Worldlink ads

पत्रकार रमेश पौडेल सम्मानित

आदर्श समाज सम्वाददाता
वैशाख २५, २०७५
ramesh

पोखरा, २४ वैशाख । पत्रकार रमेश पौडेल उत्कृष्ट समाचार समाचारदाताको रुपमा सम्मानित भएका छन् ।

गोरखापत्र संस्थानको ११८ औं वाषिर्कोत्सवका अवसरमा काठमाडौंमा सोमबार आयोजित समारोहमा प्रदेश ४ का उत्कृष्ट समाचारदाताको रुपमा पौडेललाई नगद ५ हजार ५ सय ५५ रुपैयाँ र सम्मानपत्र सहित सम्मान गरिएको हो । उनी दुर्इ दशकदेखि गोरखापत्रमा पोखरा समाचारदाताको रुपमा कार्यरत छन् ।

रेडियो बाराहीका कार्यकारी निर्देशक समेत रहेका पौडेल यसअघि दयाशंकर स्मृति पत्रकारिता पुरस्कार, गजेन्द्र भण्डारी स्मृति पत्रकारिता पुरस्कार, नेपाल टेलिभिजन उत्कृष्ट पत्रकारिता, पर्वतीय पर्यटन पत्रकारिता पुरस्कार लगायतबाट पुरस्कृत हुनुको साथै दर्जनौ संघसंस्थाबाट सम्मानित भएका छन् ।

नेपाल प्रेस युनियनका केन्द्रिय उपाध्याक्ष तथा वानका निवर्तमान केन्द्रिय उपाध्यक्ष पत्रकार पौडेल नेपाल टेलिभिजनका पोखरामा समाचारदाता पनि हुन् ।

समारोहमा सञ्चार तथा सूचना प्रविधि राज्यमन्त्री गोकुलप्रसाद बाँस्कोटाले पौडेलसहित प्रदेशतर्फ १ बाट सचिन पोखरेल, , २ बाट कन्हैलाल केशरी, ३ बाट राममणि दाहाल, ५ बाट छविलाल पाण्डे, ६ बाट ललित बसेल र ७ का प्रकाशविक्रम शाह तथा काठमाडौँ उपत्यकाबाट देवबहादुर कुँवरलाई नगदसहित सम्मानित गरेका थिए ।

यस्तै, गोरखापत्र राष्ट्रिय पत्रकारिता पुरस्कार वरिष्ठ पत्रकार भैरव रिसाललाई प्रदान गरियो । पुरस्कार राशि ५५ हजार ५ सय ५५ र सम्मानपत्र छ ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग