पत्राचार भए पनि सरकारी स्तरबाट विमानस्थल विस्तारका लागि पहल हुन सकेको छैन।

भरतपुर काठमाडौंबाट ५० नटिकल माईल दुरीमा रहेको छ। भरतपुर काठमाडौं सोर्फी भाडादर ३ हजार ६ सय रुपैयाँ तिर्नुपर्ने बाध्य छ। भरतपुर विमानस्थलबाट सोर्फी दैनिक औसतमा ५ सय यात्रुले यात्रा गर्दै आएका छन्। बुद्ध, यती र सिम्रिक एयरले यहाँबाट नियमित उडान भर्दै आएका छन्। यतीको जेट स्ट्रीम र बुद्धको बीचक्राफ्ट, एटिआर-४२ जस्ता आधुनिक विमानले उडान भर्ने गरेको विमानस्थलका प्रबन्धक गौतमले बताए।

Related News

सम्बन्धित समाचार

    • गुडिरहेको बसमा आगलागी

      रासस कार्तिक ७, २०७८
      धादिङ । पृथ्वी राजमार्गअन्तर्गत गजुरी गाउँपालिका–१ गजुरीबजारमा गुडिरहेका बसमा आज बिहान आगलागी भएको छ । सुर्खेतबाट काठमाडौँतर्फ आउँदै गरेको ना६ख…
    • मुख्यमन्त्री पोखरेलले लिए पोखराका मेयर जिसीको स्वास्थ्य अवस्थाबारे जानकारी

      आदर्श समाज सम्वाददाता कार्तिक ६, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखरा महानगरपालिकाका प्रमुख मानबहादुर जिसीलाई भेटेर उनको स्वास्थ्य अवस्थाका बारेमा जानकारी लिएका…
    • महिलाले शव बोकेर घाटसम्म पुर्‍याए

      रासस कार्तिक ६, २०७८
      तनहुँ । छोरीले शव बोक्न तथा काजक्रिया गर्नुहुँदैन भन्ने सामाजिक कुरुतीलाई तोड्दै यहाँका महिलाले शव बोकेर सेतीमादी नदीको सङ्गमस्थल दमौलीघाटसम्म…
    • किन देखिन्छन् समाजमा यौन विकृति ?

      रामप्रसाद सुवेदी कार्तिक ६, २०७८
      अहिले नेपाली समाजमा घटेका अनेक घटनाले सामाजिक सञ्जाल भरिएको पाइन्छ । त्यसको मात्रा हेर्ने हो भने धेरै यौनजन्य क्रियाकलामा जोडिएका…
    • आत्महत्याविरुद्ध पत्रकारलाई अभिमुखीकरण

      आदर्श समाज सम्वाददाता कार्तिक ६, २०७८
      लमजुङ । लमजुङमा कार्यरत पत्रकारका लागि आत्महत्याविरुद्ध अभिमुखीकरण गरिएको छ । नेपाल पत्रकार महासंघको आयोजनामा कोशिस नेपालको सहयोगमा आयोजित अभिमुखीकरण…

    hero news full width

    Jewellery

    sanil ads

    wordlink ads

    trending post

    ट्रेन्डिङ्ग